रोमियो 9:7 - लाहौली बाइबिल

⁷ अब्राहमो खानदाना रिंङ जेह्कपिमी रंङ साते भत्तेरे परमेश्वरो सच्ची ओलाद शुहबी मरपोर, छना कुचे परमेश्वरे अब्राहमो हखा कुहते, “अंऊ इसहाको खानदाना रिंङ जन्म लेहपच़ा तोर, दोरे ए कांह खानदान शोर।”

रोमियो 9:7 Iomraidhean Croise

मत्ती 3:9

दंङ दिह थाह सोचेक्तुंई कि केरे दिह कुट्रा सज़ाओ दोरच़ी बचेके योंई कि ञेंहतु बाह-मेमे अब्राहम शुह। गेह केतंङ साते कुट्रातग कि परमेश्वर दिह रघटेतु दोरच़ी लाह अब्राहमो थल्जी औलाद पैदा लेह तरपोतो।

लूको 16:30

दोई कुहतो, “हे बाह अब्राहमा; अगर अच़िया दोतिंङ खबरदार लोहर, ता दोरे एनोह पापो दोरच़ी सेहम किर्ज़ोर।

लूको 3:8

दिऊ थल्जी केनातु व्यवहार दोरच़ी दिह साबित लांही कि केहच़ी पापो दोरच़ी सेहम यह्च़ी चरच़ातंई; दंङ परमेश्वरो कछंङ अच़ा अन्दंई। दंङ दिह थाह सोचेक्तुंई कि केरे दिह कुट्रा सज़ाओ दोरच़ी बचेके योंई कि ञेंहतु बाह-मेमे अब्राहम शुह। गेह केतंङ साते कुट्रातग कि परमेश्वर दिह रघटेतु दोरच़ी लाह अब्राहमो थल्जी औलाद पैदा लेह तरपोतो।

यहून्नो 8:33

दोच़ी यीशु बि जुबाब रेंईर, “ञेंहरे ता अब्राहमो खानदानो शुई, दंङ अतुला गुलाम माह शुई दंङ केई छिला कुट्रातन कि केहरे आज़ाद शुहचे योंई?”

गलातियों 4:23

दासी ओ योह, मीहू हिटी ऊ हिसाबे अंऊ ला साधारण मीहू ठ्रोह जेह्कते पर दू कटु अंऊ दोऊ मेच़ो दोरच़ी जेह्कते, दू अब्राहमा रंङ साते परमेश्वरो वाईदा ओ भाषे लहज़िमी रंङ साते जेह्कते।

गलातियों 4:28

हे गिऊ प्यारे साथी विशवासी रे, हेनर इसहाको ठ्रोह तोतोंई, छना कुचे हेनर अब्राहमा रंङ साते परमेश्वरो वाईदाऊ हिसाबे जेह्की शुई।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।