रोमियो 8:8 - लाहौली बाइबिल

⁸ दंङ अंऊ पापमय स्वाभावो वशारिंङ तोतोर, दोरे परमेश्वरा बि खुश लेह मरपोर।

रोमियो 8:8 Iomraidhean Croise

मत्ती 3:17

दंङ स्वर्गंङज़ि परमेश्वरो सग अति: “दिह गिऊ प्यारे योह शुह अतंङ साते गेह महस खुश तोतोग।”

यहून्नो 3:3

यीशु ज़ि दोबि जुबाब रेंई, गेह करंङ साते हेले कुट्र्तग, अगर अच़िया खरकोई जन्म माह लेप्ति ता दोई परमेश्वरो राज्यो अनुभव लेह मरपोतो।

यहून्नो 8:29

दंङ गिह्बी च़रच़ा गेरंङ साते तोह; दोई गेह इच्च़ा माकेऊ छना कुचे गेह हमेशा दुहए कम लहज़ातग, अंऊच़ि दुह खुश शवाह।”

रोमियो 1:21

दि बहजाज़ि कि परमेश्वर ञेंए थल ला दोच़ी परमेश्वरो रूपा रिंङ दोबि आदर माह रेंईरे, दंङ माह ए दोऊ धन्यवाद लहरिर, पर दोरे दि भत्ते मुर्खता सोचेक्च़ातोर, देर तचेक कि दोतु मुर्ख विचार भत्ते गलत शुह।

रोमियो 7:5

छना कुचे अपेहल हेनर हेंदु पापी स्वाभावो वशा रिंङ तोईनी, दंङ पापो हिटी हेंदु अंदरेग कम लहज़ी लेहकी तोहई, दंङ कानूने दि मदम हिटी चेहक्पी लेह च़रति, दंङ मौतो फल पैदा लहज़िमी थल्जी हेंदु फुका रिंङ कम लहज़ाते।

रोमियो 8:9

पर अपेहल पवित्र आत्मा केहतु अंदरेग वास लहज़ा, दंङ केरे पापमय स्वाभावो वशारिंङ माह तोहनि, पर आत्माओ वशारिंङ तोतोंई अगर अतिंङ पवित्र आत्मा माह दंङ दू मसीहू मीह माह शुह।

1 कुरिन्थियों 7:32

गिऊ हिटी तोह कि केरे संसारो हिटी ओ दोरच़ी शत्‌ह बंङज़ुंई, कुंवारा गंङमी दि चिंद लहज़ी कि परमेश्वरो सेवा छना लोहग, दुह प्रभु बि खुश लहज़ी जुंज़ा।

फिलिपियों 4:18

गिऊ दोर भत्ते धिर तोद पर महसे बे बढ़कर तोह; अंऊ चीज़ारे केहच़ी इपफ्रुदीतुसो गुह्ट्री दोरच़ी च़रसी तोहई, दुह खोक्शे गेह तृप्त शुहचे इलिगा, दि झांह ठ्रोह तग तोह अंऊ केहच़ी परमेश्वर बि चढ़ाके दंङ अंऊ रूठे वास रंड्रा। अंऊ परमेश्वर ग्रहण लहच़ी दंङ खुश शुहबी।

कुलुस्सियों 1:10

दंङ ञेंहच़ी दि प्रार्थना लहज़ातंई ताकि केहच़ी झांह ठ्रोह जीवन श्रींङमोंई छना प्रभु ज़ि जुंज़ा, दंङ केहच़ी भत्ते पाहठी रंङ साते प्रभु बि खुश लोंहई, कि केरे भत्ते पाहठी रूठे कम लोहवा लंहि, दंङ परमेश्वरा बि ञेंहच़िमी थल्जी लगातार बणेक्पा लंहि,

कुलुस्सियों 3:20

हे कटुरे, भत्ते गप्पारंङ केनातु-केनातु याह बाहऊ हुकुम भाषे लंहि, छना कुचे प्रभु दिरंङ साते खुश शुहबी।

1 थिस्सलुनीकियों 4:1

हे गिऊ प्यारे साथी विशवासी रे, थल मुखंङ ञेंरे प्रभु यीशु मसीहू मिंदंङ केतंङ साते बिनती लहज़ातंई दंङ केतिंङ समझाएक्च़तंई, कि केरे झांह ठ्रोह चाल ज़ोई अंऊ परमेश्वराबि खुश लोहतो। अंऊ गेह केतिंङ सिखाएकातग केरे तुहई बेहच़ी ध्यांए ठ्रोह तोहई, दंङ ञेंरे केतिंङ ध्यांए लहच़िमी थल्जी ऊई ला उत्साहित लोहनि।

इब्रानियों 13:16

केरे भलाई लहच़ी ए इदि-अई दिऊ मदत लहज़िमी थल्जी तेयार बंङज़ुंई, छना कुचे परमेश्वर झांह ठ्रोह बलिदाना रंङ साते खुश शवाह।

1 यूहन्ना 3:22

दंङ छिल्ल धिर हेंज़ी परमेश्वरो दोरच़ी पेट्रातंई, दुह हेन्दिंङ दोऊ दोरच़ी खोकसा, छना कुचे हेनर दोऊ हुकुम मनेक्च़ा तोंई, दंङ अंऊ परमेश्वरा बि रूठे च़ेहसा दुह ए लहज़ातंई।