तीतुस 3:10 - लाहौली बाइबिल

¹⁰ अंऊ मीहच़ी कलीसिया रिंङ फूट केट्रातोर, कनिंङ दुह मीहतिंङ कम से कम झुह्ट फेरे खबरदार लहज़ी जूंशी तोह कि दोई झांह लेहई बंद लेह च़रतु। दोऊ थल, दोतिंङ छोड़ेके च़रतु।

तीतुस 3:10 Iomraidhean Croise

रोमियो 16:17

हेंतेग हे विशवासी न्वारे, गेह केतंङ साते बिनती लहज़ातग, कि केरे दुह मीहतंङ साते खबरदार ए शत्‌ह बंङज़ेंई, दंङ दू शिक्षा ओ खिलाप तोह, अंऊ केतिंङ खोकसी तोह, दंङ अंऊ ऊई मीहतु विशवास रिंङ कमज़ोर शुहबी ए झगड़ो वहज़ा शुहबी।

1 कुरिन्थियों 11:19

वोई, दि हेले तोह कि केहतु बिचंङ बंटवारा शुहबी ज़रूरी तोह। कि दोरे, अंऊ परमेश्वरो दोरच़ी अंङषी तोतोर, छंङीरिंङ अच़ा अपोर।

गलातियों 5:12

रूठे शुचंङ, कि अंऊ मीहरे केहतु थल्जी परेशानी पैदा लहज़ातोर, दोरे एनाबि नपुंसक बणाके केओर।

गलातियों 5:20

मुर्तिऊ पूजा, जादू टोना, दुश्मनी, झगड़ा, जलन, रोहष, स्वार्थ, फूट केट्री, विधर्म,

2 थिस्सलुनीकियों 3:14

दंङ अरिया हेंदु दि डाको हुकुम माह मनेक्च़ा दंङ दुह मीहू पाहठी भत्तेतिंङ कंड्रुंई दंङ दोरंङ साते संगति थालंही, ताकि दोबि शर्मिन्दगी महसूस शुहबी जूंस।

2 थिस्सलुनीकियों 3:6

हे गिऊ प्यारे साथी विशवासी रे, ञेंहच़ी केतिंङ दुह अधिकारे हुकुम रंड्रातंई अंऊ हेंदिंङ प्रभु यीशु मसीह रांहषी ततो, कि हर इच्च़ा झांह ठ्रोह साथी विशवासी ओ दोरच़ी शत्‌ह बंङज़ुंई, अंऊ सुस्तीरिंङ बंङज़ातोर, दंङ अंऊ दुह, दुह हुकुमो भाषे माह लहज़ा अंऊ दुह ञेंहच़ी केतिंङ सिखाएकातेंई।

2 तीमुथियुस 3:5

दोरे भक्त शुहबिमी दिखावा लोहर, पर दोरे परमेश्वरो दुह शाक्ति माह मनेक्च़ातेर अंऊ दोतिंङ भक्त बणेंके तरपोतो। झांह ठ्रोह मीहतंङ साते मेल-जोल थालंही।

2 पतरस 2:1

महस टेम तुहई, छना इस्राएली मीहतु बिचंङ हप्सी भविष्यवक्ता तोईरे, ध्वांए ठ्रोह केहतु बिचंङ हप्सी शिक्षा रंड्रा ला शोरे। दोरे सूले-सूले केहतु कलीसिया रिंङ अपि शुरू लोहर दंङ परमेश्वरो पाहठी केतंङ साते नुकसान लहज़ा ठ्रोह हप्सी शिक्षा बि कोहर। देर तचेक कि दोरे मसीह बि एनोह प्रभु रूपा रिंङ मनेकच़िमी रंङ साते इन्कार लेह च़रपोर अच़ि दोतिंङ पापो दोरच़ी आज़ाद लहरी। छना कुचे दोच़ी झांह लहज़ातोर, झांह लेह दोरे एनोह टोईच़ी अचानक विनाश हपातेर।

2 यूहन्ना 1:10

अगर अरिया केहतु कछंङ अंज़े झांह ठ्रोह शिक्षा रंड्रा तोर अंऊ मसीहू शिक्षा बे शत्‌ह तोह, दोबि माह ता चुंङ अपि रांई दंङ माह ए नमस्कार लहज़ी बढावा रांई।