रोमियो 8:4 - लाहौली बाइबिल

⁴ झांह लेह कि कानूनो विधि हेंदिंङ अंऊ पापमय स्वाभावो हिसाबे माह पर पवित्र आत्माओ हिसाबे जोज़ातंई, पूरे लेह जूंस।

रोमियो 8:4 Iomraidhean Croise

लूको 1:6

जकर्याह ए एलीशिबा झुड्ला परमेश्वरो तुईज़ी धर्मी तोईरे, दंङ दोरे प्रभुऊ भत्ते आज्ञाओ ए कानूनो टोईच़ी निर्दोष ज़ोज़ा तोईरे।

रोमियो 2:26

झांह लेह अगर अरिया खतना मेह मीह मुसाओ कानूनो हुकुमो भाषे लहज़ा, दंङ परमेश्वर झांह ठ्रोह मीहबी दुह मीहू ठ्रोह खंड्रा अतु खतना शुहचे तोह।

रोमियो 3:31

दंङ छि हेंज़ी कानूना बि विशवासो दोरच़ी बेकार बणाके चरच़ातंई? बिल्कुल लाह माह! पर हेनर दू कानून बि साबित लहज़ातंई अंऊ परमेश्वरे मुसाओ दोरच़ी रांहषी तते।

2 कुरिन्थियों 10:2

गेह दि बिनती लहज़ातग, कि रें मीहच़ी कुहषी तातोर कि ञेंरे दि संसारो मीहतु ठ्रोह कम लहज़ातंई। झांह लेह अपेहल गेह अपोग दंङ गिह्बी उम्मीद तोह कि गिह्बी दोतंङ साते डगडग शुहचे लेह्पोतो। गेह पक्‍का शुहचे निवेदन लहज़ातग कि अपेहल गेह अपोग दंङ गिह्बी केतंङ साते झांह ठ्रोह व्यवहार लहज़ी जूंशी माह।

2 कुरिन्थियों 10:3

छना कुचे अगर हेनर दि संसारारिंङ बंङज़ातंई, तांला हेनर हेंदु बैरी तंङ ध्वांए ठ्रोह तेंङज़ातंई माह छना दि संसारो मीहरे तेंङज़ातोर।

गलातियों 5:16

गेह केतंङ साते कुट्रातग, कि केतिंङ पवित्र आत्माओ अगुवाई हिसाबे श्रींङमी बि ज़रूरत तोह। ताकि केरे पापमय फुको हिटी पूरा लेह मरपोंई।

कुलुस्सियों 1:22

पर परमेश्वरे हेंतेग एनोह योह बि मीह बणाके दंङ दोऊ क्रूसो टोहकठे सिमी दोरच़ी केहतु ला मेल लहच़ी च़रति ताकि केतिंङ एनोह तुईज़ी पवित्र ए निष्कलंक, दंङ निर्दोष लहज़ा हाज़िर लोहतो।

इब्रानियों 12:23

केरे परमेश्वरो जेठे दोतु सभा रिंङ अंज़े शुई, अंऊ दोतु मिन स्वर्गारिंङ च़ेहसी तोह। केरे केनर परमेश्वरो कछंङ अंज़े शुई, अंऊ भत्ते मीहतु न्याय लहज़ा। केरे स्वर्गंङ धर्मी मीहतु आत्माओ कछंङ अच़ा अंज़े तोतोंई अंऊ दोतिंङ हेंतेग सिद्ध बणाके केहषी तोह।

1 यूहन्ना 3:2

हे गिऊ प्यारे साथी विशवासी रे, हेंतेग हेनर परमेश्वरो कटुरे शुहचे तोनि, दंङ हेंतेग तचेक दिह प्रगट शुहचे माह कि हेनर छना शोंई! ञेंहच़ी दिह ञेंच़ातंई कि अपेहल यीशु मसीह प्रगट शोतो ता हेनर लाह दोऊ ठ्रोह शुहचे योंई, छना कुचे हेंज़ी दुह ध्वांए ए खमोंई छना दुह तोह।

यहूदा 1:24

इच्च़ा परमेश्वर ए तोह अंऊ केतिंङ दह्पिमी दोरच़ी बचाएपोतो, दंङ केतिंङ निर्दोष ए खुश लोहतो, अपेहल दोई केतिंङ एनोह महिमा ओ थल्जी एनोह तुईज़ी खड़े लहज़ा। दोई हेंदिंङ हेंदु प्रभु यीशु मसीहू दोरच़ी बचाके चरच़तो। महिमा, गौरव, सामर्थ ए अधिकार टेमो शुरूआत बेहच़ी दोऊ तोईरे, हेंतेग ला दोऊ तोतोर, दंङ हमेशा ओ थल्जी दोऊ ए गुह्ट्र बंङज़ोर। अमीन।

प्रकाशित वाक्य 14:5

दोच़ी अपेहल ला हप्सी माह कुईर। दोतु अंदरेग छल्ले गलती माह।