तीतुस 2:14 - लाहौली बाइबिल

¹⁴ यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

तीतुस 2:14 Iomraidhean Croise

मत्ती 1:21

दोई योह जेह्फोतो दंङ केई दोऊ मिन यीशु केऊ, छना कुचे दोई एनोह मीहतु दोतु पापो दोरच़ी बचाएपोतो।

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

मत्ती 3:12

दोऊ पेषिंङ दोऊ गुहड़िंङ तोह, दंङ दोई एनोह रीह रूठे रंङ साफ लोहतो, दंङ एनोह छ्वाह ता कोठलीरिङ ठ्रोहका लोहतो, दंङ भूसा बि दुह मेहरिंङ छंङमोतो अतु मेह सियोतो ए माह।”

यहून्नो 10:15

छना पिता परमेश्वरे ए गिह्बी सेहच़ा दंङ गेह पिता परमेश्वर बि सेहचातग। दंङ गेह दोतु थल्जी सीमी ला तेयार तोतग।

यहून्नो 6:51

जीवनो रोटी अंऊ स्वर्गंङच़ि तक्सा, दुह गेह शुगाह। अगर अच़िया दिह रोटीऊ दोरच़ी ज़ोतो ता हमेशा श्रींङे बंङज़ोतो; दंङ अंऊ रोटी गेह रमोग, दुह गिऊ फुक शुह अंऊ गेह संसारो मीहतु जीवनो थल्जी बलिदान लोहग।”

प्रेरित 15:14

शमौन पतरसे समझाएकाते, कि परमेश्वरे मुन्डा रिंङ छना साबित लहरी कि दुह ऊईजाति तु ख्याल तहज़ा, दंङ दोतु बिचंङ ज़ि रेह मीहतिंङ एनोह मीहरे शुहबिमी थल्जी अंङे च़रति।

प्रेरित 15:9

दोई ञेंहतु ए दोतु बिचंङ छल्ले भेद-भाव माह लहरी छना कुचे विशवासो दोरच़ी दोई दोतु सेहम शुद्ध लेह च़रति।

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

प्रेरित 9:36

याफा शहर, तबीता मतलब दोरकास मिंदंङ इच्च़ा विशवासी मेच़िमी तोहई। दोई महस ए रूठे-रूठे कम ए गरीबा तु मदत लहज़ाते।

गलातियों 1:4

हेंदु परमेश्वर ए बाह ओ हिटीऊ हिसाबे यीशु मसीह ज़ि एनाबि हेंदु पापो वहज़ा ज़ि बलिदान लेह च़रति ताकि दोई हेंदिंङ दू मदम शाक्ति ओ दोरच़ी बचाके च़रपोतो अंऊ तोग दि संसारारंङ कम लहच़ी लेहकी तोह।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

गलातियों 3:13

मसीह हेंदु थल्जी क्रूसो टोईच़ी सिए इलि दंङ दोई शाप एनोह टोहकठे कुरच़े हेंदिंङ मूसा ओ कानूनो शापो दोरच़ी मुक्त लेह च़रति। छना कुचे पवित्र शास्त्रारिंङ दि च़ेहसी तोह कि “शापित तोह दू अंऊ क्रूसो टोहकठे सच़ी चरच़ातोर।”

इफिसियों 1:11

दिऊ अलावा, हेंदिंङ मसीह रिंङ एकता शुहबी साते परमेश्वरो दोरच़ी विरासता रिंङ खोकसा तोह, छना कुचे दोई हेंदिंङ तुहई बेहच़ी अंङषी ततो, दंङ दू एनोह योजना ओ हिसाबे भत्ते कम लहज़ा।

इफिसियों 2:10

छना कुचे हेनर परमेश्वरे बणाषी शुई; दंङ यीशु मसीह रिंङ दू रूठे कमो थल्जी बणाषी अपि परमेश्वरे तुहई बेहच़ी हेंदु लहज़िमी थल्जी तेयार लहसी ततो।

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

1 तीमुथियुस 1:15

दि गप्पा हेले ए दंङ भत्ते पाहठी मनेक्च़िमी जोगे तोह, कि मसीह यीशु हेनर पापी तु उद्धार लहज़िमी थल्जी संसारारंङ अंज़े शुह, अंऊ दोतु बिचंङ भत्ते वे मोह्ड़े पापी गेह शुगाह।

1 तीमुथियुस 2:10

दिऊ वहज़ा ज़ि दोतिंङ ऊई मीहतु थल्जी रूठे कम लहच़ी एनाबि सलटे लेह जूंशी तोह। छना कुचे परमेश्वरो भक्ति लहज़ा मेच़िमी ऊ थल्जी दिए ठीक तोह।

1 तीमुथियुस 2:6

अच़ि पाप ए सिमी शाक्ति ओ दोरच़ी भत्ते मीह तिंङ आज़ाद लेह च़रच़िमी थल्जी एनाबि बलिदान लेह केहई दोऊ मौतो दोरच़ी, परमेश्वरे ठीक टेमारिंङ दि सबूत रें च़रति कि दुह भत्ते मीहतिंङ बचाएच़ी जुंज़ा।

1 तीमुथियुस 6:18

दोतिंङ भलाई ऊ कम लहज़िमी थल्जी कुह, दंङ ऊईतु थल्जी छिल्ला ज़रूरत तोह दोबि महस खुले सेहमे दान रम्मा लंहि।

तीतुस 2:7

केतिंङ भत्ते धिरा रिंङ हमेशा रूठे कम लहज़ी जूंशी तोह, अंऊ ऊईतु थल्जी इच्च़ा उदाहरण बणेक्पोतो अतु ऊईज़ि हमेशा पालन लोहर। अपेहल काह विशवासी तिंङ परमेश्वरो पाहठी सिखाएच़ातंई, दंङ दोबि रूठे मकसद रंङ साते सिखातु, झांह लेह मीहच़ी कांह आदर लोहर।

तीतुस 3:8

दि गप्पा हेले तोह, अंऊ गेह हेंतेग-हेंतेग कंङातेग दंङ गेह जुंज़ातग कि कांह विशवासी तिंङ दि गप्पातु पाहठी पक्‍का रंङ साते सिखातु। झांह लेह कि अच़ि परमेश्वरो टोहकठे विशवास लहरिर, दोरे रूठे कमो थल्जी एनोह टेम रंड्रीमी थल्जी ध्यान रांई दि भत्ते तु थल्जी दि गप्पा रूठे ए फायदेमंद तोह।

इब्रानियों 1:3

दू योह ए परमेश्वरो महिमा ओ छंङी दंङ हर तरफे परमेश्वरो ठ्रोह तोह। दंङ भत्ते संसारा बि दंङ एनोह शाक्तिशाली बचनो दोरच़ी, भत्ते संसारा बि खड़े लहज़ी तहज़ा। दोई मीहतिंङ दोतु पापो दोरच़ी शुद्ध लेह च़रति, दंङ दोऊ थल स्वर्गारिंङ महिमामय परमेश्वरो सुचंङ हासी विराजमान शुहचे इलि।

इब्रानियों 10:24

अतंई हेनर इदि-अई दिरंङ साते दाह ए रूठे कमो दोरच़ी इदि-अईदि बि याहब रम्मा लोंहि।

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।

याकूब 4:8

परमेश्वरो कछंङ अतंई, दंङ दुह लाह केहतु कछंङ अपतो: हे पापीरे, केनातु ज़िन्दगीऊ दोरच़ी पाप शत्‌ह लंहि; दंङ हे झुह्ट सेहमा रंङ मीहरे केनातु सेहम पवित्र लंहि।

1 पतरस 1:18

केहच़ी ञेंहच़ातंई कि परमेश्वरे केतिंङ केहतु निक्कमा रिति-रिवाज़ो दोरच़ी, अंऊ केहच़ी केनातु बाह-मेमेतु दोरच़ी सिखेकतुंई, छोड़ेक्च़िमी थल्जी छोह् इस्तेमाल लाहतंई। दोई केतिंङ छुड़ाच़िमी थल्जी झांह ठ्रोह ढबाहो इस्तेमाल माह लहरी अपि ज़ंङ या मुलतु ठ्रोह नाश लेह तरपोंई।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 2:9

पर केरे झांह ठ्रोह माह तोंई छना कुचे केरे परमेश्वरो अंङषी मीहरे शुई, केरे झांह ठ्रोह यहुदी पुरोहित शुई अंऊ परमेश्वरो रज्ज़ा रूपा रिंङ सेवा लहज़ातंई, केरे परमेश्वरो सेवा लहज़िमी थल्जी समर्पित तोतोंई, दंङ परमेश्वरो एनोह सम्पति शुई। दोई केतिंङ हंयारो दोरच़ी एनोह अद्धभुत छंङीरिंङ अंङषी ततो, ताकि केरे परमेश्वरो अद्धभुत कमो घोषणा लेह तरपोंई।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।

1 यूहन्ना 1:9

अगर हेनर परमेश्वरो तुईज़ी हेंदु पाप मनेके केट्रातंई, दंङ दुह हेंदु भत्ते पाप माफ लहच़ि ए हेन्दिंङ भत्ते अधर्मो दोरच़ी शुद्ध लहच़िमी थल्जी विशवास ओ जोगे ए धर्मी तोह।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”