तीतुस 2:8 - लाहौली बाइबिल

⁸ कांह शिक्षा हमेशा सच्चाई ओ शुहबी जूंस, अतु अच़िया बुराई लेह माह जूंस, ताकि दोरे अंऊ यीशु मसीहू वहज़ा ज़ि कांह विरोध लहज़ातोर, शर्मिन्दा शोर। छना कुचे दोरे हेंदु पाहठी छल्ले मदम कुट्री मरपोर।

तीतुस 2:8 Iomraidhean Croise

मरकुसो 12:17

यीशु ज़ि दोतंङ साते कुतोह, “अंऊ महाराजा शुह दुह महाराजा बि, दंङ अंऊ परमेश्वरो शुह दुह परमेश्वरा बि रौं।” दंङ यीशु ऊ दि गप्पा रेड्रा दुरेह महस हेरान शुहचे इलि। छना कुचे दोच़ी यीशु बि फसाके मरति।

मरकुसो 12:28

दंङ यहुदी शास्त्रीतु विचंङज़ि इच्चे दोतिंङ चर्चा लहजे रेड्रीर। दंङ दी ञेंए कि यीशुज़ि दोतिंङ छना रुठे हासी जुबाब रन्दो, यीशुरंङ साते रुहक्ती, “परमेश्वरो आज्ञातु बिचंङज़ि भत्ते बे मुख्य आज्ञा छी शुह?”

मरकुसो 12:32

यहुदी शास्त्री यीशुरंङ साते कुतोह, “हे गुरु, महसे रुठे। केई हेले कुट्रातन कि दुह इच्च़ा ए परमेश्वर शुह, दंङ दोबि केचे ऊई अरीला प्रभु माह।

मरकुसो 12:34

अपेहल यीशुज़ि खंणी कि दोई समझदार रंङ साते जुबाब रेंहई, दंङ यीशुज़ि दोहरंङ साते कुतोह, “कि केई परमेश्वरो राज्यों कछंङ तोतोन।” दंङ अतिंङ ला यहचा दुह रुहक्च़िमी हिम्मत मा शुई।

लूको 13:17

अपेहल यीशुज़ि दिह गप्पारे कुहतो दंङ दोऊ भत्ते बिरोधिर शर्मिन्दा शुहचे इलिर। दंङ भत्ते मीहरे दोऊ महान कमो दोरच़ी अंऊ दोई लहज़ाते, राजी शुहचे इलि।

2 थिस्सलुनीकियों 3:14

दंङ अरिया हेंदु दि डाको हुकुम माह मनेक्च़ा दंङ दुह मीहू पाहठी भत्तेतिंङ कंड्रुंई दंङ दोरंङ साते संगति थालंही, ताकि दोबि शर्मिन्दगी महसूस शुहबी जूंस।

1 तीमुथियुस 5:14

झांह लेह गेह दि सलाह रंड्री जुंज़ातोग कि जवान रंणी ब्याह लेह च़रतु, दंङ कटुरे पैदा लेह घरबार सोटेक्तु, दंङ ऊई अरिया विरोधी बि बदनाम लहच़िमी मोका थारांई।

1 तीमुथियुस 6:3

अगर अरिया हप्सी शिक्षा रंड्रा, दंङ हेंदु प्रभु यीशु मसीहू रूठे शिक्षा ए परमेश्वरो भक्ति रंङ सहमत माह शवाह।

तीतुस 3:14

सिर्फ धोंण ए मशत, कनिंङ विशवासी तिंङ सिखासी जूंशी तोह कि रूठे कम लहज़िमी थल्जी लगातार मेहनत लोहवा लंहि ताकि दुह मीहतु ज़रूरत पूरा लहज़िमी थल्जी रूठे कम लहज़िमी दोतिंङ महस मेहनत लेह जुंशी तोह। झांह लेह विशवासी तिंङ इच्च़ा मकसद रंङ साते जीवन श्रींङमी मदत खोकसोतो।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 2:15

परमेश्वरे जुंज़ा कि केहच़ी केनातु रूठे कम दोरच़ी केहतु पाहठी गलत दोष लगाएच़ा मुर्ख मीहतु आह बन्द लेह तरपोंई अंऊ परमेश्वरा बि माह ञेंहच़ातोर।

1 पतरस 3:16

हमेशा दू ए लंहि अंऊ सही तोह, दंङ अगर मीहरे केहतु खिलाप मदम कुट्रातोर, दंङ दोरे ए शर्मिन्दा शोर, अपेहल दोरे मसीह रंङ साते केहतु संबधो वहज़ा ज़ि केहतु रूठे व्यवहार खमोर।