तीतुस 3:3 - लाहौली बाइबिल

³ छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।

तीतुस 3:3 Iomraidhean Croise

मत्ती 21:29

दोई जुबाब रंड्रा गेह मेहग; पर थले एनोह जुबाब रंङ पछतावा शुई, दंङ दोरच़ी अच़ा इलि।

लूको 21:8

यीशु ज़ि कुहतो, “खबरदार तोहई कि केरे भरमासी मेस, महस मीहच़ी गिऊ अधिकारो दावा लहच़ी अपोर दंङ कोहर, गेह मसीह शुगाह, दंङ दोतु थले था ईलांई।

यहून्नो 8:34

यीशु ज़ि दोतिंङ जुबाब रेंई, “गेह केतंङ साते हेले कुट्रातग कि अच़िला पाप लाह दुह पापो गुलाम शुह।

रोमियो 11:30

छना कुचे केहच़ी तुहई परमेश्वरो हुकुम माह मनेक्तंई, पर हेंतेग इस्राएली मीहतु हुकुम माह मनेक्च़िमी रंङ साते केहतु टोईच़ी दया शुई।

रोमियो 6:12

झांह लेह पापमय हिटी केनातु जीवनारिंङ राज लेह थारोंऊ, केहच़ी केनातु पापमय हिटी ऊ हिसाबे कम थालंही।

रोमियो 6:17

केरे पापो गुलाम तोईनी, पर हेंतेग केहच़ी दुह शिक्षा ओ भाषे लहज़ातंई, अंऊ केतिंङ खोकसिरी। झांह लेह गेह परमेश्वरो धन्यवाद लहज़ातग।

रोमियो 6:22

दंङ एंतेग पापो दोरच़ी आज़ाद शुहचे परमेश्वरो दास शुहचे केरे दू कम लहज़ातंई अंऊ पवित्रता ओ हखा रैंज़ा शिलज़ा, दंङ दोऊ अंत अनंत जीवन तोह।

रोमियो 6:6

ञेंहच़ी ञेंहच़ातोंई कि ञेंहतु युई पापो स्वाभाव यीशु मसीह रंङ साते क्रूसो टोईच़ी चढ़ाके च़रतिर ताकि हेंदु फुका रिंङ पापो स्वाभाव नाश शुहचे योतो, दंङ हेनर तुंखा पापो गुलामीरिंङ माह बंङज़ोंई।

2 कुरिन्थियों 12:20

दंङ गिह्बी दिला बेह्द तोह, कि झांह शुहबी मेस, कि गेह अंज़े छना जुंज़ातग, ध्वांए केतिंङ माह खोकपोग; दंङ गिह्बी ला छना केहच़ी माह जुन्ज़ातंई ध्वांए खोकपोंई, दंङ गिह्बी दि ला बेह्द तोह कि केहतु बिचंङ झगड़ा, जलन, रोहष, विरोध, चुगली, घमण्ड ए बखेड़ा लहज़िमी ठ्रोह स्वाभाव खोकपोग।

गलातियों 6:3

छना कुचे अगर केहच़ी ञेंहच़ातंई कि अतुआ मदत लहज़िमी थल्जी केरे महस खास शुई दंङ केरे सिर्फ केनातिंङ ए मुर्ख बणाएच़ातोंई केरे धोंण ला खास माह शुई।

कुलुस्सियों 1:21

दिबे तुहई केरे परमेश्वरे बे ऊई तार तोहनि। केरे परमेश्वरो बैरी तोईनी छना कुचे केहतु विचार ए केहतु कम मांजी तोहई।

कुलुस्सियों 3:7

दंङ केरेला, अंऊ मुक्का दि बुराई ऊ जीवन बिताएच़ातेंई, दंङ केरेला दिए हिटी ऊ हिसाबे जीवन बिताएच़ातेंई।

2 तीमुथियुस 3:13

पर मदम मीहरे ए धोखेबाज़ मीहरे ऊई ला मदम कम लोहर दोरे मीहतिंङ धोखा रमोर दंङ दोतिंङ ला ऊईज़ि धोखा रमोर।

2 तीमुथियुस 3:6

छना कुचे दितु बिचंङ रें मीहरे झांह ला तोतोर अंऊ मीहतु चुंङ ब्याके यवातोर, दंङ मेच़िमीतिंङ एनोह वशारिंङ लहज़ातोर, अंऊ एनोह पापो दोरच़ी तेपसा भत्ते पाहठी ओ मदम हिटी रिंङ तोह।

तीतुस 1:16

दोरे हप्सी शिक्षा रंड्रा कुट्रातोरे कि हेनर परमेश्वरा बि ञेंच़ातंई, पर दोतु कम दिबी गलत सबित लहच़ी केट्रा। छना कुचे दोरे महस झखंजी (घिनौने) ए हुकुम माह मनेक्च़ा तोतोर, दंङ दोरे अंऊ ला रूठे कम लहज़िमी जोगे माह तोहर।

तीतुस 2:12

दि मोह्ड़े दाह ओ दोरच़ी परमेश्वर हेंदिंङ हुकुम रंड्रा, कि हेनर ध्वांए ठ्रोह व्यवहार लेह बन्द लेह च़रपोंई, अंऊ दोबि खुश माह लहज़ा, दंङ दुह चीज़ा तु लालच लेह बंद लंहि अतु हिटी अविशवासी ज़ि तहच़ातेर, दंङ अपेहल हेनर हेंतेग दि धरतीऊ टोहकठे ए तोतोंई दंङ बुद्धिमानी ए धर्मिकता रंङ दि तरीका रंङ साते कम लंहि कि अंऊ परमेश्वराबि खुश लहज़ा।

याकूब 1:26

अगर अच़िया एनाबि भक्त समझेक्च़ा, पर मांजी गप्पा कुट्रिमी थल्जी एनोह लेह रिंङ काबू माह तहज़ा दंङ दुह एनाबि धोखा रंड्रा, दंङ दोऊ भक्ति बेकार तोह।

1 पतरस 1:14

परमेश्वरो हुकुमो भाषे लंहि छना कुचे केरे दोऊ कटुरे शुई। दंङ दू मदम कम थालंही अतिंङ केरे दू मुक्का लहज़िमी हिटी तहज़ातंई, अपेहल केरे परमेश्वरो सच्चाई माह ञेंहच़ातंई।

प्रकाशित वाक्य 12:9

दिऊ थल्जी दोबि ए दोऊ साथी तिंङ धरती रिंङ छंङी च़रति। दि मोह्ड़े अजगर दुह ए तोह अंऊ महसे टेम तुहई ओमड्रो रूपारिंङ तंङातेंई, अतिंङ शेतान ए दोष लगाएच़ा ला कुट्रातोर। दि दुह ए तोह अंऊ दि संसारो मीहतिंङ धोखा रंड्रा।

प्रकाशित वाक्य 13:14

महस मीहरे अई घ्वंणो दुह अद्धभुत कमो दोरच़ी महस खुश शुहचे धोखा खोकसिरी अंऊ दुह तुहई घ्वंणो शाक्ति ओ दोरच़ी तंङफाते। अई घ्वंणो दोरच़ी मीहतु हखा कुई कि दुह मुण्डो घ्वंणो पूजा लहज़िमी थल्जी इच्च़ा मुर्ति बणाएतुंई, अंऊ हथियार रें घायल शुहचे इलजी तोहई, दंङ यह्च़ा ठीक शुहचे इलजी तोह।

प्रकाशित वाक्य 18:2

दोई जोरे सग रंङ साते कुई, “बेबीलोनो दुह खास शहर एंतेग यहरच़ा इलज़ा।” छना कुचे दि बाबेल शहरो भत्ते राज्य तु मीहतिंङ दुह सरा तुंङमी रांहषी ततो अंऊ दोऊ मुर्ति ओ पूजा शुह। भत्ते धरतीऊ रज्ज़ा दोरंङ साते दोऊ मदम कमारिंङ शामिल शुहचे इलजी तोतोर। दुह मेच़िमी ओ किमती-किमती चीज़ा तु हिटी ओ वहज़ा ज़ि धरतीऊ व्यापारी साहुकार शुहचे इलजी तोतोर। पर परमेश्वर दि अशुद्ध ए कुकम लहज़ा मेच़िमी बि सच़ी च़रपोतो। तोग भत्ते पाहठी मांजी आत्मा दोर बंङज़िमी थल्जी अच़ा योर दंङ दि मदम ए झखंजी प्यारेतु घोंसला बणाएच़िमी ठहरि बणेंके योतो।