रोमियो 8:2 - लाहौली बाइबिल

² छना कुचे पवित्र आत्माज़ि केतिंङ दू जीवन रांहषी ततो अंऊ यीशु मसीहू दोरच़ी खोकसिरी दंङ दोई केतिंङ पाप ए मौतो दोरच़ी आज़ाद लहरी।

रोमियो 8:2 Iomraidhean Croise

यहून्नो 4:10

यीशु ज़ि दोबि जुबाब रेंई, “केई माह ञेंहच़ातन कि परमेश्वरे कनिंङ छि रंड्री ततो, दंङ केई माह ञेंहच़ातन कि अरी कांह दोरच़ी ती पेट्री लेहकी तोह। अगर कनिंङ पता शुंईयां ता केई गिऊ दोरच़ी दिह पेट्री तोहई दंङ गेह कनिंङ जीवनो ती रेंईयां अच़ि जीवन रंड्री।”

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

यहून्नो 6:63

आत्मा ता जीवन रड्रा शुह, शरीरो दोरच़ी छले फायदा माह। अंऊ गप्पा गेह केतंङ साते कुट्रातग दुह आत्मा शुह, दंङ जीवन ला शुह।

यहून्नो 8:32

केहरे सच्चाई ञेंहपोन दंङ सच्चाई केतिंङ आज़ाद लोहतो।”

यहून्नो 8:36

अगर गेह परमेश्वरो योह केतिंङ आज़ाद लोहग ता केहरे हेले ए आज़ाद शुहचे योंई।

रोमियो 16:3

रिंङ प्रिस्किल्ला ए दोऊ गगसा अक्किला अंऊ यीशु मसीह रिंङ गिऊ साथी तोतोर, दोतिंङ गिऊ नमस्कार।

रोमियो 3:27

दंङ, छि झांह ठ्रोह चीज़ तोह कि अतु पाहठी हेंज़ी घमंड लेह तरपोंई? दोऊ थल्जी छल्ले जगह माह। अंऊ मुसाओ कानूनो वहज़ा ज़ि? दि दिऊ थल्जी तोह छना कुचे हेनर कानून भाषे लहज़ातंई? माह, पर यीशु मसीहू टोहकठे विशवास लहज़िमी वहज़ा रंङ तोह।

रोमियो 5:21

कि छना भत्ते मीहच़ी पाप लाहतेर दंङ दोरे भत्ते सिए इलिर, ध्वांए ए हेंदु प्रभु यीशु मसीहू दोरच़ी मोह्ड़े दाह ला धर्मी बणाएपोतो दंङ दोतिंङ अनंत जीवन रमतो।

रोमियो 6:14

दंङ केहतु टोईच़ी पापो वश माह शोतो, छना कुचे केरे मुसाओ कानूनो अधीन माह तोंहि पर परमेश्वरो मोह्ड़े दाह ओ अधीन ए श्रींङमातंई।

रोमियो 6:18

परमेश्वरे केरे पापो वशो दोरच़ी छुड़ाके च़रति झांह लेह केरे परमेश्वरो दास शुहचे इलि ताकि केहच़ी दुह ए लंहि अंऊ सही तोह।

रोमियो 6:22

दंङ एंतेग पापो दोरच़ी आज़ाद शुहचे परमेश्वरो दास शुहचे केरे दू कम लहज़ातंई अंऊ पवित्रता ओ हखा रैंज़ा शिलज़ा, दंङ दोऊ अंत अनंत जीवन तोह।

रोमियो 7:21

झांह लेह, गिऊ तज़ुर्बा दि तोह कि अपेहल गेह रूठे लहज़िमी हिटी लहज़ातग, दंङ बुराई ए शुहचे यवात।

रोमियो 7:23

पर गिह्बी घेंङौ फुको अंङ रिंङ ऊई पाहठी नियम तंङफातोर, अंऊ गिऊ बुद्धि ऊ नियम रंङ साते झगड़ा लहज़ातोर, दंङ दोच़ी गिह्बी दू पापो गुलाम लेह चरच़ातोर अंऊ एंतेग ला गिऊ अंदरेग तोह।

रोमियो 7:4

ध्वांए ए गिऊ न्वारे, अपेहल केरे मसीह रंङ सिए इलजी तोतोंई, दंङ केरे मुसाओ कानूनो अधिकारो थल्जी ला सिए इलजी तोंई। एंतेग केरे मसीहू शुंई अंऊ सिमी दोरच़ी श्रींङे इलि ताकि केरे परमेश्वरो थल्जी फल हचि तरपोंई।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

1 कुरिन्थियों 15:45

पवित्रशास्त्रा रिंङ दि ला च़ेहसी तोह कि, “दि धरतीऊ मुण्डो मीह, मतलब आदम, श्रींङे प्राणी बणेंके इलि,” दंङ थल मुखो आदम, अंऊ कि मसीह शुह, दि दुह ए शुह अच़ि अनंत जीवन रंड्रा।

2 कुरिन्थियों 3:17

प्रभु ता आत्मा तोह; दंङ अंऊर ला प्रभु आत्मा तोह दोर्तिंङ कानूनो आज़ादी तोह।

2 कुरिन्थियों 3:6

अच़ि हेंदिंङ खरकोई वाईदाऊ सेवक शुहबिमी जोगे, बणाकतो। दि मूसा ओ च़ेहसी कानून माह शुह बल्कि पवित्र आत्माओ वाईदा शुह, छना कुचे मूसा ओ नियम ओ भाषे माह लहज़िमी परिणाम मौत तोह, पर पवित्र आत्माज़ि अनंत जीवन रंड्री।

गलातियों 2:19

अपेहल गेह कानूनो भाषे लहज़िमी कोशिश लहरिगा, दंङ कानूने गेह दोषी ठहरागी च़रति। दिऊ थल्जी ञेंई कि कानूनो थल्जी गेह सिए इलिगा ताकि गेह परमेश्वरो थल्जी श्रींङी बंङज़ोग।

गलातियों 5:1

मसीह ज़ि हेंदिंङ मूसाओ कानूनो भाषे लहज़िमी दोरच़ी आज़ाद लेह च़रति, ताकि ञेंरे यह्च़ा अपेहला दुह कानूनो गुलाम माह बणेक्पोंई। झांह लेह केनातु आज़ादी रिंङ अटल बंङज़ुंई दंङ केनातिंङ यह्च़ा। गुलाम थाह बड़ेक्तुंई।

गलातियों 6:2

अपेहल हेंदु बिचंङ अरिया मुसीबता रिंङ शोतो ता, दंङ हेंदिंङ इदि-अई दिऊ मदत लेह जूंशी तोह, दंङ झांह लेह हेनर मसीहू कानूनो भाषे लहज़ातंई।

याकूब 1:25

दुह मीह अंऊ परमेश्वरो सिद्ध कानूनो ध्याना रंङ साते अध्धयन लहज़ा अच़ि मीहतिंङ पापो दोरच़ी मुक्त लहज़ा, दोई एनोह कमरिंङ झांह लेह आशीष खोकपोतो कि रेड्राते माह पेहषा, पर ध्वांए ए कम लहज़ा।

प्रकाशित वाक्य 11:11

पर साढ़े षुमु ध्याड़ो थल परमेश्वरे दोतु अंदरेग एनोह सग केहच़ी च़रति दंङ दोरे श्रींङे इलिर; दंङ दोरे एनोह कोंज़ो भारे खड़े शुहचे इलिर, दुह भत्ते ज़ि अंऊ दोच़ी खंणीर कि दोरे हेंतेग यह्च़ा श्रींङे तोईरे, महस बेबा इलिर।

प्रकाशित वाक्य 22:1

दोहथर स्वर्गदूते गिह्बी इच्च़ा बेंडी कंड्रिरी अंऊ दोरिंङ जीवनो ती तोहई। ती साफ अरशीहू ठ्रोह चमकेक्पाते। दि बेंडी परमेश्वर ए कुरच़ो सिंहासनो दोरच़ी हुंच़ाते।