रोमियो 8:5 - लाहौली बाइबिल

⁵ छना कुचे अंऊ मीहरे पापो स्वाभावो दोरच़ी वशारिंङ शवाहतोर दोरे पापो गप्पो पाहठी सोचेक्च़ातोर, पर अंऊ दोरे पवित्र आत्माओ वशारिंङ शवाहतोर दोरे दू गप्पो पाहठी सोचेक्च़ातोर अंऊ आत्माबि खुश लहज़ा।

रोमियो 8:5 Iomraidhean Croise

मरकुसो 8:33

दंङ दोई यहचा एनोह चेला तु हखा खंणी, “दोई पतरसबि रैहच़ी कुतोह, केई गिह्बी शेतानो ठ्रोह परखेकच़ी बंद लोह, गिऊ दोरच़ी ऊईतार शुहचे इल; छना कुचे कनु विचार मीहू दोरच़ी तोतोर परमेश्वरो दोरच़ी माह।”

यहून्नो 3:6

मीहज़ी एनातु कटुतिंङ जन्म रंड्री। तांला सिर्फ परमेश्वरो आत्मा ए केतिंङ परमेश्वरो कटुतु रूपंङ लेहकि तरपोतो।

रोमियो 8:9

पर अपेहल पवित्र आत्मा केहतु अंदरेग वास लहज़ा, दंङ केरे पापमय स्वाभावो वशारिंङ माह तोहनि, पर आत्माओ वशारिंङ तोतोंई अगर अतिंङ पवित्र आत्मा माह दंङ दू मसीहू मीह माह शुह।

1 कुरिन्थियों 15:48

आदमो खानदान ला दु ए ठ्रोह श्रोह ए बणेंके तोतोर, छना दुह तोहई। पर दोरे मीहरे अंऊ स्वर्गो मीहू मतलब यीशु मसीहू टोईच़ी विशवास लहज़ातोर, दोरे ला दोऊ ठ्रोह तोतोर।

1 कुरिन्थियों 2:14

पर फुको मीह परमेश्वरो आत्माओ सच्चाई ग्रहण माह लहज़ा, छना कुचे दोऊ नज़रा रिंङ मूर्खताओ गप्पो तोह इच्च़ा मीह पवित्र आत्माओ सिखासी गप्पो जांच परख लेह तरच़ा, अपेहल दोऊ अन्द्रेग परमेश्वरो पवित्र आत्मा बंङज़ा।

2 कुरिन्थियों 10:3

छना कुचे अगर हेनर दि संसारारिंङ बंङज़ातंई, तांला हेनर हेंदु बैरी तंङ ध्वांए ठ्रोह तेंङज़ातंई माह छना दि संसारो मीहरे तेंङज़ातोर।

गलातियों 5:17

छना कुचे हेंदु फुको हिटी पवित्र आत्माओ खिलाप तोह, दंङ ध्वांए पवित्र आत्मा पापमय फुको हिटी ऊ खिलाप तोहई, छना कुचे दि झुल्ला इदि-अई दिऊ बैरी तोतोर। झांह लेह केरे हमेशा रूठे कम लेह मरपातंई अंऊ केहच़ी लेह जुंज़ातंई।

इफिसियों 5:9

छना कुचे अगर अरिया मीह छंङीरिंङ तोह ता, दंङ दोऊ चाल-चलन रूठे ए धर्मिक शुहबी दंङ दोऊ टोहकठे भरोसा लेह तरच़ी।

2 पतरस 2:10

परमेश्वर दुह हप्सी उपदेश का तिंङ पक्‍का सज़ा रमतो अंऊ एनोह मदम हिटी ओ दोरच़ी कम लहज़ातोर दंङ अंऊ एनोह टोईच़ी परमेश्वरो अधिकार बि इन्कार लहज़ातोर, दोरे ढीठ ए घमण्डी तोतोर। दोरे महिमामय स्वर्गीय जीवा तु पाहठी बुराई लहज़िमी रंङ साते माह बेवातोर।