रोमियो 7:8 - लाहौली बाइबिल

⁸ पर पापे दि हुकुमो इस्तेमाल लहज़ी गिह्बी भत्ते पाहठी लालच पैदा लहरी, छना कुचे कानून मेह पापो छल्ले सामर्थ माह।

रोमियो 7:8 Iomraidhean Croise

मरकुसो 7:22

लोभ, दुष्टता, आलास, मांजी टीरा, बुराई, घमण्ड, मुर्खता हुंज़ी।

यहून्नो 15:22

अगर गेह माह अंजाङ दंङ दोतंङ साते गप्पा माह लंहीयां, ता दोरे पापी माह शुबी तोईरे; दा दोतिंङ दोतु पापो थल्जी छले भाना माह।

यहून्नो 15:24

अगर गेह दोतु बिचंङ दिह चमत्कार माह लंहीयां अंऊ ऊई अच़िला मीहे लहसी माह, ता दोरे पापी माह शुहचंङ, पर धह दोच़ी गेह ए गिऊ पिता परमेश्वर झुल्लातिंङ तंङातोर दंङ झुल्लातंङ साते बैर लहरिर।

रोमियो 3:20

कानूनो भाषे लहज़ी रंङ अरिला मीह परमेश्वरो तुईज़ी धर्मी माह शुहबी, छना कुचे मुसाओ कानूनो दोरच़ी हेंज़ी सिर्फ रूठे रंङ ञेंए तरपोंई कि ञेंहच़ी पाप लाहतंई।

रोमियो 4:15

परमेश्वरे दोऊ टोहकठे रोहषेक्च़ी, अंऊ मुसाओ कानून बि पूरी तरह माह मनेक्च़ातेर। दंङ छा कानून तोह ए माह ता दोऊ छल्ले उल्लंघन ला माह।

रोमियो 5:20

थले मुसाओ कानून दिऊ थल्जी रेंईर ताकि भत्ते मीहरे खंड्री तरपोर कि दोरे अंयों पापी तोईरे। दंङ अपेहल मीहच़ी महसे बे महसे पाप लहज़ी लेहतिर, दंङ परमेश्वरे अंऊ मोह्ड़े दाह कंङाते दुह ला महसे बे महसे बणेंके इलि,

रोमियो 7:11

पर पापे दि हुकुमो इस्तेमाल लहज़ी गिह्बी धोखा रेंई, दंङ दोऊ दोरच़ी गिह्बी परमेश्वरो दोरच़ी शत्‌ह लेह च़रति।

रोमियो 7:13

दंङ छि कानूने, अंऊ रूठे तोहई, गिह्बी परमेश्वरो दोरच़ी शत्‌ह लेह चरच़तो आ? माह! बिल्कुल ला माह! पर दि पाप तोहई अच़ि झांह लहरी। पापे दू ए कानून अंऊ रूठे तोहई दोबि इस्तेमाल लहज़ी गिह्बी परमेश्वरो दोरच़ी शत्‌ह लेह च़रति। झांह लेह पापे कंङातो कि दू हेले रिंङ छि शुह, दंङ हुकुमे कंङातो कि पाप भत्ते पाहठी मांजी तोह।

रोमियो 7:17

दंङ झांह ठ्रोह हालातरिंङ मदम लहज़ा गेह माह शुगाह, पर पाप शुह अंऊ गिऊ अंदेरग बसेगी तोह।

रोमियो 7:9

तुहई गेह कानूना बि ञेंए मेह श्रींङी तोईगा, पर अपेहल गेह कानून ञेंए केहतग, दंङ पापो शाक्ति गिऊ अंदरेग बढेक्पी लेहती, दंङ पापे गेह परमेश्वरो दोरच़ी शत्‌ह लेह च़रति।

1 कुरिन्थियों 15:56

मौतो डंक ता पाप तोह, दंङ पाप बि व्यवस्था ओ दोरच़ी हिम्मत खोकसा।