रोमियो 8:9 - लाहौली बाइबिल

⁹ पर अपेहल पवित्र आत्मा केहतु अंदरेग वास लहज़ा, दंङ केरे पापमय स्वाभावो वशारिंङ माह तोहनि, पर आत्माओ वशारिंङ तोतोंई अगर अतिंङ पवित्र आत्मा माह दंङ दू मसीहू मीह माह शुह।

रोमियो 8:9 Iomraidhean Croise

लूको 11:13

अगर केरे मांजी शुहचे केन्दु कटुतिंङ रूठे धिरारे रंड्री ञेंहच़ातंई दंङ केहतु स्वर्गो पिता परमेश्वरे एनोह पेट्रातिंङ पवित्र आत्मा ज़रुर रमतो?”

यहून्नो 14:17

दुह, दुह पवित्र आत्मा शुह, अच़ि परमेश्वरो पाहठी सच्चाई प्रगट लाह, अतिंङ संसारो मीहरे ग्रहण लेह मरपोर, छना कुचे माह दोच़ी दुह खंड्रातोर माह दोबि ञेंहच़ातोर: केहरे दोबि ञेंहच़ातन छना कुचे दुह केतंङ साते बंङज़ा, दंङ दोऊ केतंङ साते पक्‍का नाता शोतो।

यहून्नो 14:23

यीशु ज़ि दोबि जुबाब रेंई, “गेह घेंङा बि झांह ठ्रोह मीहतिंङ कमोग अच़ि गेरंङ साते दाह लहज़ातोर दंङ अच़ि गिऊ शिक्षा ओ भाषे लहज़ातोर। दुह गिऊ पिता परमेश्वरो प्यारे मीह शोतो दंङ हेनर दोऊ कछंङ अंज़े दोरंङ साते बंङज़ोई।”

यहून्नो 3:34

छना कुचे अतिंङ परमेश्वरे च़रति, दोई परमेश्वरो गप्पा लहज़ी: छना कुचे दिह ए दुह ए शुह अतिंङ परमेश्वरे पवित्र आत्मा भरपूरी रंङ साते रांहषी ततो।

यहून्नो 3:6

मीहज़ी एनातु कटुतिंङ जन्म रंड्री। तांला सिर्फ परमेश्वरो आत्मा ए केतिंङ परमेश्वरो कटुतु रूपंङ लेहकि तरपोतो।

प्रेरित 16:7

दंङ दोच़ी मुसिया प्रदेशो कछंङ पिचे, बितुनिया प्रदेशो हखा इबिमी जुन्ज़ातेर; पर यीशु आत्माज़ि दोतिंङ इबी मा रेंई

रोमियो 7:5

छना कुचे अपेहल हेनर हेंदु पापी स्वाभावो वशा रिंङ तोईनी, दंङ पापो हिटी हेंदु अंदरेग कम लहज़ी लेहकी तोहई, दंङ कानूने दि मदम हिटी चेहक्पी लेह च़रति, दंङ मौतो फल पैदा लहज़िमी थल्जी हेंदु फुका रिंङ कम लहज़ाते।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

रोमियो 8:11

दंङ अगर परमेश्वरो आत्मा अच़ि यीशु मसीह बि सिऊ दोरच़ी श्रींङमी लहरी, दोई केहतु सिए फुक ला एनोह आत्मा दोरच़ी अंऊ केहतु अंदरेग बसेगी तोह श्रींङमी लोहतो।

रोमियो 8:2

छना कुचे पवित्र आत्माज़ि केतिंङ दू जीवन रांहषी ततो अंऊ यीशु मसीहू दोरच़ी खोकसिरी दंङ दोई केतिंङ पाप ए मौतो दोरच़ी आज़ाद लहरी।

1 कुरिन्थियों 15:23

पर हर इच्च़ा मीह एनोह बारी ओ हिसाबे सिए दोतु बिचंङ ज़ि श्रींङमी लोहर; मसीह मुण्डो मीह शुह अपि श्रींङमी लहसी शुह, दंङ अपेहल मसीह वापिस अपतो दंङ अंऊ दोरंङ साते पक्‍का नाता तहज़ातोर दोतिंङ यह्च़ा सिए दोतु बिचंङ ज़ि श्रींङमी लोहर।

1 कुरिन्थियों 3:16

केतिंङ पक्‍का पता तोह, कि केरे परमेश्वरो मन्दिर शुई, दंङ परमेश्वरो रांहषी आत्मा केहतु अंदरेग बास लहज़ा।

1 कुरिन्थियों 6:17

दंङ अंऊ प्रभु रंङ जुड़ेके यवा, दोऊ आत्मा ए प्रभु आत्मा इच्च़ा साते जुड़ेके यवा।

1 कुरिन्थियों 6:19

छि केहच़ी माह ञेंच़ातंई आ, कि केहतु फुक मन्दिर शुह अंऊर पवित्र आत्मा बंङज़ा, दंङ पवित्र आत्मा अंऊ केतिंङ परमेश्वरो तरफे खोकसा तोह, अंऊ केहतु अंदरेग बसेकी तोह, दंङ केरे परमेश्वरो शुई।

2 कुरिन्थियों 10:7

केरे धकते कि दिखावट खंड्रातंई, अंऊ टिरो तुईज़ी तोह, अगर अतुआ एनोह टोईच़ी दि विशवास तोह, कि गेह मसीहऊ शुगाह, दंङ दोई दि ला ञेंए च़रतु, कि छना दू मसीहऊ शुह, ध्वांए ञेंरे ला मसीहू शुई।

2 कुरिन्थियों 6:16

परमेश्वरो मन्दिरंङ मुर्तितु थल्जी छल्ले ठहरि माह। छना कुचे हेनर ता श्रींङे परमेश्वरो मन्दिर शुई; छना परमेश्वरे पवित्रशास्त्रा रिंङ च़ेहसी तोह, “गेह दि मीहतंङ साते बंङज़ोग दंङ दोतु बिचंङ ज़ोज़ा लोहग; दंङ गेह दोतु परमेश्वर शोहग, दंङ दोरे गिऊ मीहरे शोर।”

गलातियों 4:6

छना कुचे हेनर परमेश्वरो कटुरे शुई दिऊ थल्जी परमेश्वरे एनोह योह ऊ आत्माबि हेंदु सेहमरिंङ च़रति, अंऊ परमेश्वरा बि “हे अब्बा, ‘हे बाह’ कुचे ते हाऊष रंड्रातंई।”

गलातियों 5:24

अंऊ मीहरे यीशु मसीह रंङ साते संबध तहच़ातेर दोरे एनोह पापी स्वाभावो हिसाबे जीवन माह श्रींङमातोर। दिरे झांह ठ्रोह तोतोर छना कि दोच़ी एनोह पापी स्वाभावा बि क्रूसो टोईच़ी चड़ाएगी केहतोर।

इफिसियों 1:13

अपेहल केहच़ी सच्चाई ओ बचन, केनातु मुक्ति ऊ रूठे खबर, रेड्रीमी थल मसीह रिंङ विशवास लाहतंई दंङ मसीह रंङ साते हेंदु एकता ओ वहज़ा ज़ि, परमेश्वरे हेंदिंङ दू पवित्र आत्मा रांई अपि दोई एनोह मीहतिंङ रंड्रीमी वाईदा लहसी तते। पवित्र आत्मा इच्च़ा निशानो ठ्रोह तोह अंऊ दोई दर्शाएच़ा कि हेनर परमेश्वरो शुई।

इफिसियों 2:22

हे ऊईजाति तु विशवासी रे, छना कुचे केरे मसीह रिंङ इच्च़ा तोतोंई, झांह लेह केतिंङ ला परमेश्वरो ऊई मीहतंङ साते जोड़ेक्च़ातोर। ताकि केरे इच्च़ा झांह ठ्रोह घरबार बणेंके योंई, अंऊर परमेश्वरो आत्मा बंङज़ा।

इफिसियों 3:17

दोऊ टोहकठे विशवासो लहज़िमी दोरच़ी मसीह केहतु अंदरेग हमेशा बसेकी बंङज़ोतो। दंङ गेह प्रार्थना लहज़ातग कि परमेश्वरो दाह रिंङ केरे पक्‍का शुचि,

फिलिपियों 1:19

छना कुचे गेह ञेंच़ातग कि केहतु प्रार्थना ओ दोरच़ी, दंङ यीशु मसीह च़रसी, पवित्र आत्मो मदतो दोरच़ी, गिऊ कैदो दोरच़ी बचाके च़रपोतो

2 तीमुथियुस 1:14

दुह सच्चाई ए रूठे खबरो रखवाली लोह, अंऊ रूठे खबरारंङ साते जुड़ेके तोह, पवित्र आत्मो मदतो दोरच़ी कनिंङ रांहषी ततो, अंऊ हेंदु अन्द्रेग बसेके तोह।

1 पतरस 1:11

मसीहू आत्मा भविष्यवक्ता तु अंदरेग तोह, अंऊ मसीहू दुख ए दू दुख थल खोकच़ा मोह्ड़े दाह ओ पाहठी दोतिंङ तुहई ए कंड्राते। भविष्यवक्ता ज़ि तुहई ए दि ञेंच़िमी कोशिश लहरिर, कि आत्मा दोतिंङ छि कंड्रा, दि भत्ते गप्पा अपेहल शोतो दंङ दि छना पूरे शोतो।

1 यूहन्ना 3:24

दंङ अंऊ परमेश्वरो हुकुम मनेक्च़ा, दुह दोरंङ, दंङ परमेश्वर दोरंङ बड़ेकी बंङज़ा: मतलब दुह पवित्र आत्मा रंङ साते अंऊ दोई हेंदिंङ रांहषी ततो, ञेंहच़ी ञेंच़ातंई कि दुह हेन्दंङ साते बड़ेकी बंङज़ा।

1 यूहन्ना 4:13

दिरंङ ए ञेंहच़ी ञेंच़ातंई, कि हेनर दोरंङ बड़ेकी बंङज़ातंई, दंङ दुह हेन्दंङ; छना कुचे दोई पवित्र आत्मो दोरच़ी हेन्दिंङ रांहषी ततो।

1 यूहन्ना 4:4

हे प्यारे कटुरे, केरे परमेश्वरो शुई, दंङ केहच़ी दुह हप्साड़ भविष्यवक्तातु टोहकठे जय खोकशी केहतंई; छना कुचे पवित्र आत्माओ सामर्थ अंऊ केहतु अन्द्रेग तोह, दुह शेतानो सामर्थ बे मोह्ड़े तोह, अंऊ दि संसारारंङ तोह।

प्रकाशित वाक्य 13:8

धरतीऊ टोईच़ी बंङज़ा भत्ते मीहरे दोऊ पूजा लहज़ी लेहतिर। सिर्फ दुह ए मीहच़ी दोऊ पूजा माह लहरिर अतु मिन संसारो रचना लहज़ी बे तुहई जीवनो कताबारिंङ च़ेहसी तोह। दि जीवनो कताब दुह कुरच़ो कताब शुह अंऊ दोबि बलिदानो रूपारिंङ सच़ी च़रतिर।