रोमियो 8:3 - लाहौली बाइबिल

³ छना कुचे अंऊ कम, मुसाओ कानून पापो स्वाभावो दोरच़ी कमज़ोर शुहचे लेह मरति, दोबि परमेश्वरे लहरी। दोई पापो प्रायश्चितो थल्जी एनोह योह बि ए पापी मीहू ठ्रोह पापो बलि ऊ थल्जी च़चे च़रति, झांह ठ्रोह परमेश्वरे पाप मय फुकारिंङ ए पापो सामर्थ थाक्शे च़रति।

रोमियो 8:3 Iomraidhean Croise

मरकुसो 15:27

दोच़ी दोहरंङ साते झुह्ट डाकू रेह इच्च़ा सुचंङ हासी इच्च़ा फुचंङ हासी क्रूसो टोईच़ी केरिरे।

यहून्नो 1:14

दंङ बचन इच्च़ा मीहू रुपंङ अति; दंङ मोह्ड़े दाह ए सच्चाईरङ परिपूर्ण शुहचे हेंदु बिचंङ डेरा लहरी, दंङ हेंज़ी दोऊ धिंङघा महिमा खंणी छना पिता (परमेश्वरो) इच्च़ा योह।

यहून्नो 9:24

दंङ यहुदी सेंहणा ज़ि दुह मीह अरी कांणे तोहई यह्च़ा बुलाके दोऊ हखा कुईर, “परमेश्वरो तुईज़ी वाईदा लोहू कि केई हेले कोहन; ञेंतिंङ ता पता तोह कि दुह मीह पापी शुह।”

प्रेरित 13:39

अच़िला मीह दोऊ टोईच़ी विशवास लहज़ा परमेश्वरा रंङ साते निर्दोष ठहरेसोतो, झांह ठ्रोह अंऊ मूसा ओ कानूनो अपेहल ला लेह मरपोतो।

रोमियो 3:20

कानूनो भाषे लहज़ी रंङ अरिला मीह परमेश्वरो तुईज़ी धर्मी माह शुहबी, छना कुचे मुसाओ कानूनो दोरच़ी हेंज़ी सिर्फ रूठे रंङ ञेंए तरपोंई कि ञेंहच़ी पाप लाहतंई।

रोमियो 6:6

ञेंहच़ी ञेंहच़ातोंई कि ञेंहतु युई पापो स्वाभाव यीशु मसीह रंङ साते क्रूसो टोईच़ी चढ़ाके च़रतिर ताकि हेंदु फुका रिंङ पापो स्वाभाव नाश शुहचे योतो, दंङ हेनर तुंखा पापो गुलामीरिंङ माह बंङज़ोंई।

रोमियो 7:18

छना कुचे गेह ञेंच़ातग, कि गिऊ पाप रूपी मीहतु स्वाभावा रिंङ छल्ले रूठे चीज़ वास माह लहज़ा। रूठे कम लहज़िमी हिटी ता गिह्बी तोह, पर दोतिंङ गेह लेह माहरच़ातग।

रोमियो 8:32

परमेश्वरे एनोह योह एनोह थल्जी माह, पर दोबि हेंदु थल्जी एनोह बैरीतु हवाले लेह च़रति, दोई हेंदिंङ दू भत्ते धिर रमोतो अतिंङ दोई हेंदिंङ रंड्रीमी वाईदा लहसी ततो।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

गलातियों 3:13

मसीह हेंदु थल्जी क्रूसो टोईच़ी सिए इलि दंङ दोई शाप एनोह टोहकठे कुरच़े हेंदिंङ मूसा ओ कानूनो शापो दोरच़ी मुक्त लेह च़रति। छना कुचे पवित्र शास्त्रारिंङ दि च़ेहसी तोह कि “शापित तोह दू अंऊ क्रूसो टोहकठे सच़ी चरच़ातोर।”

गलातियों 3:21

दंङ छि दिऊ मतलब दि तोह कि मूसा कानून परमेश्वरो वाईदाओ खिलाप तोह? माह! बिल्कुल ला माह! छना कुचे झांह ठ्रोह कानून अंऊ जीवन रें तरपोर, दंङ मूसा ओ कानूनो भाषे लहज़िमी रंङ साते अनंत जीवन खोकच़ी तरपोंई।

फिलिपियों 2:7

पर एनोह भत्ते धिर प्रभु अधिकार छोड़ेके च़रति, दंङ दास रूप धारण लेह केहरी, दंङ इच्च़ा मीह बणेंके इलि।

इब्रानियों 10:12

पर हेंदु यहुदी पुरोहित यीशु मसीह ज़ि हेंदु पापो माफी ओ थल्जी एनाबि हमेशा ओ थल्जी सिर्फ इच्च़ा बलिदानो रूपारिंङ चढ़ाके च़रति। दंङ हेंतेग दू बाह परमेश्वरो सुचंङ हासी सिहासनो टोहकठे इज्ज़तदार ठाहरीरिंङ बंङज़ा इलजी तोह।

इब्रानियों 2:14

छना कुचे अपि परमेश्वरे कटुरे कुह्चे बुलाएक्तो, दोतु इच्च़ा मीहू फुक तोहई। यीशु एनाह ए हेंदु ठ्रोह मीहू रूप धारण लहरी ताकि दोऊ मौतो दोरच़ी मौतो टोईच़ी अधिकार तहच़ा शेताना बि नाश लोहतो।

इब्रानियों 2:17

झांह लेह यीशु थल्जी दि जूंशी तोहई, कि हेंदु ठ्रोह भत्ते गप्पा रिंङ बणेंके योतो, ताकि दुह परमेश्वरो तुईज़ी हेंदु दयालु ए विशवासो जोगे यहुदी महापुरोहित बणेक्पोतो। दोहपल दोई झांह ठ्रोह बलिदान चढ़ाके तरपोतो, अंऊ दोरच़ी मीहतु पाप श्ताह शुचि इबि।

इब्रानियों 4:15

दि यहुदी महापुरोहित, अंऊ यीशु मसीह तोह, हेंदु हर इच्च़ा कमज़ोरी ञेंहच़ा। यीशु ज़ि हेंदु ठ्रोह भत्ते पाहठी परीक्षा ओ सामना लहरी, पर दोई छल्ले पाप माह लहरी।

1 पतरस 2:24

अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।