रोमियो 7:21 - लाहौली बाइबिल

²¹ झांह लेह, गिऊ तज़ुर्बा दि तोह कि अपेहल गेह रूठे लहज़िमी हिटी लहज़ातग, दंङ बुराई ए शुहचे यवात।

रोमियो 7:21 Iomraidhean Croise

लूको 4:1

दंङ यीशु पवित्र आत्माज़ि परिपूर्ण शुहचे, यरदन बेंडी ज़ि यह्च़ी; दंङ पवित्र आत्मो सिखेच़िमी बजह सुनसान ठाहरीरिंङ देखा नोखा ज़ोवा लहाते;

यहून्नो 8:34

यीशु ज़ि दोतिंङ जुबाब रेंई, “गेह केतंङ साते हेले कुट्रातग कि अच़िला पाप लाह दुह पापो गुलाम शुह।

रोमियो 6:12

झांह लेह पापमय हिटी केनातु जीवनारिंङ राज लेह थारोंऊ, केहच़ी केनातु पापमय हिटी ऊ हिसाबे कम थालंही।

रोमियो 6:14

दंङ केहतु टोईच़ी पापो वश माह शोतो, छना कुचे केरे मुसाओ कानूनो अधीन माह तोंहि पर परमेश्वरो मोह्ड़े दाह ओ अधीन ए श्रींङमातंई।

रोमियो 7:23

पर गिह्बी घेंङौ फुको अंङ रिंङ ऊई पाहठी नियम तंङफातोर, अंऊ गिऊ बुद्धि ऊ नियम रंङ साते झगड़ा लहज़ातोर, दंङ दोच़ी गिह्बी दू पापो गुलाम लेह चरच़ातोर अंऊ एंतेग ला गिऊ अंदरेग तोह।

रोमियो 7:25

गेह बाह परमेश्वरो धन्यवाद लहज़ातग अच़ि यीशु मसीहू दोरच़ी गिह्बी बचाके च़रति। झांह लेह गेह घेंङौ सेहमे ता परमेश्वरो कानूनो भाषे लहज़ातग, पर फुके पापो कानूनो भाषे लहज़ातग।

रोमियो 8:2

छना कुचे पवित्र आत्माज़ि केतिंङ दू जीवन रांहषी ततो अंऊ यीशु मसीहू दोरच़ी खोकसिरी दंङ दोई केतिंङ पाप ए मौतो दोरच़ी आज़ाद लहरी।

इब्रानियों 2:17

झांह लेह यीशु थल्जी दि जूंशी तोहई, कि हेंदु ठ्रोह भत्ते गप्पा रिंङ बणेंके योतो, ताकि दुह परमेश्वरो तुईज़ी हेंदु दयालु ए विशवासो जोगे यहुदी महापुरोहित बणेक्पोतो। दोहपल दोई झांह ठ्रोह बलिदान चढ़ाके तरपोतो, अंऊ दोरच़ी मीहतु पाप श्ताह शुचि इबि।

इब्रानियों 4:15

दि यहुदी महापुरोहित, अंऊ यीशु मसीह तोह, हेंदु हर इच्च़ा कमज़ोरी ञेंहच़ा। यीशु ज़ि हेंदु ठ्रोह भत्ते पाहठी परीक्षा ओ सामना लहरी, पर दोई छल्ले पाप माह लहरी।

2 पतरस 2:19

दोरे मीहतंङ साते वाईदा लहज़ातोर कि अगर दोच़ी दोरे हिद लोहर, दंङ दोच़ी छि जुंज़ातोर दोच़ी लहज़ी तरपोर छना कुचे दोतु अरिला मालिक माह। पर सच्चाई दि तोह कि दोरे एनाह ला एनोह मदम रिति रिवाज़ो गुलाम तोतोर। छना कुचे अरिला अंऊ ला चीज़ो आदि शवाह, दोबि अंऊ दोई लहज़ा दोऊ ए दोरच़ी गुलाम बणाके केट्रातोर।