तीतुस 2:5 - लाहौली बाइबिल

⁵ जवान मेच़िमी तिंङ एनोह टोहकठे काबू लहज़ी जूंशी तोह, दंङ एनोह गगसो थल्जी वफादार शुहबी जूंस, दंङ एनोह चुंङ देखभाल लहज़ा शुहबी जूंस, दंङ ऊईतु थल्जी दयावन्त शुहबी जूंस, एनातु-एनातु गगसो गप्पा मनेक्च़ा शुहबी जूंस, ताकि अरिला परमेश्वरो रूठे बचनो पाहठी मदम कुट्री मेस।

तीतुस 2:5 Iomraidhean Croise

प्रेरित 9:36

याफा शहर, तबीता मतलब दोरकास मिंदंङ इच्च़ा विशवासी मेच़िमी तोहई। दोई महस ए रूठे-रूठे कम ए गरीबा तु मदत लहज़ाते।

प्रेरित 9:39

दोहथर पतरस खड़े शुहचे दोतंङ साते अच्च़ा इलि, दंङ छना ए दुह पिचे इलि, ता दोरे पतरस बि तोरिंङ कि कमरा रिंङ रेंज़ा शिलिर। दंङ भत्ते रंणी मेच़िमी रे क्रपचा दोऊ कछंङ अंज़े खड़े शुईरे, दंङ अंऊ कुर्ती ए खमज़ेर दोरकास ए दोतु थल्जी बणाएकते, कंड्री लेहती।

रोमियो 14:16

झांह लेह भले ए केहच़ी छिल्ला ला लोहवातंई दू रूठे तोह, पर अगर अच़िया दू मदम चेहपोतो, दंङ दोबि था लोह।

रोमियो 2:24

दंङ छना पवित्रशास्त्रारिंङ च़ेहसी तोह, “केरे यहुदी मीहतु वहज़ाज़ि, ऊईजाति ऊ मीहरे परमेश्वरो बुराई लहज़ातोर।”

1 कुरिन्थियों 11:3

पर गेह जुंज़ातग कि केरे इच्च़ा गप्पा ञेंई च़रतुंई कि हर इच्च़ा गंङमी पुंज़ा मसीह शुह, दंङ इच्च़ा मेच़ो ओ पुंज़ा दोऊ गगसा शुह, दंङ मसीह ऊ पुंज़ा परमेश्वर शुह।

1 कुरिन्थियों 14:34

मेच़िमी रे कलीसियाओ सभारिंङ चुपे बंङज़ुंई, छना कुचे दोतिंङ गप्पा लहज़िमी हुकुम माह, पर अधीन बंङज़िमी हुकुम तोह, छना मूसा ओ कानूनारिंङ च़ेहसी ला तोह।

इफिसियों 5:33

पर दि केहतु टोईच़ी ला लागू शवाह कि, केहतु बिचंङ हर इच्च़ा एनोह मेच़ारंङ साते केनोह बराबर दाह तोह, दंङ मेच़ा ला एनोह गगसो आदर लोह।

कुलुस्सियों 3:18

हे मेच़ारे, केतिंङ केनातु गगसो अधीन बंङज़ी जूंशी तोह, छना कुचे प्रभु थले जोज़ा तिंङ ध्यांए लेह रूठे तोह।

1 तीमुथियुस 5:10

दंङ एनोह रूठे कमो वहज़ा ज़ि दोऊ मिन शोतो, मतलब अच़ि एनोह कटुतु पालन-पोषण रूठे रंङ लहसी शोतो, दंङ पौहना तु सेवा लहसी शोतो, दोई ऊई विशवासी तु सेवा इच्च़ा परगरो ठ्रोह लहसी शोतो, दंङ दुखी मीहतु सेवा लहसी शोतो, दंङ हर पाहठी ऊ रूठे कमरिंङ सेहम लेहकी शोतो।

1 तीमुथियुस 6:1

अंयों विशवासी मीहरे गुलाम तोतोर, दोतिंङ भत्ते तरफे एनातु-एनातु मालिको आदर लेह जूंशी तोह, ताकि ऊई मीहरे परमेश्वरो ए हेंदु शिक्षा ओ अपमान लेह माह जूंस।

तीतुस 2:4

ताकि दोरे जवान मेच़िमीतु थल्जी रूठे उदाहरण बणेक्पि जूंस दंङ सलाह रंड्रा शुहबी जूंस कि एनातु गगसा ए कटुतंङ छना ठ्रोह दाह लेह जूंशी तोह।