रोमियो 8:10 - लाहौली बाइबिल

¹⁰ एंतेग दिऊ थल्जी कि केहतु अंदरेग मसीह वास लहज़ा, पापो थल्जी फुको सिला धर्मिकताओ वहज़ा ज़ि केहतु आत्मा श्रींङे तोह।

रोमियो 8:10 Iomraidhean Croise

यहून्नो 14:23

यीशु ज़ि दोबि जुबाब रेंई, “गेह घेंङा बि झांह ठ्रोह मीहतिंङ कमोग अच़ि गेरंङ साते दाह लहज़ातोर दंङ अच़ि गिऊ शिक्षा ओ भाषे लहज़ातोर। दुह गिऊ पिता परमेश्वरो प्यारे मीह शोतो दंङ हेनर दोऊ कछंङ अंज़े दोरंङ साते बंङज़ोई।”

यहून्नो 15:5

गेह दाखो ब्रन्ज़ शुगाह: केहरे डाड़ीर शुई; अरी गेरंङ बणेंके बंङज़ा दंङ गेह दोरंङ, दोई महसे फल हपि, छना कुचे गेरंङ शता शुहचे, केहरे छले लेह मरपोंन।

यहून्नो 17:23

गेह दोतंङ दंङ कांह गेरंङ तोतोन कि दोरे पवित्र शुहचे इच्च़ा शुहबी जूंस, दंङ संसारो मीहरे ञेंहपोर कि केई ए गेह चरच़ि शुगाह, दंङ छना केई गेरंङ साते दाह लहरिन, ध्वांए दोतंङ साते ला लहरिन।

यहून्नो 4:14

पर अच़िला दुह तिऊ दोरच़ी तुंङमतो अंऊ गेह दोबि रामोग, दंङ दोबि अनंत जीवन तचेक तीस्कर माह अपतो; अंऊ ती गेह दोबि रामोग, दोऊ अंद्रेग दुह तिऊ मुर्ति शुहचे योतो अरी अनंत जीवन तचेक बहेक्एपोतो।”

यहून्नो 6:54

अच़ि गिऊ फुक ज़ोवा, दंङ गिऊ शुहई तुंङमा, अनंत जीवन दोऊ ए शुह, दंङ गेह न्याय ध्याड़ा रिंङ यच़ाह दोबि श्रींङमी लोहग।

यहून्नो 6:56

अच़ि गिऊ फुक ज़ोवा, दंङ गिऊ शुहई तुंङमा, दुह पक्‍का ए गेरंङ साते तोह दंङ गेह दोरंङ साते।

रोमियो 5:12

झांह लेह छना कि इच्च़ा मीहू दोरच़ी पाप संसारारिंङ अति, आदम ए दू मुण्डो मीह शुह अतिंङ परमेश्वरे बणाएषी शुह दंङ आदम ए पाप लहरी, दंङ सिए इलि। झांह लेह मौत भत्ते मीहतिंङ फेलेके इलि, छना कुचे भत्तेर पापी तोतोर।

रोमियो 5:21

कि छना भत्ते मीहच़ी पाप लाहतेर दंङ दोरे भत्ते सिए इलिर, ध्वांए ए हेंदु प्रभु यीशु मसीहू दोरच़ी मोह्ड़े दाह ला धर्मी बणाएपोतो दंङ दोतिंङ अनंत जीवन रमतो।

रोमियो 8:11

दंङ अगर परमेश्वरो आत्मा अच़ि यीशु मसीह बि सिऊ दोरच़ी श्रींङमी लहरी, दोई केहतु सिए फुक ला एनोह आत्मा दोरच़ी अंऊ केहतु अंदरेग बसेगी तोह श्रींङमी लोहतो।

1 कुरिन्थियों 15:45

पवित्रशास्त्रा रिंङ दि ला च़ेहसी तोह कि, “दि धरतीऊ मुण्डो मीह, मतलब आदम, श्रींङे प्राणी बणेंके इलि,” दंङ थल मुखो आदम, अंऊ कि मसीह शुह, दि दुह ए शुह अच़ि अनंत जीवन रंड्रा।

2 कुरिन्थियों 13:5

केनातिंङ परखेक्तुंई, कि विशवासा रिंङ तोतोंई आ माह तोंई; केनातिंङ परखेक्तुंई, दि खंड्रिमी थल्जी कि छि केहतु विशवास सच्चा तोह आ माह, दंङ यीशु मसीह केहतु अंदरेग तोह आ माह? माह ता केरे निकम्मा हुंच़ा इलांई।

2 कुरिन्थियों 4:11

झांह लेह हेनर श्रींङे बंङज़ा यीशु मसीहू दोरच़ी लगातार सच़ी केट्रिमी खतरा रिंङ बंङज़ातंई, अंऊ दोरच़ी यीशु मसीहू जीवन हेंदु नाश शुहच़ा फुकारिंङ प्रगट शोतो।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

इफिसियों 3:17

दोऊ टोहकठे विशवासो लहज़िमी दोरच़ी मसीह केहतु अंदरेग हमेशा बसेकी बंङज़ोतो। दंङ गेह प्रार्थना लहज़ातग कि परमेश्वरो दाह रिंङ केरे पक्‍का शुचि,

फिलिपियों 1:23

छना कुचे गेह झुल्लाकुतिङ बिचा उलझेकि तोतोग, हिटी ता अपत कि गेह सिए योग दंङ मसीहू कछंङ अच़ा योग, दि महसे रूठे तोह।

फिलिपियों 3:9

ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।

कुलुस्सियों 1:27

छना कुचे परमेश्वरे जुंज़ाते कि दोऊ मीहच़ी दिह ञेंओर कि मसीहू टंगा ढबाह ए दोऊ महिमा केरे ऊईजाति तु थल्जी ला शुह। दंङ भेद दिह तोह कि: मसीह केहतु बिचंङ बंङज़ा। दि केतिंङ दोऊ महिमा रिंङ शामिल शुहबिमी उम्मीद रंड्रा।

1 थिस्सलुनीकियों 4:16

छना कुचे प्रभु यीशु एनोह ए स्वर्गो दोरच़ी तकसोतो; दोई मोह्ड़े सगरंङ साते हुकुम रमतो, दंङ इच्च़ा प्रधान स्वर्गदूत जोरे हाऊष रें कोहतो दंङ परमेश्वरो तुरही ओ ला संग थक्पोंई, दोहपल भत्ते बे तुहई अंऊ मसीहरिंङ विशवास लहज़ा सिए इलजी तोतोर, दोरे मुन्डारिंङ श्रींङे योर।

इब्रानियों 12:23

केरे परमेश्वरो जेठे दोतु सभा रिंङ अंज़े शुई, अंऊ दोतु मिन स्वर्गारिंङ च़ेहसी तोह। केरे केनर परमेश्वरो कछंङ अंज़े शुई, अंऊ भत्ते मीहतु न्याय लहज़ा। केरे स्वर्गंङ धर्मी मीहतु आत्माओ कछंङ अच़ा अंज़े तोतोंई अंऊ दोतिंङ हेंतेग सिद्ध बणाके केहषी तोह।

इब्रानियों 9:27

हर इच्च़ा मीहू इच्च़ा फेरा सि पक्‍का तोह। सिमी थल परमेश्वर हर इच्च़ा मीहू न्याय लोहतो।

प्रकाशित वाक्य 14:13

दोऊ थल गेह यह्च़ा स्वर्गो दोरच़ी अतिंङ कुट्री रेड्रीगा दंङ दोई गिऊ हखा कुई: “दि गप्पारे देर्तिंङ च़ेऊ। हेंतेग बे, दुह मीहरे धन्य तोतोर अंऊ परमेश्वरो टोईच़ी विशवास लहज़ा सिए इलिर।” दोहपल पवित्र आत्मा दिऊ थल्जी सहमत शुहचे इलि, दोई कुई, “दि हेले तोह दोरे धन्य शुरे छना कुचे दोरे एनोह खरे मेहनतो दोरच़ी आराम खोकपोरे दंङ अंऊ कम दोच़ी लहज़ातोर दोऊ थल्जी दोतिंङ ईनाम खोकसोतो।”