रोमियो 7:6 - लाहौली बाइबिल

⁶ पर हेनर दू कानूनो थल्जी सिए इलोन, अच़ि इच्च़ा फेरा हेनर बंदी बणाके केहते, झांह लेह हेनर एंतेग कि कानूनो दोरच़ी आज़ाद शुहचे ईलोईं ञेंरे परमेश्वरो सेवा युई तरीका रंङ च़ेहसी कानूनो ठ्रोह माह लहज़ातंई, पर खरकोई तरीका रंङ परमेश्वरो आत्माओ अगुवाई ओ दोरच़ी लहज़ातंई।

रोमियो 7:6 Iomraidhean Croise

रोमियो 1:9

परमेश्वर अतु सेवा गेह घेंङौ सेहमे दोऊ योह ओ पाहठी रूठे खबर मीहतिंङ सुनाके लहज़ातग, दुह ए गिऊ गवाह शोतो, कि गेह केतिंङ लगातार घेंङौ प्रार्थना रिंङ हिद लोहवा लहज़ातग,

रोमियो 12:2

दंङ दि संसारो मीहतु ठ्रोह था बणेक्तुंई; पर केनातु सोचेक्च़िमी तरीका परमेश्वर बि लेहक्सी रांऊ अंऊ दोरच़ी केहतु चाल-चलन ला लेक्सा योतो, दंङ केरे परमेश्वराबि रूठे, गमेकी ए सिद्ध हिटी ओ खोज लोहवा लंहि।

रोमियो 6:11

केहच़ी ला ध्यांए ञेंए च़रतेंई कि पापो वशारिंङ सिए दोतु ठ्रोह, पर परमेश्वरा बि आदर रंड्रीमी थल्जी श्रींङी तोतोंई।

रोमियो 6:19

गेह इच्च़ा साधारण उदाहरण रंड्रा केतिंङ कंड्रातग। कि केहच़ी मीहच़ी छना ठ्रोह तुहई केनातु फुक अधर्मो अधीन लेह चरच़ातेंई, दंङ दू झखंजी शुहचे इलज़ा, ध्वांए हेंतेग केरे केनातु फुक धर्मिकता ओ अधीन लेह च़रतेंई, दंङ दू पवित्र शुहचे योतो।

रोमियो 6:2

माह बिल्कुल माह! हेनर पापो थल्जी सिए इलजी तोतोंई, दंङ झांह लेह हेंदिंङ लगातार पाप लहज़ी माह जूंस।

रोमियो 6:22

दंङ एंतेग पापो दोरच़ी आज़ाद शुहचे परमेश्वरो दास शुहचे केरे दू कम लहज़ातंई अंऊ पवित्रता ओ हखा रैंज़ा शिलज़ा, दंङ दोऊ अंत अनंत जीवन तोह।

रोमियो 6:4

अपेहल हेंज़ी बपतिस्मा लेहपच़ी च़रतुंई दि झांह ठ्रोह तोहई छना हेनर यीशु रंङ साते सिए इलजी तोतोंई दंङ दोरंङ साते पथेक्सा इलांई, ताकि छना मसीह बाह परमेश्वरो महिमा ओ दोरच़ी सिमी दोरच़ी श्रींङमी लहरी, ध्वांए हेनर ला खरकोई जीवनो ठ्रोह चाल चलेपोंई।

रोमियो 7:1

हे गिऊ प्यारे साथी विशवासी रे, केहच़ी ञेंच़ातंई कि गेह कानून ञेंहच़ा तंङ साते कुट्रातग, कि अपेहल तचेक मीह श्रींङी बंङज़ा, धोंण तचेक दोऊ टोईच़ी मुसाओ कानूनो अधिकार बंङज़ा।

रोमियो 7:2

ब्याह लहसी मेच़िमी कानूनो हिसाबे एनोह गगसो श्रींङे दोरंङ साते छुहसा तोह, पर अगर दोऊ गगसा सिए इलि, दंङ दू कानूनी तरीका रंङ साते एनोह गगसो दोरच़ी मुक्त शुहचे यवाह।

रोमियो 7:4

ध्वांए ए गिऊ न्वारे, अपेहल केरे मसीह रंङ सिए इलजी तोतोंई, दंङ केरे मुसाओ कानूनो अधिकारो थल्जी ला सिए इलजी तोंई। एंतेग केरे मसीहू शुंई अंऊ सिमी दोरच़ी श्रींङे इलि ताकि केरे परमेश्वरो थल्जी फल हचि तरपोंई।

2 कुरिन्थियों 3:6

अच़ि हेंदिंङ खरकोई वाईदाऊ सेवक शुहबिमी जोगे, बणाकतो। दि मूसा ओ च़ेहसी कानून माह शुह बल्कि पवित्र आत्माओ वाईदा शुह, छना कुचे मूसा ओ नियम ओ भाषे माह लहज़िमी परिणाम मौत तोह, पर पवित्र आत्माज़ि अनंत जीवन रंड्री।

2 कुरिन्थियों 5:17

झांह लेह अगर अरिया मसीहू टोहकठे विशवास लहज़ा ता दंङ दोई इच्च़ा खरकोई स्वाभाव खोक्शातो, युई गप्पा बीतेगी इलजी तोह दंङ हेंतेग खरकोई गप्पा अच़ा अंज़े तोह।

गलातियों 3:13

मसीह हेंदु थल्जी क्रूसो टोईच़ी सिए इलि दंङ दोई शाप एनोह टोहकठे कुरच़े हेंदिंङ मूसा ओ कानूनो शापो दोरच़ी मुक्त लेह च़रति। छना कुचे पवित्र शास्त्रारिंङ दि च़ेहसी तोह कि “शापित तोह दू अंऊ क्रूसो टोहकठे सच़ी चरच़ातोर।”

गलातियों 6:15

अतुआ खतना शुचि शुह आ माह शुह आ, दि छल्ले मतलब माह तहज़ा, पर परमेश्वरे दोरच़ी इच्च़ा खरकोई मीह बणेषी ए मलतब तहज़ा।

इफिसियों 4:24

छना कुचे परमेश्वरे केतिंङ इच्च़ा खरकोई स्वाभाव रें च़रति अंऊ बिल्कुल दोऊ एनोह स्वाभावो ठ्रोह तोह। झांह लेह दि खरकोई स्वाभावो हिसाबे हेले रिंङ धर्मी ए पवित्र जीवन श्रींङे च़रतुंई।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

कुलुस्सियों 3:10

दंङ हेंतेग केहच़ी खरकोई स्वाभाव धारण लेह केहतंई, दिह खरकोई स्वाभाव महसे बे महसे एनोह सिरजनहारो ठ्रोह शुहबी लेहकी तोह दंङ दोबि रूठे रंङ समझेक्पोतो।