रोमियो 8:11 - लाहौली बाइबिल

¹¹ दंङ अगर परमेश्वरो आत्मा अच़ि यीशु मसीह बि सिऊ दोरच़ी श्रींङमी लहरी, दोई केहतु सिए फुक ला एनोह आत्मा दोरच़ी अंऊ केहतु अंदरेग बसेगी तोह श्रींङमी लोहतो।

रोमियो 8:11 Iomraidhean Croise

यहून्नो 14:17

दुह, दुह पवित्र आत्मा शुह, अच़ि परमेश्वरो पाहठी सच्चाई प्रगट लाह, अतिंङ संसारो मीहरे ग्रहण लेह मरपोर, छना कुचे माह दोच़ी दुह खंड्रातोर माह दोबि ञेंहच़ातोर: केहरे दोबि ञेंहच़ातन छना कुचे दुह केतंङ साते बंङज़ा, दंङ दोऊ केतंङ साते पक्‍का नाता शोतो।

यहून्नो 5:21

छना पिता परमेश्वर सीए मीहतिंङ षीङे ला, ध्वांए गेह ला अतिंङ जुंज़ातग दोतिंङ षीङमी लहज़ातग।

प्रेरित 2:24

पर परमेश्वरे दोबि मौतो टोईच़ि यच़ाह श्रींङमी लहरी; छना कुचे झांह शुहबी माह तोहई कि दुह सिमी वशारिंङ बंङज़ोतो।

रोमियो 16:10

अपिल्लेस बि परखेक्च़िमी थल ला अतु विशवास मसीहरिंङ लगातार बणेंके इलि, दोबि गिऊ नमस्कार। अरिस्तुबुलुस ए दोऊ टबरातिंङ गिऊ नमस्कार।

रोमियो 16:3

रिंङ प्रिस्किल्ला ए दोऊ गगसा अक्किला अंऊ यीशु मसीह रिंङ गिऊ साथी तोतोर, दोतिंङ गिऊ नमस्कार।

रोमियो 16:7

न्वा अन्द्रुनीकुस ए रिंङ यूनियासा बि छना गेह यहुदी तोतोग, ध्वांए दोरे ला तोतोर, दंङ गेरंङ साते जेलारिंङ तोईरे, दंङ प्रेरित दोतिंङ रूठे रंङ ञेंहच़ातोर, दंङ गिहबे ला तुहई मसीहू शिष्य बणेक्तिर दोतिंङ ला गिऊ नमस्कार।

रोमियो 16:9

उरबानुसा बि, अंऊ मसीहरिंङ गिऊ साथी तोह, दंङ गिऊ प्यारे इस्तखुसबि ला गिऊ नमस्कार।

रोमियो 6:12

झांह लेह पापमय हिटी केनातु जीवनारिंङ राज लेह थारोंऊ, केहच़ी केनातु पापमय हिटी ऊ हिसाबे कम थालंही।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

रोमियो 8:12

दंङ हे गिऊ प्यारे साथी विशवासी रे, हेंदिंङ हुकुम भाषे लेह जूंशी तोह, पर हेंदु पापमय स्वाभाव माह जुंज़ा कि हेनर झांह लोंहई।

रोमियो 8:2

छना कुचे पवित्र आत्माज़ि केतिंङ दू जीवन रांहषी ततो अंऊ यीशु मसीहू दोरच़ी खोकसिरी दंङ दोई केतिंङ पाप ए मौतो दोरच़ी आज़ाद लहरी।

रोमियो 8:9

पर अपेहल पवित्र आत्मा केहतु अंदरेग वास लहज़ा, दंङ केरे पापमय स्वाभावो वशारिंङ माह तोहनि, पर आत्माओ वशारिंङ तोतोंई अगर अतिंङ पवित्र आत्मा माह दंङ दू मसीहू मीह माह शुह।

1 कुरिन्थियों 15:16

गेह यह्च़ा कुट्रातग, अगर अरिला सिए दोतु बिचंङ ज़ि श्रींङी माह दंङ मसीह बि ला श्रींङमी लहसी माह शुह।

1 कुरिन्थियों 6:14

दिऊ अलावा, हेंदु फुक ज़रूरी तोह, छना कुचे छना ठ्रोह प्रभु यीशु बि सिमी दोरच़ी श्रींङमी लहज़िमी थल्जी एनोह शाक्ति ओ इस्तेमाल लहरी, ध्वांए हेंदिंङ ला सिमी दोरच़ी श्रींङमी लोहतो।

2 कुरिन्थियों 4:11

झांह लेह हेनर श्रींङे बंङज़ा यीशु मसीहू दोरच़ी लगातार सच़ी केट्रिमी खतरा रिंङ बंङज़ातंई, अंऊ दोरच़ी यीशु मसीहू जीवन हेंदु नाश शुहच़ा फुकारिंङ प्रगट शोतो।

2 कुरिन्थियों 4:14

छना कुचे हेंज़ी ञेंच़ातंई, कि अच़ि प्रभु यीशु बि सिऊ दोतु बिचंङ ज़ि श्रींङमी लहरी, दोई ए हेंदिंङ ला यीशु मसीह रंङ साते श्रींङमी लोहतो, दंङ परमेश्वरो तुईज़ी खड़े शुहबिमी थल्जी हेंदिंङ केतंङ साते रैंज़ा हपतो।

2 कुरिन्थियों 5:4

हेले दि तोह कि दि तम्बू रिंङ बंङज़ा मुक्का हेनर कुरतु साते तेपचा क्रिम्बातंई, छना कुचे हेनर दि संसारिक फुक छोड़ेके माहरच़ातंई पर हेंज़ी जुंज़ातंई कि परमेश्वर हेंदिंङ स्वर्गीय फुक रमतो, ताकि हेंदु खरकोई फुका अंऊ हमेशा ओ थल्जी बंङज़तो, दि फुक लेहक्सा योतो अंऊ सिए यवात।

गलातियों 6:8

छना कुचे अंऊ मीह दू ए लहज़ा अंऊ दोऊ पापी स्वाभाव जुंज़ा, दंङ दोई खमतो कि दि दोऊ थल्जी मौत रेंज़ा हपतो। पर अंऊ मीह परमेश्वरो आत्माओ हिटी पूरा लहज़ा दोई खमतो कि आत्मा दोबि अनंत जीवन रमतो।

इफिसियों 2:5

अपेहल हेनर पापो वहज़ा ज़ि सिऊ बराबर तोईनी, दंङ दोई मसीह रंङ साते हेंदु एकता ओ वहज़ा ज़ि हेंदिंङ आत्मिक जीवन श्रींङमी जोगे बणाके च़रति। दंङ परमेश्वरो मोह्ड़े दाह दोरच़ी हेंदु उद्धार शुई।

फिलिपियों 3:21

दुह एनोह शक्तिऊ दुह प्रभावो हिसाबे अतु दोरच़ी दोरे भत्ते चीज़ा तु एनोह काबूरिंङ लेह तरच़ा, हेंदु संसारो फुको ओ रूप लेहक्सा, एनोह महिमाऊ फुको ठ्रोह बणाके च़रपोतो।

इब्रानियों 13:20

शांति रंड्रा परमेश्वरे, हेंदु प्रभु यीशु बि सिए दोतंङ बिचंङ ज़ि यह्च़ा श्रींङमी लेह च़रति, केतिंङ दू भत्ते चीज़ातंङ साते भरपूर लोहतो अतु केतिंङ दोऊ हिटी पूरे लहज़िमी ज़रूरत तोह। यीशु मसीहू सामर्थो दोरच़ी दू केतिंङ दू भत्ते धिर उत्पन्न लोहतो अंऊ दोबि खुश लहज़ा। यीशु मोह्ड़े वाईदा रंङ साते त्रैंईतु मोह्ड़े रखवाला बणेंके इलज़ा, अंऊ त्रैंईतु तु झुण्डो टोईच़ी दोऊ शुहई दोरच़ी हमेशा ओ थल्जी वाईदा ओ स्थापना ओ छाप लगाएसी तोह। दोऊ महिमा हमेशा तचेक शुहवा लोहतो। अमीन।

1 पतरस 1:21

यीशु मसीह ज़ि अंऊ हेंदु थल्जी लाहते दोऊ वहज़ा केरे हेंतेग परमेश्वरो टोईच़ी विशवास लहज़ा तंई। दू, दू ए शुह अच़ि यीशु मसीह बि दोऊ सिमी थल यहच़ा‍‍ श्रींङमी लहरी दंङ दोबि महिमा रें। झांह लेह केहच़ी विशवास लहज़ातंई दंङ परमेश्वरो टोईच़ी केहतु विशवास हेंतेग पक्‍का तोह।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

प्रकाशित वाक्य 1:18

गेह इच्च़ा फेरा सिए इलजी तोईगा। पर हेंतेग गेह श्रींङे तोतोग दंङ हमेशा गेह श्रींङे बंङज़ोग। सिमी ए अधोलोको केईटी गिऊ कछंङ तोतोर।

प्रकाशित वाक्य 11:11

पर साढ़े षुमु ध्याड़ो थल परमेश्वरे दोतु अंदरेग एनोह सग केहच़ी च़रति दंङ दोरे श्रींङे इलिर; दंङ दोरे एनोह कोंज़ो भारे खड़े शुहचे इलिर, दुह भत्ते ज़ि अंऊ दोच़ी खंणीर कि दोरे हेंतेग यह्च़ा श्रींङे तोईरे, महस बेबा इलिर।