तीतुस 2:11 - लाहौली बाइबिल

¹¹ परमेश्वरे भत्ते मीहतिंङ बचाएच़िमी थल्जी इच्च़ा अम बणाएच़िमी ज़रिया ज़ि एनोह मोह्ड़े दाह कंड्रिरी। अंऊ भत्ते मीहतु उद्धारो कारण तोत,

तीतुस 2:11 Iomraidhean Croise

मत्ती 28:19

दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,

मरकुसो 16:15

दंङ यीशुज़ि दोतंङ साते कुतोह, “केहच़ी संसारारंङ इलजे भत्ते मीहतिंङ दी रूठे खबर सुनाएकी च़रतुंई।

लूको 24:47

दंङ यरूशलेम शहरो दोरच़ी भत्ते जातितु बिचंङ पापो दोरच़ी सेहम यहच़िमी ए पापो दोरच़ी माफिऊ प्रचार, मसीहू मिनज़ि शोतो।

लूको 3:6

दंङ भत्ते मीहरेर दोबि खमोर अच़ि परमेश्वरे दोतिंङ बचाएच़िमी थल्जी च़रसी ततो।”

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 1:9

“मसीह अंऊ सच्चे छंङी तोह” अच़ि हर इच्च़ा मीहबी छंङी लहज़ाते, संसारारंङ अपि लेहकी तोहई।

प्रेरित 11:23

अपेहल बरनबास दोर्तिंङ पिचे इलि, दंङ दोई ञेंई च़रति कि परमेश्वरे दाह रंङ अन्ताकिया ओ विशवासी तंङ साते व्यवहार लहसी ततो दंङ दुह दि खांई खुश शुचि इलि; दंङ भत्ते तिंङ शिक्षा रेंई कि ध्यान मन रंङ साते प्रभु रिंङ पक्‍का तोंई।

प्रेरित 13:43

दंङ अंऊ मुक्का सभा इलि, दंङ रेह यहुदी ए यहुदी धर्म बि मनेक्च़ा ऊई जातिओ मीहरे पोलुस ए बरनबास रंङ साते जुड़ेकी इलिर; दंङ दोच़ी मीहतिंङ याहब रांई, कि परमेश्वरो मोह्ड़े दाह रिंङ बणेंके बंङज़ुंई।

प्रेरित 13:47

छना कुचे प्रभु ज़ि ञेंतिंङ दिह हुकुम रांहषी ततो, गेह कनिंङ ऊई जातितु थल्जी छंङी ठहरासी तातग, ताकि काह धरतिऊ कुणीङ तचेक उद्धारो पितङ शोन।”

प्रेरित 17:30

झांह लेह परमेश्वरे मीहतु अज्ञानतो टेम ध्यान माह रें, पर हेंतेग भत्ते ठहरि रिंङ भत्ते मीहतिंङ सेहम किरज़िमी हुकुम रंड्रा।

प्रेरित 20:24

पर गिह्बी दि गप्पो छल्ले फर्क माह पढेक्पा, कि मीहच़ी गिह्बी घाह केट्रातोर, अगर गेह तुहई बेहच़ी दुह कम पूरा लोहग अंऊ प्रभु यीशु ज़ि गिह्बी लहज़िमी थल्जी कुहषी ततो। दोई गिह्बी मीहतिंङ रूठे खबर सुनाएच़िमी थल्जी अंङषी ततो। परमेश्वरे हेंदु थल्जी दुह कम लहज़ा हेंदिंङ बचाएच़ा अंऊ दोऊ हेनर जोगे माह तोईनि।

रोमियो 10:18

पर गेह रूहक्च़ातग, “छि यहुदी मीहच़ी पक्‍का रूपारिंङ मसीहू पाहठी खबर माह रैंईर?” दोच़ी रेड्रतोर ता पक्‍का। छना कुचे पवित्र शास्त्रारिंङ च़ेहसी तोह, “रूठे खबर सुनाएच़ा दोतु सग भत्ते धरतीऊ टोईच़ी, दंङ दोतु बचन धरतीऊ भत्ते ठाहरीरिंङ, पिचे इलि।

रोमियो 5:15

पर आदमो पाप दू वरदानो ठ्रोह माह अंऊ परमेश्वर हेंदिंङ एनोह मोह्ड़े दाह ओ दोरच़ी रंड्रा। छना कुचे इच्च़ा मीहू पाप महसे मीहतु थल्जी मौत रैंज़ा हति। पर परमेश्वरो मोह्ड़े दाह ए धर्मिकता ओ वरदान अंऊ दोई हेंदिंङ रांहषी ततो, दोऊ कीमत महस मीहतु थल्जी दोबि ला महस तोह। दंङ यीशु मसीह ज़ि इच्च़ा मीहू रूपा रिंङ एनोह मोह्ड़े दाह रंङ साते लहरी, दोई दि संभव लहरी।

रोमियो 5:2

हेंदु विशवासो दोरच़ी, मसीह ज़ि हेंदिंङ दि मोह्ड़े दाह तचेक रैंज़ा हति अंऊर हेनर हेंतेग पिचे तोतोंई, ञेंरे दि गप्पारिंङ खुश शवातंई कि हेंदिंङ परमेश्वरो महिमा रि सहभागी शुहबिमी उम्मीद तोह।

2 कुरिन्थियों 6:1

परमेश्वररंङ साते कम लहज़ा शुहबी रंङ साते हेनर करंङ साते दि विनती लहज़ातंई कि परमेश्वरो मोह्ड़े दाह केहतु टोईच़ी शुहचा, दोबि ध्यांए इबि थारांई;

गलातियों 2:21

गेह दि गप्पो दोरच़ी इंकार लेह मरपोग कि परमेश्वरे एनोह मोह्ड़े दाह ओ दोरच़ी हेंदिंङ बचाके तहच़ा। छना कुचे अगर मीहरे मूसा ओ कानूनो भाषे लहज़ा धर्मिकता खोकच़ातोर, दंङ यीशु मसीह बि सिमी छल्ले ज़रूरत माह तोहई।

इफिसियों 2:5

अपेहल हेनर पापो वहज़ा ज़ि सिऊ बराबर तोईनी, दंङ दोई मसीह रंङ साते हेंदु एकता ओ वहज़ा ज़ि हेंदिंङ आत्मिक जीवन श्रींङमी जोगे बणाके च़रति। दंङ परमेश्वरो मोह्ड़े दाह दोरच़ी हेंदु उद्धार शुई।

इफिसियों 2:8

छना कुचे अपेहल केहच़ी विशवास लहज़ातंई दंङ परमेश्वरे एनोह मोह्ड़े दाह ओ दोरच़ी केतिंङ बचाएक्तो, पर दि परमेश्वरो दान तोह।

कुलुस्सियों 1:23

पर केतिंङ विशवासा रिंङ इच्च़ा मुयांदो ठ्रोह पक्‍का शुहबी जूंस, दंङ दुह उम्मीदा बि अंऊ केहतु कछंङ तोह केतिंङ अपेहला छोड़ेक्च़ी माह जूंस अंऊ हेंतेग हेंदु कछंङ तोह छना कुचे हेंज़ी दुह ए रूठे खबरो टोहकठे विशवास लहज़ातंई, अतु प्रचार भत्ते धरतीऊ मीहतु बिचंङ लहसी तोह; दंङ अतु गेह पोलुस, सेवक बणेक्तिग।

कुलुस्सियों 1:6

दि रूठे खबर भत्ते संसारारिंङ फेलेक्पि लेहकी तोह दंङ महसे मीहरे विशवासी बणेक्पी लेहकी तोतोर। दि हर इच्च़ा ज़िंदगी बदलेक्पि लेहकी तोह, ठीक ध्वांए छना कि केहच़ी मुण्डा फेरा रूठे खबर रेड्रातेंई, दंङ दिह सच्चाई समझेकी चरच़ातंई कि परमेश्वर दुह मीहतु पाप माफ लेह च़रच़ा अच़ि मसीहू टोहकठे विशवास लहज़ातोर।

2 थिस्सलुनीकियों 2:16

ञेंहच़ी हेंदु प्रभु यीशु मसीहू हखा, दंङ हेंदु बाह परमेश्वरो हखा, अच़ि हेंदंङ साते दाह लहज़ा, दंङ अच़ि एनोह मोह्ड़े दाह रंङ साते अनंत उम्मीद रांहषी ततो,

1 तीमुथियुस 1:14

दंङ हेंदु प्रभु मोह्ड़े दाह दुह विशवास ए दाह रंङ साते अंऊ मसीह यीशु रिंङ तोह, महसरंङ साते शुई।

1 तीमुथियुस 2:4

दोई जुंज़ा कि, कि भत्ते मीहतु उद्धार शुहबी जूंस; दंङ दोरे सच्चाई बि रूठे रंङ सेहषी तरपोर।

2 तीमुथियुस 1:10

पर हेंतेग हेंदु उद्धारकर्ता, प्रभु यीशु मसीह, अच़ा अंजा, दंङ हेंदिंङ एनोह मोह्ड़े दाह कंङातो। दोई सिमी शाक्ति यहरच़े चरच़तो, दंङ रूठे खबरो ज़रिये, हेंदिंङ अनंत जीवनो थल्जी अम कंङातो।

2 तीमुथियुस 4:17

पर प्रभु ज़ि गिऊ मदत लहरी दंङ गिह्बी सामर्थ रांई, ताकि गेह यीशु मसीहू पाहठी रूठे खबरो प्रचार रूठे रंङ लहज़िमी जोगे बणेंके तरपोग, दंङ ऊई जातिऊ भत्ते मीहरे दि रेड्री तरपोर; दंङ दोई गेह सिमी दोरच़ी झांह ठ्रोह बचाएके च़रति छना गेह योंञें ब्राघातु दोरच़ी बचाएकतो।

इब्रानियों 12:15

खबरदार बंङज़ुंई, झांह शुहबी मेस कि अरिला मीह परमेश्वरो मोह्ड़े दाह मेह केहषा योतो। दंङ ध्यान रांई कि अंऊला मीहबी अविशवासारिंङ कडगी ब्रन्ज़ ठ्रोह बणेक्पी थारांई अंऊ दोऊ ज़हर रंङ साते महस परेशानी वहज़ा बणेंके यवाह, अंऊ दोरच़ी दू मीह परमेश्वरो दोरच़ी शत्‌ह शुहचे योतो।

इब्रानियों 2:9

पर हेले दि तोह कि थोड़े टेमो थल्जी, यीशु दर्जा स्वर्गदूता बे थोड़े कम शुई। ताकि परमेश्वरो मोह्ड़े दाह रंङ साते यीशु भत्ते मीहतु थल्जी सिए योतो। दंङ छना यीशु ज़ि दुख उठाएती ए सिए इलि, परमेश्वरे दोबि महिमा ए आदर रांई।