तीतुस 1:6 - लाहौली बाइबिल

⁶ इच्च़ा कलीसिया ओ मुख्या बि बेकसूर ए इच्च़ा मेच़ो गगसा शुहबी जूंस, अतु कटुरे विशवासी शुहबी जूंस, दंङ अच़िला ला दोतु टोहकठे दि दोष लगासी माह जूंस कि दोरे बेकाबू ए हुकुमो भाषे माह लहज़ातोर।

तीतुस 1:6 Iomraidhean Croise

लूको 1:5

अपेहल हेरोदेस यहुदिया देशो रज्ज़ा तोहई, जकर्याह यहुदी पुरोहिता तु दुह झुण्डो बिचंङज़ि तोहई दोऊ मेच़ो मिन एलीशिबा तोहई अंऊ अबिय्या झुण्ड यहुदी पुरोहितो मिंदंङ बणाएठ्री तोहई, दंङ दुह ला इस्राएल बे तुहई यहुदी पुरोहित हारूनो खानदानो तोहई।

इफिसियों 5:18

सरो नशारिंङ मस्त शुहचे केनातिंङ नाश थालंही, छना कुचे दिरिंङ मीहरे एनोह सुधबुधो दोरच़ी धकतेखा शुचे यवाह। बल्कि पवित्र आत्माबि केतिंङ एनोह सामर्थे पिंङड्री रांई।

1 थिस्सलुनीकियों 5:14

दंङ हे गिऊ प्यारे विशवासी साथी रे, ञेंहच़ी केतंङ साते बिनती लहज़ातंई, कि केहच़ी दुह मीहतिंङ खबरदार लंहि अंऊ सुस्त शुहचे इलजी तोतोर, दंङ दुह मीहतिंङ उत्साहित लंहि अंऊ डरपोक तोतोर, दंङ अंऊ विशवासरिंङ कमज़ोर तोतोर दोतु मदत लंहि, दंङ भत्ते तंङ साते सहनशीलता रंङ साते बंङज़ु।

1 तीमुथियुस 1:9

ञेंहच़ी ञेंहच़ातोंई कि कानून धर्मी मीहतु थल्जी मशत पर दोतु थल्जी शुह अंऊ दोच़ी परमेश्वरो कानूनो अनदेखा लहज़ातोर दंङ दोऊ भाषे माह लहज़ातोर, दंङ लगातार पाप लहज़ातोर दंङ अंऊ मीहरे अपवित्र तोतोर, दंङ परमेश्वरो आदर माह लहज़ातोर, दोरे मीहरे अंऊ एनोह याह-बाह ए ऊई मीहतु हत्या लहज़ातोर,

1 तीमुथियुस 3:12

कलीसिया ओ सेवक इच्च़ा ए मेच़ो गगसा शुहबी जूंस दंङ एनोह कटुतंङ साते एनोह ऊई टबरातु ला रूठे रंङ देखभाल लहज़ा शुहबी जूंस।

तीतुस 1:10

गेह दि दिऊ थल्जी कुट्रतग, छना कुचे महसे मीहरे हेले शिक्षाओ विरोध लहज़ातोर, अंऊ दोच़ी बकवास लहज़ातोर ए ऊईतिंङ धोखा रंड्रातोर। खासकर दि यहुदी मीहरे अंऊ विशवासी बणेंके इलजी तोतोर अंऊ उद्धारो थल्जी खतना रिंङ जोर रंड्रातोर।