तीतुस 3:13 - लाहौली बाइबिल

¹³ अपेहल जेनास वकील ए अपुल्लोस एनोह यात्राओ थल्जी हुंच़िरी, दंङ दोतु मदतो थल्जी छिल्ला केई लेह तरपोन, दोतु थल्जी लोह। दि ध्यान तोह कि दोतिंङ छिल्ला चीज़ो कमी शुहबी मेस।

तीतुस 3:13 Iomraidhean Croise

मत्ती 22:35

दोतंङ बिचंङ इच्च़ा कानून सिखाएच़ा ए दोऊ छ़ोत लेहप्च़िमी थल्जी यीशुरंङ साते रुहक्ती।

लूको 10:25

इच्च़ा ध्याड़ा अपेहल यीशु मीहतिंङ शिक्षा रंड्री लेहकी तोहई, दोहपल इच्च़ा कानून ञेंहच़ा खड़े शुहचे दी कुट्रा दोऊ परीक्षा लहज़ी लेहती, “हे गुरु, अनंत जीवन खोकसी मी थल्जी गेह छि कम लोहग?”

लूको 11:45

दंङ इच्च़ा मुसाओ कानून ञेंहच़ाए यीशुबि जुबाब रेंई, “हे गुरु, केई दी गप्पा कुट्री रंङ साते ञेंहतु बुराई लहज़ातन।”

लूको 11:52

धिक्कार कानून ञेंहच़ातु टोईच़ी! छना कुचे केतिंङ स्वर्गंङ इबिमी अमो पता तोहई। पर केहरे केनाह ए दुह अमज़ि माह इलिन दंङ ऊई मीहतिंङ ला दुह अमज़ि इबि माह रेंईन।”

लूको 14:3

दिरंङ यीशुज़ि कानून ञेंहच़ार ए फरीसी मीहतु हखा कुहतो, “छि अरामो ध्याड़ारिंङ कानूनो हिसाबे मीहतिंङ ठीक लेहई रूठे शुहदा मशुह?”

लूको 7:30

पर फरीसी मीहज़ी ए कानून ञेंहच़ा ज़ि परमेश्वर ओ गप्पा माह मनेक्तिर छना कुचे दोच़ी यूहन्नाओ दोरच़ी बपतिस्मा लेहप्च़िमीरंङ साते इन्कार लेह च़रतिर।

प्रेरित 15:3

कलीसिया ओ मीहज़ी दोतु यात्रा ओ थल्जी फोआ रे ढबाह ए बगतो ओ इन्तज़ाम लहरीर; दंङ दोरे ज़ोज़ा-ज़ोज़ा फीनीके प्रदेश ए सामरिया प्रदेशंङ ज़ि शुहचे अच़ा इलिर। लगातार दोरे अमरिंङ रूहम्ज़ा लेहतिर, विशवासी न्वारे तिंङ ऊईजाति मीहतु सेहम किरच़िमी ए दंङ यीशु टोईच़ी विशवास लहज़िमी खबरो पाहठी कंड्री लेहतिर। दि रेड्रा भत्ते विशवासी न्वारे महसे खुश शुहचे इलिर।

प्रेरित 18:24

अपुल्लोस मिंदंङ इच्च़ा यहुदी, अतु जन्म सिकंदरिया शहरा रिंङ शुहचे तोहई, अंऊ विद्वान मीह तोहई दंङ पवित्रशास्त्र रुठे रंङ ञेंच़ाते, इफिसुस रिंङ अति।

प्रेरित 19:1

अपेहल अपुल्लोस कुरिन्थुस शहरा रिंङ तोहई, दंङ पोलुस तोरिंङ खी भत्ते प्रदेशंङ च़ि शुहचे इफिसुस नगर रिंङ अति। दंङ दोहर थोड़े अरे चेला तंङ दोहरी,

प्रेरित 21:5

अपेहल निह्ज ध्याड़ो थल ञेंहतु दोरच़ी इबिमी ध्याड़ा अति, दंङ ञेंहरे दोरच़ी अचा इलांई; दंङ भत्ते विशवासी साते ञेंहतिंङ दुह इलाको धह्कते पिचे च़रतिर; दंङ ञेंहच़ी मुखारिंङ पुष्टू भारे बंङज़ा प्रार्थना लहरिन,

प्रेरित 28:10

दोच़ी ञेंहतु महस आदर लहरिर, दंङ अपेहल हेनर इबिमी थल्जी तेयार शुई, दंङ छिल्ला समान ञेंहतु थल्जी ज़रूरी तोहई, दू दोच़ी जहाज़ो टोईच़ी केहच़ी च़रतिर।

रोमियो 15:24

झांह लेह अपेहल इसपानिया ओ हखा योग दंङ केहतु कछंङ ज़ि दोआ योग छना कुचे गिह्बी उम्मीद तोह कि, कि दू यात्रा रि केतंङ साते दोओग, दंङ अपेहल गेह केतंङ साते संगति रि खुश शुहचे योग, दंङ गेह जुंज़ातग कि केरे गिऊ स्पेन देशो सफरो थल्जी मदत लंहि।

1 कुरिन्थियों 16:11

झांह लेह अरिला दोऊ अनादर था लंहि, पर दोई रूठे रंङ दोबि दुह भत्ते धिर रोंऊ अंऊ दोबि एनोह सफरो थल्जी ज़रूरत तोह। छना कुचे गेह दोबि रुमज़ा तोतोग, कि दुह विशवासी तंङ साते अपतो।

1 कुरिन्थियों 16:12

दंङ साथी विशवासी अपुल्लोसरंङ साते गेह महसे विनती लहरिगा कि ऊई विशवासी तंङ साते अतंई अंऊ केतंङ साते दोहई अंदेर, पर दोई दि मुक्का इबिमी छल्ले हिटी माह लहरी, पर अपेहल सही टेम शोतो, दोहपल अच़ा अपतो।