तीतुस 1:11 - लाहौली बाइबिल

¹¹ झांह ठ्रोह मीहतिंङ शिक्षा रंड्रीमी इजाज़त थारांई, छना कुचे अपेहल दोरे दि गप्पा सिखाएच़ातोर अंऊ दोतिंङ सिखाएसी माह जूंस, दंङ दोरे भत्ते टबरातु विशवास नाश लेह च़रच़ा। दोरे झांह लेह ढबाह कमाच़ी जुंज़ातोर।

तीतुस 1:11 Iomraidhean Croise

मत्ती 23:13

हे कपटी यहुदी शास्त्री ए फरीसी मीहरे, केहतु टोईच़ी धिक्कार! केहच़ी मीहतिंङ स्वर्गो राजंङ इबिमी अम बन्द लाहतंई, माह ता केनारे दोहर य्वातंई माह दोहर इल्जातिंङ इबी रंड्रातंई।

लूको 20:40

दंङ अतिंङ ला यच़ाह दुह रुहक्च़िमी हिम्मत माह शुई।

यहून्नो 10:12

परगर अरी माह पोहाल तोह माह त्रेंईतु मालिक, भेड़िया अपि खांई, त्रैंईरे केट्रा पोक्शे इबि, दंङ भेड़िया झुण्डो टोईच़ी हमला लोहतो दंङ दोतिंङ देखा नोखा लेह च़रपोतो।

रोमियो 3:19

ञेंहच़ी ञेंच़ातंई कि कानून छिला कुट्रा, दुह मीहतंङ साते कुट्रा, अंऊ मुसाओ कानूनो अधीन तोतोर, ताकि मीहतिंङ बहाना बणाएट्रिमी दोरच़ी रोकेकी तरपोंई, दंङ संसारो भत्ते मीहरे परमेश्वरो फेंसला ओ अधीन शोर।

2 कुरिन्थियों 11:10

ध्वांए ए पक्‍का रूपारिंङ छना मसीहू सच्चाई गिऊ अंदरेग तोह, ता अखाया नगरंङ अंऊ दोई गिह्बी दि घमण्डे रोकेक्पोतो।

1 तीमुथियुस 5:13

दंङ दिरंङ साते ए साते दोरे चुंङ-चुंङ इलज़ा सुस्त शुहबी सीखेच़ा, पर सिर्फ सुस्त माह शुह चुगली ला लहज़ातोर, दंङ ऊईतु कमरिंङ दखल रंड्रातोर दंङ झांह ठ्रोह गप्पा कुट्रातोर अंऊ दोतिंङ लेह माह जूंस।

1 तीमुथियुस 5:4

दंङ अगर अतुआ रंणी मेच़िमी ऊ कटु ए जोह्तर पोत्रारारे शोर, दंङ दोरे तुहई एनोह ज़िम्मेवारी पूरा लोहतो, छना इच्च़ा विशवासी बि लेह जूंशी तोह, झांह लेह एनोह याह-बाह ए नाना-नानी देखभाल लहच़ी दोतु थल्जी छा लोहतो। छना कुचे परमेश्वराबि दिए रूठे च़ेहसी।

1 तीमुथियुस 6:5

दंङ झांह ठ्रोह मीहतु बिचंङ हमेशा झगड़ा शवाह, अंऊ दोतु बुद्धि भ्रष्ट शुहचे इलजी तोह, दंङ दोरे सच्चाई बि समझेगी माहरच़ातोर, दंङ दोच़ी सोचेक्च़ातोर कि परमेश्वरो सेवा लहज़ी साहुकार बणेक्पिमी तरीका शुह।

2 तीमुथियुस 2:18

अच़ि सच्चाई रिंङ विशवास लहज़ी छोड़ेके केहतोर दोच़ी कुट्रातोर कि परमेश्वर तुहई ए विशवासी तिंङ अनंत जीवनो थल्जी श्रींङमी लहज़ी केहतो। अतु नतीज़ा दि तोह कि रें विशवासीतिंङ मसीहू टोहकठे विशवास लहज़िमी रंङ साते रोकेक्च़ातोर।

2 तीमुथियुस 3:6

छना कुचे दितु बिचंङ रें मीहरे झांह ला तोतोर अंऊ मीहतु चुंङ ब्याके यवातोर, दंङ मेच़िमीतिंङ एनोह वशारिंङ लहज़ातोर, अंऊ एनोह पापो दोरच़ी तेपसा भत्ते पाहठी ओ मदम हिटी रिंङ तोह।

तीतुस 1:7

छना कुचे कलीसिया ओ मुख्या बि परमेश्वरो खज़ान्च़ीज़ि शुहबीरंङ साते बेकसूर शुहबी जूंस; माह ज़िद्दी, माह रोहष, माह पियक्कड़, माह मारपीठ लहज़ा, माह ढबाहो लालची शुहबी जूंस।

तीतुस 1:9

दोबि यीशु मसीहू विशवासो जोगे खबरो टोहकठे पक्‍का रंङ विशवास लेह जूंशी तोह अंऊ हेंज़ी सिखाएसी तातंई ताकि दुह ऊईतिंङ हेले ऊ शिक्षा मनेक्च़िमी थल्जी उत्साहित लेह तरपोतो दंङ दोतु गलती माफ लेह तरपोतो।

तीतुस 3:10

अंऊ मीहच़ी कलीसिया रिंङ फूट केट्रातोर, कनिंङ दुह मीहतिंङ कम से कम झुह्ट फेरे खबरदार लहज़ी जूंशी तोह कि दोई झांह लेहई बंद लेह च़रतु। दोऊ थल, दोतिंङ छोड़ेके च़रतु।