रोमियो 9:1 - लाहौली बाइबिल

^1-3 हेंतेग अगर छिल्ला हेंदिंङ परमेश्वरो दाह ओ दोरच़ी शत्‌ह लेह मरपोतो, गिऊ यहुदी मीहरे, परमेश्वरो दोरच़ी शत्‌ह छारिंङ तोतोर? गिह्बी दोतु थल्जी महस दुख तो, दंङ हमेशा गिऊ सेहमरिंङ दोतु थल्जी दुख महसूस शवाह। हेलेरिंङ, हेंदु ए मीहतु उद्धार लहज़िमी थल्जी, गेह घेंङौ टोहकठे दोष लगाच़िमी ए मसीहू दोरच़ी शत्‌ह शुबिमी थल्जी तेयार तोतोग, गेह दोऊ थल्जी तेयार तोतोग। गेह मसीह बि गवाह मानेकि हेले कुट्रातग पवित्र आत्मा ए गिऊ दिमाग ला गवाही रंड्रा कि दि हप्सी माह शुह।

रोमियो 9:1 Iomraidhean Croise

रोमियो 1:9

परमेश्वर अतु सेवा गेह घेंङौ सेहमे दोऊ योह ओ पाहठी रूठे खबर मीहतिंङ सुनाके लहज़ातग, दुह ए गिऊ गवाह शोतो, कि गेह केतिंङ लगातार घेंङौ प्रार्थना रिंङ हिद लोहवा लहज़ातग,

रोमियो 2:15

दोच़ी दि कंड्रातोर कि परमेश्वरो दोरच़ी रांहषी मुसाओ कानून दोतु सेहमरिंङ च़ेहसी तोह, छना कुचे दोतु फर्क आत्माज़ि कंड्रा कि दि हेले शुह। दंङ दोतु विचार या ता दोतु टोहकठे दोष लगाएच़ातोर या दोतिंङ कंड्रातोर कि दोच़ी सही लहज़ी लेहकी तोतोर।

रोमियो 8:16

पवित्र आत्मा एनेह ए केहतु आत्मा रंङ साते गवाही रंड्रा, कि हेनर परमेश्वरो कटुरे शुई।

2 कुरिन्थियों 1:12

छना कुचे हेंदिंङ इच्च़ा गप्पो माह घमण्ड तोह, हेंदु अन्तरात्मा हेंदिंङ विशवास रंड्रा कि हेंज़ी मीहतंङ साते छि बर्ताब लहसी तातंई, दू संसारो मीहतु बुद्धिमानो हिसाबे मशत, पर दू सच्चाई ए ईमानदारीऊ हिसाबे तोहई अंऊ परमेश्वरो कृपा ओ वरदान तोहई।

2 कुरिन्थियों 1:23

परमेश्वर गिऊ दि सच्चाई गेह गवाह तोह कि गेह यह्च़ा कुरिन्थुस शहरंङ दिऊ थल्जी माह अतिगा कि गेह केतिंङ दुख रंड्री माह जुंज़ातेग।

2 कुरिन्थियों 11:10

ध्वांए ए पक्‍का रूपारिंङ छना मसीहू सच्चाई गिऊ अंदरेग तोह, ता अखाया नगरंङ अंऊ दोई गिह्बी दि घमण्डे रोकेक्पोतो।

2 कुरिन्थियों 11:31

परमेश्वर, हेंदु प्रभु यीशु मसीहू बाह अंऊ हमेशा धन्य तोह, ञेंहच़ा, कि गेह हप्सी माह कुट्रातग।

2 कुरिन्थियों 12:19

हे गिऊ प्यारे साथी विशवासी रे, केरे हेंतेग तचेक समझेक्सी लेहकी शोंई कि ञेंरे केहतु तुईज़ी हेंदु सफाई रंड्रातंई, ञेंरे ता परमेश्वरा बि हेंदु तुईज़ी ञेंई ते मसीहरिंङ दि कुट्रातंई, दंङ दि भत्ते गप्पार केतिंङ विशवासा रिंङ बडेकेक्पिमी थल्जी कुट्रातंई।

गलातियों 1:20

दि गप्पो थल्जी परमेश्वर गिऊ गवाह तोह कि गेह छिल्ला धिर अंऊ केतिंङ चेहच़ातग, दोरिंङ छल्ले हप्सी माह।

फिलिपियों 1:8

दिरिंङ परमेश्वर गिऊ गवाह तोह कि गेह यीशु मसीहू ठ्रोह दाह लहच़ी ते केतंङ भत्तेतंङ साते दोईमी लालच लहज़ातग।

1 थिस्सलुनीकियों 2:5

केहच़ी ञेंच़ातंई, कि हेनर माह ता अपेहल लाह चापलूस गप्पारे लहज़ातंई, दंङ माह ए ञेंहच़ी केहतु दोरच़ी ढबाह खोकच़िमी थल्जी झांह ठ्रोह लहज़ातंई दि गप्पो परमेश्वरो गवाह तोह।

1 तीमुथियुस 1:5

दि हुकुम रंड्रीमी गिऊ दि मकसद तोह कि केरे इदि अई दिरंङ साते संङा सेहम ए निर्दोष अंतरआत्मा दंङ निष्कपट विशवासारंङ साते दाह लंहि।

1 तीमुथियुस 2:7

दिए वहज़ा ज़ि रूठे खबरो प्रचार ए प्रेरितो रूपारिंङ ऊईजाति तिंङ विशवास ए सच्चाई ऊ शिक्षा रंड्रीमी थल्जी गेह अंङषी शुगाह, गेह हप्सी माह कुट्रातग, पर हेले कुट्रातग।

1 तीमुथियुस 5:21

गेह परमेश्वर ए यीशु मसीह, दंङ अंङषी स्वर्गदूतातु हाज़िर ञेंए ते, गेह कनिंङ हुकुम रंड्रातग कि केई छिल्ला लहज़ातन, दोरिंङ अरिला मीहू थल्जी पक्षपात मेह कम लोह।