तीतुस 3:1 - लाहौली बाइबिल

¹ विशवासी मीहतिंङ हिद दिलाएच़ा लोह, कि हाकिम ए अधिकारी तु अधीन बंङज़ु, दंङ दोतु हुकुम मनेक्तु, दंङ ऊईतु थल्जी हर इच्च़ा रूठे कमो थल्जी तेयार बंङज़ुंई,

तीतुस 3:1 Iomraidhean Croise

मत्ती 22:21

दोच़ी यीशुबि कुह्तोर, “महाराजा” दंङ दोई दोतिंङ कुहतो, “अंऊ महाराजा शुह दुह महाराजा बि, दंङ अंऊ परमेश्वरो शुह दुह परमेश्वरा बि रोंऊ।”

1 कुरिन्थियों 15:58

झांह लेह हे गिऊ प्यारे साथी विशवासी रे, केनातु विशवासा रिंङ पक्‍का बंङज़ुंई दंङ गलत शिक्षा ओ वहज़ा ज़ि भटक्तेतुंई था, प्रभु थल्जी छि कम केहच़ी लहज़ातंई दोरिंङ हमेशा तुंखा शुई। छना कुचे दि ञेंहच़ा, कि छिल्ला धिर केहच़ी प्रभु थल्जी लोहनि दोऊ ईनाम केतिंङ पक्‍का खोकसोतो।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

फिलिपियों 1:11

छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।

कुलुस्सियों 1:10

दंङ ञेंहच़ी दि प्रार्थना लहज़ातंई ताकि केहच़ी झांह ठ्रोह जीवन श्रींङमोंई छना प्रभु ज़ि जुंज़ा, दंङ केहच़ी भत्ते पाहठी रंङ साते प्रभु बि खुश लोंहई, कि केरे भत्ते पाहठी रूठे कम लोहवा लंहि, दंङ परमेश्वरा बि ञेंहच़िमी थल्जी लगातार बणेक्पा लंहि,

1 तीमुथियुस 2:2

दंङ रज्ज़ा तु ए दुह भत्ते मीहतु थल्जी प्रार्थना लंहि अंऊ हेंदु अधिकारी तोतोर, ताकि दोरे हेंदु शांति ए सुरक्षा रंङ साते बंङज़िमी थल्जी हेंदु मदत लोहर कि हेनर परमेश्वरो अराधना लेह तरपोंई दंङ ऊईतु थल्जी हमेशा रूठे व्यवहार लोंहि।

1 तीमुथियुस 4:6

अगर कांह भत्ते विशवासीतिंङ लगातार दि हिद गप्पा सिखाएपोंई कि अतु गेह कनिंङ सिखाएकातग, दंङ कांह विशवासो खबरो दोरच़ी ए रूठे शिक्षाओ दोरच़ी पक्‍का लेह केहनि, अतिंङ केई मनेक्च़ातंई, दंङ कांह यीशु मसीहू इच्च़ा रूठे सेवक शुनाह।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

2 तीमुथियुस 1:6

झांह लेह गेह कनिंङ हिद रंड्रातग कि परमेश्वरो दुह वरदाना तिंङ यह्च़ा इस्तेमाल लोह, अपि परमेश्वरे केतिंङ रांहषी तते अपेहल गेह कांह पुंज़ा रिंङ घेंङौ गुह्ट्र केहतेग।

2 तीमुथियुस 2:14

अंऊ गप्पा गेह कनिंङ सिखाएकातग दुह केनोह मीहतिंङ पेहषी थारोंऊ दंङ परमेश्वराबि इच्च़ा गवाहो रूपारिंङ तहच़ि, कनिंङ दोतिंङ खबरदार लेह जूंशी तोह कि दोरे शब्दो अर्थो थल्जी बहस थाह लोहवा लंहि, झांह ठ्रोह बहस अतु ला मदत माह लहज़ी पर दोतिंङ ऊई ला नुकसान लेह अंऊ दोच़ी दुह रेड्रातोर।

2 तीमुथियुस 2:21

ध्वांए अंऊ विशवासी एनाबि दुह भत्ते कमो दोरच़ी शत्‌ह लोहतो, दंङ दुह इच्च़ा खास नंदे ओ ठ्रोह शोतो अंऊ खास टेमारिंङ इस्तेमाल लहज़ी, दंङ दोरे भत्ते पाहठी ओ रूठे कम लेह तरपोंई।

तीतुस 1:16

दोरे हप्सी शिक्षा रंड्रा कुट्रातोरे कि हेनर परमेश्वरा बि ञेंच़ातंई, पर दोतु कम दिबी गलत सबित लहच़ी केट्रा। छना कुचे दोरे महस झखंजी (घिनौने) ए हुकुम माह मनेक्च़ा तोतोर, दंङ दोरे अंऊ ला रूठे कम लहज़िमी जोगे माह तोहर।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

तीतुस 3:14

सिर्फ धोंण ए मशत, कनिंङ विशवासी तिंङ सिखासी जूंशी तोह कि रूठे कम लहज़िमी थल्जी लगातार मेहनत लोहवा लंहि ताकि दुह मीहतु ज़रूरत पूरा लहज़िमी थल्जी रूठे कम लहज़िमी दोतिंङ महस मेहनत लेह जुंशी तोह। झांह लेह विशवासी तिंङ इच्च़ा मकसद रंङ साते जीवन श्रींङमी मदत खोकसोतो।

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

2 पतरस 1:12

हालांकि केहच़ी तुहई बेहच़ी ए दि गप्पारे ञेंहच़ातंई, दंङ दुह हेले ज्ञानो टोईच़ी विशवास लहज़ातंई, अंऊ मीहच़ी केतिंङ रांहषी तातोर, गेह केतिंङ दोतु पाहठी लगातार हिद रम्मा लोहग।

यहूदा 1:5

हालांकि केरे भत्ते गप्पा इच्च़ा फेरा ञेंई चरच़ातंई, तांला गेह केतिंङ दि गप्पा हिद दिलाएच़ातग, कि परमेश्वरे इस्राएली तिंङ गुलामी दोरच़ी आज़ाद लहरी दंङ दोतिंङ मिस्त्र देशो धकतेखा हति, पर थले दोई दुह भत्ते तिंङ सचे च़रति, अंऊ दोच़ी सुनसान ठहरि दोऊ टोईच़ी भरोसा माह लहरिर।