तीतुस 1:16 - लाहौली बाइबिल

¹⁶ दोरे हप्सी शिक्षा रंड्रा कुट्रातोरे कि हेनर परमेश्वरा बि ञेंच़ातंई, पर दोतु कम दिबी गलत सबित लहच़ी केट्रा। छना कुचे दोरे महस झखंजी (घिनौने) ए हुकुम माह मनेक्च़ा तोतोर, दंङ दोरे अंऊ ला रूठे कम लहज़िमी जोगे माह तोहर।

तीतुस 1:16 Iomraidhean Croise

रोमियो 1:28

दंङ दोच़ी परमेश्वरा बि ञेंच़िमी कोशिश मलाहरिरे दंङ परमेश्वरे ला दोतिंङ दोतु निकम्मे सेहमो टोईच़ी छोड़ेके केहरी दोच़ी अनुचित कम लोहर।

इफिसियों 5:6

दिरे मीहतु दोरच़ी मुर्ख था बणेक्तेंई अंऊ दि पापो थल्जी बहाना बणाएषिमी कोशिश लहज़ातंई। छना कुचे दिए कमो दोरच़ी परमेश्वरो रोहष हुकुम माह मनेक्च़ा दोतु टोईच़ी भड़केक्पा।

1 तीमुथियुस 1:9

ञेंहच़ी ञेंहच़ातोंई कि कानून धर्मी मीहतु थल्जी मशत पर दोतु थल्जी शुह अंऊ दोच़ी परमेश्वरो कानूनो अनदेखा लहज़ातोर दंङ दोऊ भाषे माह लहज़ातोर, दंङ लगातार पाप लहज़ातोर दंङ अंऊ मीहरे अपवित्र तोतोर, दंङ परमेश्वरो आदर माह लहज़ातोर, दोरे मीहरे अंऊ एनोह याह-बाह ए ऊई मीहतु हत्या लहज़ातोर,

1 तीमुथियुस 5:8

पर अरिया एनोह नातातु, खासकर एनोह टबरातु देखभाल माह लोहतो, दंङ दोई विशवास छोड़ेके केहतो, दंङ अविशवासी बे ला मदम बड़ेकी इलज़ा।

2 तीमुथियुस 3:17

ताकि परमेश्वरो मीह सिद्ध बड़ेक्पोतो, दंङ हर इच्च़ा रूठे कमो थल्जी तेयार ए काबिल शुहचे बंङज़ोतो।

तीतुस 3:1

विशवासी मीहतिंङ हिद दिलाएच़ा लोह, कि हाकिम ए अधिकारी तु अधीन बंङज़ु, दंङ दोतु हुकुम मनेक्तु, दंङ ऊईतु थल्जी हर इच्च़ा रूठे कमो थल्जी तेयार बंङज़ुंई,

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।

1 यूहन्ना 2:4

दंङ अच़िला दि कुट्रा, “कि गेह परमेश्वर बि ञेंई केहरिगा,” पर दोऊ हुकुम माह मनेक्च़ा दंङ दुह हप्साड़ शुह दंङ परमेश्वरो सच्चाई ऊ हिसाबे ज़िंदगी माह श्रींङज़ा।

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”

प्रकाशित वाक्य 21:27

पर छिल्ला धिर अपवित्र तोहई या दोरे मीहरे अंऊ दोच़ी मदम कम लहज़ातोर या हप्सी कुट्रातोर, दोतिंङ पक्‍का रूपारिंङ देर्तिंङ अपिमी इजाज़त माह तोहई। अंऊ मीहरे देर्तिंङ अपि तरपोर, दोरे, दुह मीहरे शुरे अतु मिन कुरच़ो जीवनो कताबा रिंङ च़ेहसी तोहई।

प्रकाशित वाक्य 21:8

पर अंऊ दोरे मुसीबतो बेहच़ी गिह्बी छोड़ेके चरच़ातोर दंङ अरि गिऊ टोईच़ी विशवास लहज़ी छोड़ेके चरच़ातोर, दोतिंङ मेहू गन्धका रिंङ छङें चरच़ातोर। झांह ठ्रोह दोतिंङ ला अंऊ दोच़ी मदम कम लहज़ातोर, दंङ हत्या लहज़ातोर, दंङ कुकम लहज़ातोर, दंङ एनोह साथी तु खिलाप जादू-टोना लहज़ातोर, दंङ मुर्ति तु पूजा लहज़ातोर, दंङ भत्ते हप्सी कुट्रा, दोतिंङ ला गन्धको मेहू बिचंङ केहच़ी च़रपोर। दिबी अई मौत ला कुट्री।