रोमियो 7:5 - लाहौली बाइबिल

⁵ छना कुचे अपेहल हेनर हेंदु पापी स्वाभावो वशा रिंङ तोईनी, दंङ पापो हिटी हेंदु अंदरेग कम लहज़ी लेहकी तोहई, दंङ कानूने दि मदम हिटी चेहक्पी लेह च़रति, दंङ मौतो फल पैदा लहज़िमी थल्जी हेंदु फुका रिंङ कम लहज़ाते।

रोमियो 7:5 Iomraidhean Croise

मत्ती 15:19

छना कुचे मदम विचार, हत्या ऊई मेच़मीऊ थल्जी लालच, कुकम, चोरी, हप्सी गवाही ए मांजी कुट्री सेहमंङ ज़ि ए हुंज़ी।

यहून्नो 3:6

मीहज़ी एनातु कटुतिंङ जन्म रंड्री। तांला सिर्फ परमेश्वरो आत्मा ए केतिंङ परमेश्वरो कटुतु रूपंङ लेहकि तरपोतो।

रोमियो 1:26

झांह लेह परमेश्वरे दोतिंङ दोतु नीच कामनाओं वश रिंङ छोड़ेके केहरी; देर तचेक कि दोतु मेच़िमी लाह रूठे रंङ साते अंऊ स्वभावो खिलाप तोद बदलेके कहरी।

रोमियो 3:20

कानूनो भाषे लहज़ी रंङ अरिला मीह परमेश्वरो तुईज़ी धर्मी माह शुहबी, छना कुचे मुसाओ कानूनो दोरच़ी हेंज़ी सिर्फ रूठे रंङ ञेंए तरपोंई कि ञेंहच़ी पाप लाहतंई।

रोमियो 4:15

परमेश्वरे दोऊ टोहकठे रोहषेक्च़ी, अंऊ मुसाओ कानून बि पूरी तरह माह मनेक्च़ातेर। दंङ छा कानून तोह ए माह ता दोऊ छल्ले उल्लंघन ला माह।

रोमियो 5:20

थले मुसाओ कानून दिऊ थल्जी रेंईर ताकि भत्ते मीहरे खंड्री तरपोर कि दोरे अंयों पापी तोईरे। दंङ अपेहल मीहच़ी महसे बे महसे पाप लहज़ी लेहतिर, दंङ परमेश्वरे अंऊ मोह्ड़े दाह कंङाते दुह ला महसे बे महसे बणेंके इलि,

रोमियो 6:13

दंङ माह ए फुको अंङा रे मदम हिटी थल्जी इस्तेमाल लंहि, पर केनातिंङ सिऊ दोरच़ी श्रींङे ञेंए केनातु जीवन परमेश्वराबि रें च़रतुंई, दंङ केनातु फुको अंङर सही कम लहज़िमी थल्जी परमेश्वरो हवाले लेह च़रतुंई।

रोमियो 6:19

गेह इच्च़ा साधारण उदाहरण रंड्रा केतिंङ कंड्रातग। कि केहच़ी मीहच़ी छना ठ्रोह तुहई केनातु फुक अधर्मो अधीन लेह चरच़ातेंई, दंङ दू झखंजी शुहचे इलज़ा, ध्वांए हेंतेग केरे केनातु फुक धर्मिकता ओ अधीन लेह च़रतेंई, दंङ दू पवित्र शुहचे योतो।

रोमियो 6:21

दंङ केनातु भत्ते जीवनो दोरच़ी केतिंङ छि फायदा शुई? केरे दोऊ वहज़ा ज़ि सिर्फ शर्मिन्दा शवातंई। छना कुचे दू कमो नतीज़ा मौत तोह।

रोमियो 6:23

छना कुचे पापो नतीज़ा ता मौत तोह, पर अंऊ वरदान परमेश्वर हेंदिंङ रंड्रा, दू ता अनंत जीवन तोह अंऊ हेंदु प्रभु मसीह यीशुरिंङ खोकसा।

रोमियो 7:23

पर गिह्बी घेंङौ फुको अंङ रिंङ ऊई पाहठी नियम तंङफातोर, अंऊ गिऊ बुद्धि ऊ नियम रंङ साते झगड़ा लहज़ातोर, दंङ दोच़ी गिह्बी दू पापो गुलाम लेह चरच़ातोर अंऊ एंतेग ला गिऊ अंदरेग तोह।

1 कुरिन्थियों 15:56

मौतो डंक ता पाप तोह, दंङ पाप बि व्यवस्था ओ दोरच़ी हिम्मत खोकसा।

2 कुरिन्थियों 10:3

छना कुचे अगर हेनर दि संसारारिंङ बंङज़ातंई, तांला हेनर हेंदु बैरी तंङ ध्वांए ठ्रोह तेंङज़ातंई माह छना दि संसारो मीहरे तेंङज़ातोर।

गलातियों 3:10

झांह लेह अंयों मीहरे मूसा ओ कानूनो कमो टोईच़ी विशवास तहच़ातेर, दोरे परमेश्वरो शापो अधीन तोतोर, छना कुचे पवित्र शास्त्रारिंङ च़ेहसी तोह, “अंऊ मूसा ओ कानूनारिंङ च़ेहसी भत्ते गप्पो भाषे माह लहज़ातोर, दोरे परमेश्वरो शापो अधीन तोतोर।”

गलातियों 5:24

अंऊ मीहरे यीशु मसीह रंङ साते संबध तहच़ातेर दोरे एनोह पापी स्वाभावो हिसाबे जीवन माह श्रींङमातोर। दिरे झांह ठ्रोह तोतोर छना कि दोच़ी एनोह पापी स्वाभावा बि क्रूसो टोईच़ी चड़ाएगी केहतोर।

इफिसियों 2:11

दिऊ थल्जी, केरे ता ऊईजाति जेह्की शुई, हिद लंहि कि, केरे तुहई छना ठ्रोह तोईनि। यहुदी मीहच़ी केहतु दि कुचे मज़ाक लहरिर कि केरे खतना माह लहज़ातंई पर दोतु दि रिति सिर्फ अंऊ फुका रिंङ ए लागू शवाह।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

कुलुस्सियों 3:5

झांह लेह केरे दुह मांजी कम लहच़ी बंद लेह केहनि अंऊ केहतु पापी स्वाभावारिंङ जुड़ेके तोह। छना कि कुकम, अशुद्धता, मांजी सेहम, मदम लालच लोभ अंऊ मुर्ति पूजा लहसी बराबर तोह।

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।

याकूब 1:15

दिऊ थल अपेहल दोरे पाप लहच़िमी कल्पना लहज़ातोर, दंङ दिरिंङ पाप पैदा शवाह दंङ अपेहल पाप बड़ेंके यवाह दंङ थल मुखंङ दुह हमेशा ओ थल्जी सिए यवात।

याकूब 4:1

केहतु बिचंङ लड़ाई झगड़ा अंऊर च़ि अच़ा अति? दि दुह मांजी हिटी ऊ दोरच़ी अपातोर अंऊ केहतु अन्द्रेग तोह।

1 यूहन्ना 3:4

अगर अच़िया पाप लोहवा लाह, दोई कानूनो भाषे माह लहज़ा। दंङ कानूनो भाषे माह लहज़ी ए अधर्म शुह।