रोमियो 8:7 - लाहौली बाइबिल

⁷ पापमय स्वाभावो टोईच़ी सेहम लगाईचि ता परमेश्वरारंङ साते बैर लहज़ी शुह, छना कुचे पापमय स्वाभाव माह ता परमेश्वरो कानूनो अधीन तोह, दंङ माह मुसाओ कानून भाषे लेह तरपोतो;

रोमियो 8:7 Iomraidhean Croise

मत्ती 12:34

केहरे बिषज़ड़े ओमड्रो कटुतु ठ्रोह तोतोंई! केरे मांजी शुहचे छना रूठे गप्पा कुट्री तरच़ातंई? छना कुचे छि सेहमरिंङ पिंङषी तोह, दुहए आहरिंङ अपि।

मत्ती 5:19

झांह लेह अच़िला दिह कवचि बे कवचि हुकुमो बिचंङज़ि इच्च़ा लाह माह मनेकपोतो, दंङ ध्वांए मीहतिंङ कंबोतो, दुह स्वर्गो राजंङ भत्तेबे कवचि शोतो; पर अच़िला दुह मनेकपोतो ए कंबोतो, दुऐ स्वर्गो राजंङ मोह्ड़े शोतो।

यहून्नो 7:7

संसारो मीहरे केतंङ साते बैर लेह मरपोर पर दोरे गेरंङ साते बैर लहज़ातोर, छना कुचे गेह दोतु खिलाप दिह गवाही रंड्रातग, कि दोतु कम मांजी तोह।

रोमियो 1:28

दंङ दोच़ी परमेश्वरा बि ञेंच़िमी कोशिश मलाहरिरे दंङ परमेश्वरे ला दोतिंङ दोतु निकम्मे सेहमो टोईच़ी छोड़ेके केहरी दोच़ी अनुचित कम लोहर।

रोमियो 1:30

बदनाम लहज़ा, परमेश्वरो साते घृणा लहज़ा दोरे, ऊईतु अनादर लहज़ा दोरे, घमंड लहज़ा, मोह्ड़े-मोह्ड़े गप्पा कुट्रा, मदम-मदम गप्पा लहज़ा, याह बाहऊ गप्पा मा मनेक्च़ातोर,

रोमियो 3:31

दंङ छि हेंज़ी कानूना बि विशवासो दोरच़ी बेकार बणाके चरच़ातंई? बिल्कुल लाह माह! पर हेनर दू कानून बि साबित लहज़ातंई अंऊ परमेश्वरे मुसाओ दोरच़ी रांहषी तते।

रोमियो 5:10

छना कुईनता बेरी शुहबी दशारिंङ दोऊ मीह सिऊ दोरच़ी हेंदु मेल परमेश्वरो साते शुई, ता यच़ाह मेल शुहचे इबिरंङ साते दोऊ जीवन कारणे हेंज़ी उद्धार छना मा खोकपोंई?

रोमियो 7:22

छना कुचे गेह घेंङौ सेहमे ता परमेश्वरो कानूनो दोरच़ी महस खुश बंङज़ातग।

रोमियो 8:4

झांह लेह कि कानूनो विधि हेंदिंङ अंऊ पापमय स्वाभावो हिसाबे माह पर पवित्र आत्माओ हिसाबे जोज़ातंई, पूरे लेह जूंस।

1 कुरिन्थियों 2:14

पर फुको मीह परमेश्वरो आत्माओ सच्चाई ग्रहण माह लहज़ा, छना कुचे दोऊ नज़रा रिंङ मूर्खताओ गप्पो तोह इच्च़ा मीह पवित्र आत्माओ सिखासी गप्पो जांच परख लेह तरच़ा, अपेहल दोऊ अन्द्रेग परमेश्वरो पवित्र आत्मा बंङज़ा।

1 कुरिन्थियों 9:21

ठीक ध्वांए, ऊई जाति तंङ साते तोहई, दंङ दोतु ठ्रोह जीवन श्रींङज़ि लेहती, ताकि दोतिंङ ला प्रभु यीशु मसीह रिंङ रैंज़ा हपोग अंऊ कानूनो अधीन ए तोतोग।

कुलुस्सियों 1:21

दिबे तुहई केरे परमेश्वरे बे ऊई तार तोहनि। केरे परमेश्वरो बैरी तोईनी छना कुचे केहतु विचार ए केहतु कम मांजी तोहई।

कुलुस्सियों 2:18

अरिला मीह हप्सी दीनता ए स्वर्गदूता तु पूजा लहज़ा केतिंङ ज़रको ईनामो दोरच़ी वंचित लेह माह जूंस, झांह ठ्रोह मीह दर्शनो गप्पारिंङ लेहकी बंङज़ा पर दिह भत्ते बकवास तोह छना कुचे दोतु सेहम मतलबी हिटी रंङ साते पिंङषा तोह।

2 तीमुथियुस 3:4

विशवासघाती, ढीठ, घमण्डी, या परमेश्वरा रंङ साते दाह माह लहज़ार पर भोगविलास जुंज़ा शोरे।

इब्रानियों 8:10

यह्च़ा प्रभु ज़ि कुट्रा, कि अंऊ खरकोई वाईदा दू मुक्का अपेहल गेह अपोग दोहपल इस्राएलो मीहतंङ साते लोहग। दू दि तोह कि, गेह दोतिंङ घेंङौ कानूनो पाहठी सोच़ेक्सी लोहग, दंङ दोरे दोबि एनोह सेहम तोहर अतु दोच़ी अराधना लोहर।

याकूब 4:4

हे विशवास घाती रे, छि केहच़ी दि माह ञेंच़ातंई आ कि संसार रंङ साते मित्रता लहच़ी परमेश्वरारंङ साते बैर लहज़ी शुह? झांह लेह अंऊ संसारो मित्रता रिंङ शोतो, दोई एनाबि परमेश्वरो बैरी बणाके चरच़तो।

2 पतरस 2:14

दोरे हर इच्च़ा मेच़िमी रंङ साते कुकम लेह जुंज़ातोर, अतिंङ दोच़ी खंड्रातोर। दोरे पाप लहज़िमी मुक्का अपेहल ला माह छोड़ेक्च़ातोर। दोरे दुह मीहतिंङ धोखा रंड्रातोर अंऊ मसीहू टोईच़ी पक्‍का रंङ विशवास माह लहज़ातोर, दंङ दोरे दोतिंङ पापो हखा रैंज़ा शिलज़ातोर। दोतु महस बे महस चीज़ारे खोकच़िमी थल्जी हमेशा बढेक्च़ा लालचो वहज़ा ज़ि परमेश्वर दोतिंङ सज़ा रमतो।