तीतुस 2:10 - लाहौली बाइबिल

¹⁰ चोरी चालाकी थालंही; पर साबित लंहि कि दू हमेशा ईमानदार तोह, ताकि मीहरे दोऊ रूठे व्यवहारा रिंङ ध्यान रमोर दंङ छिल्ल धिर दोच़ी लहज़ातोर दू मीहतु दोरच़ी हेंदु उद्धारकर्ता परमेश्वरो पाहठी रूठे खबर रेड्रीमी वहज़ा बणेक्तेंई।

तीतुस 2:10 Iomraidhean Croise

मत्ती 24:45

दिऊ थल्जी इच्च़ा वफादार, समझदार परगर दुह शुबी, अतिंङ दोऊ मालिके दोबि एनोह ऊई चुंङो परगरातु ध्यान तहच़ि ए दोतिंङ बगत रंड्रीमी ज़िम्मेवारी रेह तरच़ी।

मत्ती 5:16

ध्वांए केहतु छंङी मीहतु तुईज़ी च़मकेकी जूंस कि दोच़ी केहतु रूठे कम खांऐ केहतु बाहऊ, अरी स्वर्गंङ तोद, तारीफ लहसी जूंस।

लूको 1:47

दंङ गिऊ आत्मा गिऊ उद्धार लहज़ा परमेश्वरो दोरच़ी खुश शुहचे इलि।

लूको 1:80

दंङ दुह गंङकटु यूहन्ना, मोह्ड़े दंङ आत्मारिंङ ताकतवर शुहआ लहरी, दंङ दुह इस्राएलो मीहतु बिचंङ शिक्षा रंड्रीमी ध्याड़ा तचेक सुनसान ठाहरीरिंङ बंङज़ा तोहई।

लूको 16:10

अरी क्वाच़ी-क्वाच़ी गप्पातु थल्जी ईमानदार तोह दुह मोह्ड़े गप्पातु थल्जी ला ईमानदार तोह: दंङ अरी महसे क्वाच़ी-क्वाच़ी गप्पातु थल्जी बेईमान तोह, दुह मोह्ड़े गप्पातु थल्जी ला बेईमान शोतो।

यहून्नो 12:6

दोई दिह गप्पा दिऊ थल्जी माह कुहते कि दोबि गरीबा तु चिंद तोहई, पर दिऊ थल्जी कि दुह चोर तोहई दंङ दोऊ कछंङ दोतु ढबाहो बटुआ शवाते, दंङ दोऊ अंद्रेग छिला केट्रातेर, दुह दोई हुंच़े चरच़ाते।

1 कुरिन्थियों 4:2

छना भंडारी बि कम रांहषी ततो, दोऊ दोरच़ी दि उम्मीद लेह तरपोंई कि दुह विशवासो जोगे शुहबी जूंस।

इफिसियों 4:1

झांह लेह अंऊ गेह प्रभु यीशु सेवा लहज़िमी वहज़ा रिंङ जेलारिंङ तोतोग, केतंङ साते बिनती लहज़ातग, कि केरे दू बुलाहट रंङ साते अतंङ परमेश्वर एनोह कटुरे शुहबिमी थल्जी बुलाएक्तो, दोऊ हिसाबे केनातु जीवन श्रींङमातंई।

फिलिपियों 1:27

सिर्फ धोंण ए लंहि कि केहतु चाल-चलन मसीहू रूठे खबरो जोगे शोतो। कि चाहे गेह अंज़े ते केतिंङ खमोग, चाहे गेह अपोग ए माह, केहतु पाहठी दि रेड्रोग कि केरे इच्च़ा इरादारिंङ पक्‍का तोहईं दंङ इच्च़ा सेहम शुहचे रूठे खबरो विशवासो थल्जी मेहनत लोहवा तंही।

फिलिपियों 4:8

झांह लेह, हे गिऊ प्यारे साथी विशवासी रे, अंऊ-अंऊ गप्पारे हेले तोह, दंङ अंऊ-अंऊ गप्पारे आदरो जोगे तोह, अंऊ-अंऊ गप्पारे ठीक तोरे, अंऊ-अंऊ गप्पारे पवित्र तोह, अंऊ-अंऊ गप्पारे सलटे तोतोर, दंङ अंऊ-अंऊ गप्पारे सेहमा गमेकी तोह मतलब अंऊ गप्पा रूठे ए षटणो जोगे तोह दोतु टोईच़ी ए केहतु सेहम लेहकी बंङज़ी जूंस।

1 तीमुथियुस 1:1

गेह पोलुस अंऊ हेंदु उद्धारकर्ता परमेश्वर ए यीशु मसीह, अतु टोहकठे हेंज़ी उम्मीद तहज़ातंई, दोऊ अधिकारो दोरच़ी यीशु मसीहू इच्च़ा प्रेरित शुगाह,

1 तीमुथियुस 5:17

अंऊ कलीसिया ओ सेंहणार एनोह कम रूठे रंङ लहज़ातोर, दोरे सही आदर ए सही मज़दूरी खोकच़िमी जोगे मनेक्तुंई, खासकर दोरे मीहरे अंऊ परमेश्वरो खबर ए बचनो प्रचार लहज़िमी थल्जी खास मेहनत लहज़ातोर,

1 तीमुथियुस 6:1

अंयों विशवासी मीहरे गुलाम तोतोर, दोतिंङ भत्ते तरफे एनातु-एनातु मालिको आदर लेह जूंशी तोह, ताकि ऊई मीहरे परमेश्वरो ए हेंदु शिक्षा ओ अपमान लेह माह जूंस।

1 तीमुथियुस 6:3

अगर अरिया हप्सी शिक्षा रंड्रा, दंङ हेंदु प्रभु यीशु मसीहू रूठे शिक्षा ए परमेश्वरो भक्ति रंङ सहमत माह शवाह।

तीतुस 1:3

दंङ हेंतेग ठीक टेमारिंङ, परमेश्वरे दि रूठे खबर हेंदु तुईज़ी प्रगट लहरी, दंङ हेनर दिऊ प्रचार भत्ते तु बिचंङ लहज़ातंई हेंदु उद्धारकर्ता परमेश्वरे दि हुकुम रंड्रा गिह्बी ज़िम्मेवारी रंदे कि दोऊ थल्जी दि कम लोहग।

तीतुस 3:4

तांला यह्च़ा हेंदु उद्धारकर्ता परमेश्वरे एनोह दया ए दाह हेंदु मीहतु टोहकठे कंङातो।

1 पतरस 2:12

ऊई जातिऊ मीहतु बिचंङ केहतु व्यवहार रूठे शुहबी जूंस। छना कुचे एंतेग अच़ि केतिंङ मदम कम लहज़ा कुट्रा मीहरे कुचे दोष लगाएपोर, दोरे मीहरे अपेहल परमेश्वर अपतो दुह ध्याड़ा केहतु रूठे कम खंड्रा परमेश्वरो महिमा लोहर।

1 पतरस 3:16

हमेशा दू ए लंहि अंऊ सही तोह, दंङ अगर मीहरे केहतु खिलाप मदम कुट्रातोर, दंङ दोरे ए शर्मिन्दा शोर, अपेहल दोरे मसीह रंङ साते केहतु संबधो वहज़ा ज़ि केहतु रूठे व्यवहार खमोर।

2 यूहन्ना 1:9

अंऊ मीहरे सच्चाई ऊ शिक्षा ओ दोरच़ी भटकेगी य्वातोर, दंङ मसीहू शिक्षा बि मनेक्च़ा तोर माह, दोरे परमेश्वरा रंङ साते बणेंकी माह बंङज़ा तोर। पर अंऊ मीहरे मसीहू शिक्षा बि लगातार मनेक्च़ा तोर, दोरे बाह परमेश्वरा रंङ साते दंङ दोऊ योह यीशु मसीह रंङ साते बणेंके बंङज़ा तोर।