तीतुस 1:2 - लाहौली बाइबिल

² दिऊ नतीज़ा दि तोह कि, दोरे परमेश्वरारंङ साते अनंत जीवनो ओ थल्जी बंङज़िमी उम्मीद तहच़ातेर, छना कुचे परमेश्वर, अंऊ अपेहल ला हप्सी माह कुट्रा, संसारो रचना लहज़िमी तुहई वाईदा लाहते कि दोऊ मीहरे हमेशा ओ थल्जी श्रींङी बंङज़ोर।

तीतुस 1:2 Iomraidhean Croise

मत्ती 25:34

दंङ गेह रज्ज़ा घेंङौ सुचंङ हासी दोतंङ कोहग, हे गिऊ स्वर्गीय बाहऊ धन्य मीहरे, अतंई, दुह राज्यो हकदार शुहचे ईलांई, अंऊ संसारो शुरुआतबे केहतु थल्जी त्याहर लहसी तोह।

मत्ती 25:46

दंङ दोरे अंऊ फुचंङ हासी तोतोर अनंत सज़ा खोक्पोर पर धर्मी मीहरे अनंत जीवनंङ योर।”

मरकुसो 10:17

अपेहल यीशु एनोह चेला तंङ साते अमरिंङज़ि य्वाते, दंङ इच्च़ा मीह ज़रका रें दोऊ कछंङ अति, दंङ पुष्टू भारे बंङज़ा दोबि रुहक्ती, “हे मोह्ड़े गुरु परमेश्वरारंङ साते अनंत जीवन खोकसिमी थल्जी गेह छि कम लोहग?”

यहून्नो 10:28

दंङ गेह दोतिंङ अनंत जीवन रंड्रातग, दंङ दुह अपेहला माह योहसतो, दंङ अच़िला दोतिंङ गिऊ दोरच़ी खुल्जे मरपोर।

यहून्नो 17:2

छना कुचे केई दोबि भत्ते मीहतु टोहकठे राज लहज़िमी अधिकार रांहषी तातन, कि दोई दोतिंङ अनंत जीवन रमतो, अतिंङ केई दोऊ हवाले लहसी तातन।

यहून्नो 17:24

हे पिता परमेश्वर, गेह जुंज़ातग कि अरी केई गिह्बी रांहषी तातन, अंऊर गेह तोतोग दोर्तिंङ दोरेला गेरंङ साते शुबी जूंस, कि दोरे गिऊ दुह महिमा खमोर अंऊ केई गिह्बी रांहषी तातन, छना कुचे केई संसारो शुरुवातो तुईबे गेरंङ साते दाह लहरिन।

यहून्नो 5:39

केहरे पवित्रशास्त्रारिंङ पड़ेक्च़ातंई, छना कुचे समझेक्च़ातंई कि दोर्तिंङ अनंत जीवन केतिंङ खोकसा; दंङ दीह दुह ए शुह अच़ि गिऊ गवाही रंड्रा;

यहून्नो 6:54

अच़ि गिऊ फुक ज़ोवा, दंङ गिऊ शुहई तुंङमा, अनंत जीवन दोऊ ए शुह, दंङ गेह न्याय ध्याड़ा रिंङ यच़ाह दोबि श्रींङमी लोहग।

यहून्नो 6:68

शमौन पतरसे यीशु बि जुबाब रेंई, “हे प्रभु, ञेंहरे अतु कछंङ योंई? अनंत जीवनो गप्पा ता कांह ए कछंङ तोह।

प्रेरित 15:18

गेह घेंङौ मीहतु मदत लहरिगा कि दोरे महसे तुहई ए दि गप्पा ए ञेंई तरपोर।

रोमियो 1:2

परमेश्वरे तुहई बेहच़ी एनोह भविष्यवक्ताओ दोरच़ी पवित्रशास्त्रारिंङ दुह रूठे खबरो वाईदा लाहते,

रोमियो 16:25

हेंतेग केतिंङ गिऊ रूठे खबर यीशु मसीहू पाहठी तोह, केतिंङ प्रचार लहज़ा विशवास रिंङ पक्‍का लहज़ा। छना कुचे दि रूठे खबर महस जुग बेहच़ी प्याक्सी तहरेर।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

रोमियो 5:2

हेंदु विशवासो दोरच़ी, मसीह ज़ि हेंदिंङ दि मोह्ड़े दाह तचेक रैंज़ा हति अंऊर हेनर हेंतेग पिचे तोतोंई, ञेंरे दि गप्पारिंङ खुश शवातंई कि हेंदिंङ परमेश्वरो महिमा रि सहभागी शुहबिमी उम्मीद तोह।

रोमियो 5:21

कि छना भत्ते मीहच़ी पाप लाहतेर दंङ दोरे भत्ते सिए इलिर, ध्वांए ए हेंदु प्रभु यीशु मसीहू दोरच़ी मोह्ड़े दाह ला धर्मी बणाएपोतो दंङ दोतिंङ अनंत जीवन रमतो।

रोमियो 5:4

दंङ धीरजो दोरच़ी रूठे चाल-चलन, दंङ रूठे चाल-चलनो दोरच़ी उम्मीद पैदा शुहबी।

रोमियो 6:23

छना कुचे पापो नतीज़ा ता मौत तोह, पर अंऊ वरदान परमेश्वर हेंदिंङ रंड्रा, दू ता अनंत जीवन तोह अंऊ हेंदु प्रभु मसीह यीशुरिंङ खोकसा।

कुलुस्सियों 1:27

छना कुचे परमेश्वरे जुंज़ाते कि दोऊ मीहच़ी दिह ञेंओर कि मसीहू टंगा ढबाह ए दोऊ महिमा केरे ऊईजाति तु थल्जी ला शुह। दंङ भेद दिह तोह कि: मसीह केहतु बिचंङ बंङज़ा। दि केतिंङ दोऊ महिमा रिंङ शामिल शुहबिमी उम्मीद रंड्रा।

1 थिस्सलुनीकियों 2:15

दुह यहुदी ज़ि प्रभु यीशु बि ए भविष्यवक्तातिंङ सच़ी च़रतिर दंङ ञेंहतिंङ महस दुख रेंईर दंङ परमेश्वर दोतंङ साते खुश माह; दंङ दोरे भत्ते मीहतु ला विरोध लहज़ातोर।

1 थिस्सलुनीकियों 5:8

पर हेनर ता निहरो कटुरे शुई, झांह लेह हेंदिंङ हेंदु टोहकठे काबू लहज़ी जुंशी तोह। हेंदु विशवास ए दाह हेंदु रक्षा लोहतो छना इच्च़ा कवच़े इच्च़ा सेनिको रक्षा लहज़ा।

1 तीमुथियुस 6:12

छना इच्च़ा रूठे सेनिक लड़ाई रि अपेहल ला हार माह मनेक्च़ा, ध्वांए कनिंङ ला, परमेश्वरो टोहकठे विशवास लहज़ी ए दोऊ हुकुम मनेक्च़ी अपेहल ला ब्याड़ा लहज़ी माह जूंस ताकि कांह ईनामो रूपारिंङ दुह अनंत जीवन खोकपोन, अतु थल्जी परमेश्वरे कांह बुलासी तोतोन, दंङ अपेहल केई महस मीहतु तुईज़ी साफ-साफ कुहतेन कि कांह मसीहू टोहकठे विशवास लहज़ातन।

1 तीमुथियुस 6:19

अगर दोच़ी झांह लहज़ातोर, दंङ दि झांह तोह छना दोरे स्वर्गारिंङ एनोह ढबाह ठ्रोका लहज़ातोर अंऊ अपेहल योंहषतो माह, दंङ दोरे सच्चा जीवन खोकपोरे अंऊ हमेशा ओ थल्जी तोह।

2 तीमुथियुस 1:1

गेह पोलुस अंऊ हेंदु बाह परमेश्वरो तरफे यीशु मसीहू प्रेरित शुगाह, परमेश्वरे गिह्बी च़रति ताकि गेह मीहतिंङ कंज़े तरपोग कि दोई मसीह यीशु रिंङ विशवास लहज़ा तिंङ दि अनंत जीवन रंड्रीमी वाईदा लहसी ततो।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

2 तीमुथियुस 2:10

दिऊ थल्जी गेह दुह मीहतु थल्जी भत्ते दुख सहन लहज़ातग, अतिंङ परमेश्वरे अंङषी ततो, ताकि दोरे ला यीशु मसीहू टोहकठे विशवास लोहर दंङ उद्धार ए अनंत कालो महिमा खोक्पोर।

2 तीमुथियुस 2:13

दंङ अगर हेनर मसीहू थल्जी वफादार माह बंङज़ोंई, तांला दुह हेंदु थल्जी वफादार बंङज़ोतो दुह हमेशा एनोह स्वभावो हिसाबे कम लहज़ा।

2 तीमुथियुस 2:15

केई सच्चा खबरा बि सिखाच़िमी थल्जी महस मेहनत लोह ताकि परमेश्वरे कनिंङ इच्च़ा झांह ठ्रोह सेवको रूपा रिंङ ग्रहण लोहतो, अंऊ एनोह कमो दोरच़ी शर्मिन्दा माह शवाह।

तीतुस 2:13

हेनर झांह ठ्रोह व्यवहार लोंहि कि अपेहल हेनर उम्मीदा रंङ साते दुह अद्धभुत ध्याड़ा बि रुमज़ा तोंई, अपेहल यीशु मसीह अंऊ हेंदु मोह्ड़े परमेश्वर ए उद्धारकर्ता शुह, एनोह भत्ते महिमा रंङ साते धरती ऊ टोहकठे प्रगट शोतो।

तीतुस 2:7

केतिंङ भत्ते धिरा रिंङ हमेशा रूठे कम लहज़ी जूंशी तोह, अंऊ ऊईतु थल्जी इच्च़ा उदाहरण बणेक्पोतो अतु ऊईज़ि हमेशा पालन लोहर। अपेहल काह विशवासी तिंङ परमेश्वरो पाहठी सिखाएच़ातंई, दंङ दोबि रूठे मकसद रंङ साते सिखातु, झांह लेह मीहच़ी कांह आदर लोहर।

तीतुस 3:7

अंऊ दिरिंङ हेनर दुह अनंत जीवन खोकसिमी उम्मीद लेह तरपोंई अंऊ परमेश्वरे हेंदिंङ एनोह कटुरे शुहबिमी वाईदा लाहते। दंङ दि पाहठी ञेंहच़ी ञेंहच़ातोंई छना कुचे परमेश्वरे एनोह मोह्ड़े दाह ओ दोरच़ी हेंदिंङ एनारंङ साते सही ठहराच़ा।

1 यूहन्ना 2:25

परमेश्वरे हेन्दंङ साते वाईदा लाहरी कि दोई हेन्दिंङ अनंत जीवन रमतो।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

यहूदा 1:21

केनातु थल्जी परमेश्वरो दाह महसूस लोहवा लंहि। अपेहल कि केरे हेंदु प्रभु यीशु मसीहू दि उम्मीदा रंङ साते इंतज़ार लहज़ातंई कि केतिंङ अनंत जीवन खोकसोतो। दोई झांह पक्‍का ए लोहतो छना कुचे दोई केतंङ साते दाह लहज़ा।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।

प्रकाशित वाक्य 17:8

दुह घ्वंण अपि केई हेंतेग खंदेग, इच्च़ा टेम श्रींङे तोहई, पर हेंतेग श्रींङे माह; दुह महस डुह्गे गड्डो दोरच़ी धकतेखा अपिमी तोह दंङ परमेश्वर दोबि पूरे तरह ठ्रोह नाश लेह च़रपोतो। धरतीऊ टोईच़ी बंङज़ा मीहरे अतु मिन परमेश्वर संसारो रचना लहज़िमी बे तुहई जीवनो कताबा रिंङ च़ेहसी माह, दोरे भत्तेर हेरान शुहचे योर अपेहल दोरे दि घ्वंणा बि खमोर। इच्च़ा टेम दुह श्रींङे तोहई; हेंतेग दुह श्रींङे माह; पर दुह यह्च़ा वापिस अच़ा अपतो।