रोमियो 9:5 - लाहौली बाइबिल

⁵ अब्राहम, इसहाक ए याकूब दोतु पूर्वज शुरे, दंङ फुको हिसाबे मसीह दोतु ए खानदानो तोह। परमेश्वर, अंऊ भत्ते तु टोहकठे राज लहज़ा, दोऊ हमेशा ओ थल्जी षटणा शुहबी जूंस। आमीन।

रोमियो 9:5 Iomraidhean Croise

मत्ती 28:20

दंङ दोतिंङ भत्ते हुकुम अंऊ गेह केतिंङ रांहषी तातग, मनेक्च़ी कंड्रुंई; दंङ रेड्रुंई, गेह संसारो अनंत तचेक हमेशा केतंङ साते तोतोग।”

मत्ती 6:13

दंङ ञेंतिंङ परीक्षा रिंङ था हता पर शेतानो दोरच़ी बचाएतु छना कुचे, राज्य पराक्रमऐ महिमा हमेशा कांह ए शुहरे, आमीन।

लूको 20:44

रज्ज़ा दाऊदे ताह दोबि प्रभु कुट्रा; दंङ दुह दोऊ योह छना शुई?”

यहून्नो 10:30

गेह ए गिऊ पिता परमेश्वर इच्च़ा शुई।”

प्रेरित 20:28

झांह लेह केरे केनातु ध्यान तंही दंङ दुह झुण्ड़ो ला, अतु पोहाल केतिंङ पवित्र आत्मा ज़ि अंङषी ततो कि केरे परमेश्वरो मीहतु देखभाल लंहि, अपि दोई एनोह शुई रें च़ुमसी शुह।

प्रेरित 3:13

दि मीहबी अईन लहज़िमी दोरच़ी अब्राहम, इसहाक ए याकूबो परमेश्वर ञेंहतु बाह-मेमेतु परमेश्वरे एनोह सेवक यीशु ऊ महिमा लहरी। पर केहच़ी दुह सच़िमी थल्जी रोमी राज्यपालो हवाले लेह च़रतिन, अपेहल पिलातुसे दोबि रिहा लहज़िमी फेंसला लहरी, दंङ केहच़ी दोऊ तुईज़ी यीशु ऊ इन्कार लहरिन।

रोमियो 1:25

छना कुचे परमेश्वरो पाहठी सच्चाई टोहकठे विशवास लहज़िमी रंङ इंकार लहज़ातोर, दंङ दोबि ग्रहण लहज़ातोर अंऊ हप्सी तोह। दंङ संसारो अराधना ए सेवा लहरी, रचना लहरी, न कि दुह सृष्टि लह्जाड़ो अंऊ सदा धन्य शोतो! अमीन।

रोमियो 1:3

दि रूठे खबर दोतु योह, हेंदु प्रभु यीशु मसीहू पाहठी तोह। दोऊ जन्म इच्च़ा मीहू रूपारिंङ रज्ज़ा दाऊदो खानदाना रिंङ शुई।

रोमियो 10:12

यहुदी मीहतु बिचंङ ए ऊईजाति तु मीहतु बिचंङ छल्ले भेद माह, झांह लेह कि परमेश्वर भत्ते तु प्रभु शुह; दंङ दू भत्ते तिंङ बचाएपोतो, अंऊ दोबि मदतो थल्जी हाऊष रंड्रातोर।

रोमियो 11:28

यहुदी मीहरे परमेश्वरो बैरी शुरे छना कुचे दोरे रूठे खबरो टोईच़ी विशवास लेह माह जुन्ज़ातोरे, दंङ दि केहतु थल्जी फायदा बणेंके इलज़ा। पर परमेश्वर दोतंङ साते दाह लहज़ा छना कुचे दोई दोतिंङ एनोह थल्जी अंङे चरच़तो। दि गप्पो दोई दोतु बाह-मेमेतंङ साते वाईदा लहसी तते।

1 कुरिन्थियों 14:16

ञेंई च़रतेंई कि अरिया सीधा रे मीह केहतु अराधनारिंङ तोह, अपेहल केरे केनातु आत्मारिंङ परमेश्वरो स्तुति लहज़ातंई अगर दोई केहतु गप्पा शुहङी मरच़ा, दंङ केहतु परमेश्वरा बि धन्यवाद रंड्रीमी थल, दोबि छना पता लेह्पोतो कि अमीन अपेहल कुट्री अंऊ पाहठी केहच़ी कुट्रातंई?

2 कुरिन्थियों 11:31

परमेश्वर, हेंदु प्रभु यीशु मसीहू बाह अंऊ हमेशा धन्य तोह, ञेंहच़ा, कि गेह हप्सी माह कुट्रातग।

1 तीमुथियुस 3:16

दंङ दिरिंङ छल्ले शक माह कि हेंदु विशवासरिंङ पक्‍का भेद तोह, मसीह इच्च़ा मीहू रूपारिंङ प्रगट शुई, दंङ पवित्र आत्माज़ि दुह परमेश्वरो योह साबित लहरी, दंङ स्वर्गदूता ज़ि दुह तंङातेर, दंङ परमेश्वरे दुह स्वर्गंङ रैंज़ा शिली। चेलाज़ि भत्ते ठाहरिरिंङ दोऊ प्रचार लहरिर। दंङ संसारो मीहच़ी दोऊ टोहकठे विशवास लहरिर।

1 तीमुथियुस 6:15

परमेश्वर, अंऊ इच्च़ा ए झांह ठ्रोह रज्ज़ा तोह अंऊ तरीफो जोगे तोह, रज्ज़ा तु रज्ज़ा ए प्रभु तु प्रभु तोह। दोई ए ठीक टेमारिंङ मसीह बि प्रगट लोहतो।

2 तीमुथियुस 2:8

लगातार यीशु मसीहू पाहठी सोचेक्सा लोह, अंऊ रज्ज़ा दाऊदो खानदानो दोरच़ी शुई, दंङ परमेश्वरे दुह सिऊ दोतु बिचंङ श्रींङमी लहरी; दंङ दिए दुह रूठे खबर शुह अंऊ गेह मीहतु बिचंङ प्रचार लहज़ातग।

इब्रानियों 7:24

पर यीशु मसीह युगानुयुग बंङज़तो; झांह लेह ऊई अरिला झांह ठ्रोह यहुदी पुरोहित माह बणेक्पोतो छना दू तोह।

1 यूहन्ना 5:20

दंङ दिला ला ञेंच़ातंई कि परमेश्वरो योह यीशु मसीह संसारारंङ अति, दंङ दोई हेन्दिंङ समझ रांहषी ततो, कि हेनर दुह सच्चे परमेश्वर बि सेहपोन; हेनर परमेश्वर रिंङ अंऊ हेले तोह बणेंके बंङज़ातंई। दंङ दोऊ योह यीशु मसीहरंङ बणेंके बंङज़ा तोंई, दुह ए सच्चा परमेश्वर शुह, दंङ दुह अनंत जीवन शुह।

प्रकाशित वाक्य 1:18

गेह इच्च़ा फेरा सिए इलजी तोईगा। पर हेंतेग गेह श्रींङे तोतोग दंङ हमेशा गेह श्रींङे बंङज़ोग। सिमी ए अधोलोको केईटी गिऊ कछंङ तोतोर।

प्रकाशित वाक्य 22:16

“गेह यीशु ज़ि घेंङौ स्वर्गदूता बि केहतु कछंङ कलीसिया तु पाहठी दि गप्पा तिंङ प्रगट लहज़िमी थल्जी चरच़ातग। गेह रज्ज़ा दाऊद ओ खानदानो शुगाह; गेह ए शुगाह, अंऊ दुह कर तु ठ्रोह तोतोग अंऊ एके हुंच़िमी मुक्का चमकेपी।”

प्रकाशित वाक्य 22:20

यीशु ज़ि दि भत्ते गप्पो पाहठी गवाही रंड्रा, दंङ दोई कुट्रा, “वोई, गेह युरनाह अपिमी तोतोग।” गेह यूहन्ना ज़ि जबाब रेंईगा, अमीन! हे प्रभु यीशु अता!

प्रकाशित वाक्य 5:14

दंङ पि ला प्राणी ज़ि “अमीन” कुईर! दंङ दोरे सेंहणार कोंङा शुहचे दोऊ अराधना लहज़ी लेहतिर।