रोमियो 8:13 - लाहौली बाइबिल

¹³ छना कुचे अगर केरे पापमय स्वाभावो ठ्रोह ध्याड़ा च़रपोंई, दंङ हेले सिए योंई, अगर पवित्र आत्माओ सामर्थे पापमय कम सच़ी च़रपोंई, दंङ केरे श्रींङे बंङज़ोंई।

रोमियो 8:13 Iomraidhean Croise

रोमियो 6:21

दंङ केनातु भत्ते जीवनो दोरच़ी केतिंङ छि फायदा शुई? केरे दोऊ वहज़ा ज़ि सिर्फ शर्मिन्दा शवातंई। छना कुचे दू कमो नतीज़ा मौत तोह।

रोमियो 6:23

छना कुचे पापो नतीज़ा ता मौत तोह, पर अंऊ वरदान परमेश्वर हेंदिंङ रंड्रा, दू ता अनंत जीवन तोह अंऊ हेंदु प्रभु मसीह यीशुरिंङ खोकसा।

रोमियो 7:5

छना कुचे अपेहल हेनर हेंदु पापी स्वाभावो वशा रिंङ तोईनी, दंङ पापो हिटी हेंदु अंदरेग कम लहज़ी लेहकी तोहई, दंङ कानूने दि मदम हिटी चेहक्पी लेह च़रति, दंङ मौतो फल पैदा लहज़िमी थल्जी हेंदु फुका रिंङ कम लहज़ाते।

रोमियो 8:12

दंङ हे गिऊ प्यारे साथी विशवासी रे, हेंदिंङ हुकुम भाषे लेह जूंशी तोह, पर हेंदु पापमय स्वाभाव माह जुंज़ा कि हेनर झांह लोंहई।

1 कुरिन्थियों 9:27

गेह घेंङौ फुका बि काबू लहज़ातग ताकि गेह घेंङौ मदम हिटी काबू लेह तरपोग, कि झांह शुहबी मेस कि अंऊ गेह ऊईतंङ रूठे खबरो प्रचार लहज़ातग, गेह घेंङौ इनाम माह खोकपोग।

गलातियों 5:24

अंऊ मीहरे यीशु मसीह रंङ साते संबध तहच़ातेर दोरे एनोह पापी स्वाभावो हिसाबे जीवन माह श्रींङमातोर। दिरे झांह ठ्रोह तोतोर छना कि दोच़ी एनोह पापी स्वाभावा बि क्रूसो टोईच़ी चड़ाएगी केहतोर।

गलातियों 6:8

छना कुचे अंऊ मीह दू ए लहज़ा अंऊ दोऊ पापी स्वाभाव जुंज़ा, दंङ दोई खमतो कि दि दोऊ थल्जी मौत रेंज़ा हपतो। पर अंऊ मीह परमेश्वरो आत्माओ हिटी पूरा लहज़ा दोई खमतो कि आत्मा दोबि अनंत जीवन रमतो।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

इफिसियों 4:30

केनातु कमो दोरच़ी पवित्र आत्माबि दुखी थालंही, अंऊ केहतु छुटकारो थल्जी बयाना ओ रूपारिंङ रांहषी तोह।

इफिसियों 5:18

सरो नशारिंङ मस्त शुहचे केनातिंङ नाश थालंही, छना कुचे दिरिंङ मीहरे एनोह सुधबुधो दोरच़ी धकतेखा शुचे यवाह। बल्कि पवित्र आत्माबि केतिंङ एनोह सामर्थे पिंङड्री रांई।

तीतुस 2:12

दि मोह्ड़े दाह ओ दोरच़ी परमेश्वर हेंदिंङ हुकुम रंड्रा, कि हेनर ध्वांए ठ्रोह व्यवहार लेह बन्द लेह च़रपोंई, अंऊ दोबि खुश माह लहज़ा, दंङ दुह चीज़ा तु लालच लेह बंद लंहि अतु हिटी अविशवासी ज़ि तहच़ातेर, दंङ अपेहल हेनर हेंतेग दि धरतीऊ टोहकठे ए तोतोंई दंङ बुद्धिमानी ए धर्मिकता रंङ दि तरीका रंङ साते कम लंहि कि अंऊ परमेश्वराबि खुश लहज़ा।

1 पतरस 1:22

छना कुचे हेले ओ भाषे लहज़िमी रंङ साते केतिंङ पापो दोरच़ी शुद्ध लेह चरच़ातंई, हेंतेग केतिंङ केनातु साथी विशवासी तंङ निष्कपट दाह लेह जूंशी तोह। इदि-अई दिरंङ साते महसे ए भत्ते सेहमे दाह लेह जारी तंही।

1 पतरस 2:11

हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।