तीतुस 3:14 - लाहौली बाइबिल

¹⁴ सिर्फ धोंण ए मशत, कनिंङ विशवासी तिंङ सिखासी जूंशी तोह कि रूठे कम लहज़िमी थल्जी लगातार मेहनत लोहवा लंहि ताकि दुह मीहतु ज़रूरत पूरा लहज़िमी थल्जी रूठे कम लहज़िमी दोतिंङ महस मेहनत लेह जुंशी तोह। झांह लेह विशवासी तिंङ इच्च़ा मकसद रंङ साते जीवन श्रींङमी मदत खोकसोतो।

तीतुस 3:14 Iomraidhean Croise

कुलुस्सियों 1:10

दंङ ञेंहच़ी दि प्रार्थना लहज़ातंई ताकि केहच़ी झांह ठ्रोह जीवन श्रींङमोंई छना प्रभु ज़ि जुंज़ा, दंङ केहच़ी भत्ते पाहठी रंङ साते प्रभु बि खुश लोंहई, कि केरे भत्ते पाहठी रूठे कम लोहवा लंहि, दंङ परमेश्वरा बि ञेंहच़िमी थल्जी लगातार बणेक्पा लंहि,

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

फिलिपियों 1:11

छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।

मत्ती 7:19

अंऊसंङ बुटेह रूठे फल म्हफद दुह ट्रिके मेहरिंङ केचे चरच़ि, हप्सी भविष्यवक्तातिंङ ला ध्यांए ठ्रोह सज़ा खोकसोतो।

2 पतरस 1:8

अगर दि भत्ते गप्पारे केहतु अंदरेग तोह, दंङ दि केतिंङ हेंदु प्रभु यीशु मसीहू ज्ञानो थल्जी महस जूंशी ए फलदायी शुहबिमी थल्जी मदत लोहतो।

फिलिपियों 4:17

गेह दि दिऊ थल्जी माह कुट्रातग कि गेह ढबाह जुंज़ातग पर गेह जुंज़ातग कि दिबी दुह रूठे गिनती रिंङ शामिल लेह जूंशी तोह अंऊ केहच़ी तुहई ए लेह चरच़ातन दंङ अतु थल्जी परमेश्वरो केतिंङ ईनाम रमतो।

इफिसियों 4:28

चोरी लहज़ा यह्च़ा चोरी थालोहू; पर दोबि ईमानदारी रंङ साते मेहनत लहज़ी जूंशी तोह, ताकि गरीब मीहतु मदत लहज़िमी थल्जी दोऊ कछंङ छा शोतो।

यहून्नो 15:16

केहच़ी गेह अंङषी माह शुगाह, पर गेह केतिंङ अंङषातग दंङ केहरे ठेहराएक्तग कि केहरे इलजे फल हतांई; दंङ केहतु फल हमेशा ओ थल्जी शोतो, कि केहरे गिऊ चेलारे शुई, दिऊ थल्जी छिला धिर पिता परमेश्वरो दोरच़ी पेपोंन, दोई केतिंङ रमतो।

यहून्नो 15:8

गिऊ पिता परमेश्वरो महिमा दिरंङ ए शवाह, कि केहरे महसे फल हतांई, दोथरे केहरे गिऊ चेलारे शोंई।

2 थिस्सलुनीकियों 3:8

केहच़ी अतुआ दोर मुफ्तारिंङ रोटी थाजेंई, पर महस मेहनत लहज़ा रात-दिन कम लहज़ातंई ताकि ञेंरे हेंदु ज़रुरतो थल्जी केहतु टोहकठे केहतु भार शुहबी मेस।

प्रेरित 20:35

गेह केहतु थल्जी लगातार इच्च़ा उदाहरण बणेंके तोतोग दि कंड्रीमी थल्जी कि छना मेहनत लहज़ी केरे ज़रूरत मंद मीहतु मदत लेह तरपोंई। केतिंङ प्रभु यीशु बचन हिद तहज़ी जूंस छना कुचे दोई एनाह ए कुहषी ततो कि, लेहपच़िमी बदला रंड्रीरी महस खुशी खोकसी।

मत्ती 21:19

सड़को कछंङ इच्च़ा अंजीरो बुट खंड्रा दुह दोऊ कछंङ इलि, दंङ लप्तु सिवाए ऊहई छल्ले मखोकसिरंङ कुहतो, “दिऊ थलबे कनिंङ अपेहला फल लेहकी माजूंस।” दंङ अंजीर बुट दोहथर काहरचे इलि।

प्रेरित 18:3

दिऊ थल्जी कि पोलुस ए अक्किला ओ इच्च़ा ए ठ्रोह व्यापार तोहई, दिऊ थल्जी दोतंङ साते बंङज़ा कम लहरी। दोतु व्यापार तम्बू बणाएषिमी तोहई।

1 थिस्सलुनीकियों 2:9

हे गिऊ प्यारे साथी विशवासी रे, केहच़ी ञेंहतु मेहनत ए कष्ट हिद तहच़ातंई, कि ञेंहच़ी झांह लेह रात दिन कम धन्धा लहच़ी ते केहतु बिचंङ परमेश्वरो रूठे खबरो प्रचार लहरिग, ताकि ञेंहतिंङ छि ज़रूरत तोह दोबि पूरा लहच़िमी थल्जी केतिंङ छल्ले रंड्रीमी ज़रूरत माह।

रोमियो 15:28

झांह लेह गेह तुहई यरूशलेम शहरो हखा यवातग ताकि दोतिंङ दि ठ्रोहका लहसी दान रें तरपोग, दोऊ थल, गेह यह्च़ा रोम देश अंज़े केतंङ साते दोआ स्पेन देशो हखा अच़ा योग।

रोमियो 12:13

परमेश्वरो मीहतिंङ छिल्ला ज़रूरत तोह, दोतु मदत लोह प्रोहानातु थल्जी केनातु चुंङ खी पेतंङ अल्ज़े तोह।

फिलिपियों 4:16

झांह लेह अंऊ मुक्का गेह थिस्लुनीके शहर तोईग, दोहथर ला केहच़ी गिऊ ज़रूरत पूरा लहच़िमी थल्जी महस फेरा ढबाह चरच़ातेंई।

तीतुस 2:8

कांह शिक्षा हमेशा सच्चाई ओ शुहबी जूंस, अतु अच़िया बुराई लेह माह जूंस, ताकि दोरे अंऊ यीशु मसीहू वहज़ा ज़ि कांह विरोध लहज़ातोर, शर्मिन्दा शोर। छना कुचे दोरे हेंदु पाहठी छल्ले मदम कुट्री मरपोर।