तीतुस 1:15 - लाहौली बाइबिल

¹⁵ दुह मीहतु थल्जी अतु सेहमरिंङ पापो विचार माह, भत्ते चीज़ारे शुद्ध तोतोर, पर दुह मदम मीहतु थल्जी दंङ यीशु मसीहू टोहकठे विशवास माह लहज़ातोर, छिल्ला धिर दोच़ी लहज़ातोर दुह अशुद्ध तोह।

तीतुस 1:15 Iomraidhean Croise

मत्ती 15:18

पर छिल्ला अंङषी हुंज़ा, दुह सेहमरिंङ ज़ि हुंज़ा दोई मीह अशुद्ध लेह चरच़ि।

प्रेरित 10:15

दोथर अई फेरा दोई सग थाशिरी, कि परमेश्वरे कुट्रा कि अपेहल गेह कुट्रातग अंऊ दोबि गेह शुद्ध कुहतग दोबि यह्च़ा अशुद्ध थाह कुंई।

रोमियो 14:14

गेह ञेंच़ातग कि, दंङ प्रभु यीशु दोरच़ी गिह्बी पूरा विशवास तोह, कि ज़ेइमी भत्ते चीज़ शुद्ध तोह, पर अंऊ अशुद्ध चेहच़ा।

रोमियो 14:20

अंऊ केहच़ी ज़ोवातंई दोऊ वहज़ा ज़ि परमेश्वरो कम था बिगाडेक्‍एतेंई; हिद तंही ज़ेइमी भत्ते चीज़ शुद्ध तोह, अगर अरिया मीह केहतु ज़ेईमी रंङ साते पाप रिंङ यवाह ता, दंङ दि गलत तोह।

रोमियो 14:23

पर अगर केतिंङ दि गप्पो टोहकठे शक तोह कि हेंदिंङ छा ज़ै जूंशी तोह या माह, दंङ अगर केहच़ी तुंखा शुचि दि ज़ोवातंई ता केहच़ी पाप लोहवा तंई। छना कुचे केहच़ी केनातु विशवासो पालन माह लहज़ातंई। हेंज़ी छिल्ला ला लोहवा तंई, अगर दि प्रभु रिंङ विशवास रंङ साते माह ता दू हेंदु थल्जी पाप तोह।

1 कुरिन्थियों 10:23

हेनर छिल्ला लहज़िमी थल्जी तेयार आज़ाद तोतोंई। वोई, पर हेंदु थल्जी भत्ते धिर रूठे माह। हेनर छिल्ला धिर लहज़िमी थल्जी आज़ाद तोतोंई, पर भत्ते धिर परमेश्वरा रिंङ हेंदु विशवास बि पक्‍का माह लहज़ा।

1 कुरिन्थियों 10:25

अपेहल केरे बाज़ारो दोरच़ी षाह हपातंई ता दंङ दोबि ज़ै च़रतुंई। पर दि था रूहक्तुंई कि दि मुर्ति बि चढ़ाएसी शुह या माह शुह, दंङ झांह लहज़िमी रंङ साते केहतु अंतरआत्मा परेशान माह शोतो।

1 कुरिन्थियों 10:31

गिऊ कुट्रीमी दि मतलब तोह, केरे चाहे ज़ोवातंई या तुंङमातंई, चाहे छिल्ला धिर लहज़ातंई, भत्ते धिर परमेश्वरो महिमा ओ थल्जी लोहवा लंहि।

1 कुरिन्थियों 8:7

पर हेंदु रे विशवासी हेंतेग तचेक दि माह ञेंहच़ातोर कि मुर्ति ओ अन्द्रेग छल्ले शाक्ति माह, छना कुचे दोरे तुहई दू मुर्ति ऊ पूजा लहज़ातेर, हेंतेग अपेहल दोरे मुर्ति बि चढ़ासी बलि ज़ोवातोर, दोरे गलती रंङ सोचेक्च़ातोर कि दोरे हेंतेग ला दू मुर्ति तु पूजा रिंङ शामिल तोतोर। दंङ दि सोचेके परेशान शवाहतोर कि अगर दोरे मुर्ति बि चढ़ाएसी बगत ज़ोवातोर दंङ दोरे पाप लहज़ातोर।

1 तीमुथियुस 6:5

दंङ झांह ठ्रोह मीहतु बिचंङ हमेशा झगड़ा शवाह, अंऊ दोतु बुद्धि भ्रष्ट शुहचे इलजी तोह, दंङ दोरे सच्चाई बि समझेगी माहरच़ातोर, दंङ दोच़ी सोचेक्च़ातोर कि परमेश्वरो सेवा लहज़ी साहुकार बणेक्पिमी तरीका शुह।

इब्रानियों 10:22

दंङ अतंई हेनर, मसीहू शुई पुरच़ि ते हेंदु सेहम शुद्ध लहच़ी दंङ साफ ती रें हेंदु फुक शुहल्ज़े संङा सेहम ए पक्‍का विशवासा रंङ साते परमेश्वरो कछंङ योंई।

इब्रानियों 12:15

खबरदार बंङज़ुंई, झांह शुहबी मेस कि अरिला मीह परमेश्वरो मोह्ड़े दाह मेह केहषा योतो। दंङ ध्यान रांई कि अंऊला मीहबी अविशवासारिंङ कडगी ब्रन्ज़ ठ्रोह बणेक्पी थारांई अंऊ दोऊ ज़हर रंङ साते महस परेशानी वहज़ा बणेंके यवाह, अंऊ दोरच़ी दू मीह परमेश्वरो दोरच़ी शत्‌ह शुहचे योतो।

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।