रोमियो 7:1 - लाहौली बाइबिल

¹ हे गिऊ प्यारे साथी विशवासी रे, केहच़ी ञेंच़ातंई कि गेह कानून ञेंहच़ा तंङ साते कुट्रातग, कि अपेहल तचेक मीह श्रींङी बंङज़ा, धोंण तचेक दोऊ टोईच़ी मुसाओ कानूनो अधिकार बंङज़ा।

रोमियो 7:1 Iomraidhean Croise

रोमियो 1:13

दंङ हे गिऊ प्यारे साथी विशवासी रे, गेह मा जुंज़ातग कि केहच़ी ञेंई च़रतेंई कि गेह घड़ी-घड़ी केहतु कछंङ अपिमी जुन्ज़ातेग, कि गेह छना ऊईजाति तु बिचंङ लहज़ातेग, ध्वांए केहतु बिचंङ ला लोहग, पर एंतेग तचेक दिरिंङ रूकावट ए अपाते।

रोमियो 10:1

हे प्यारे साथी विशवासी रे, गिऊ सेहमो हिटी ए गिऊ घेंङौ यहुदी मीहतु थल्जी दि प्रार्थना तोह, कि परमेश्वर दोतिंङ उद्धार रमतो।

रोमियो 10:4

कानूनो मकसद हेंतेग मसीहू अपिमी रंङ साते पूरा शुहचे इलि। दिऊ नतीज़ा दि तोह कि हर इच्च़ा अंऊ मसीहू टोहकठे विशवास लहज़ा, दू परमेश्वरो नज़रारिंङ धर्मी घोषित शुहचे यवाह।

रोमियो 6:14

दंङ केहतु टोईच़ी पापो वश माह शोतो, छना कुचे केरे मुसाओ कानूनो अधीन माह तोंहि पर परमेश्वरो मोह्ड़े दाह ओ अधीन ए श्रींङमातंई।

रोमियो 6:3

ञेंहच़ी ञेंहच़ातंई कि अपेहल हेंज़ी यीशु मसीहू बपतिस्मा लेहपति, दंङ हेनर दोरंङ साते सिए इलांई।

रोमियो 7:6

पर हेनर दू कानूनो थल्जी सिए इलोन, अच़ि इच्च़ा फेरा हेनर बंदी बणाके केहते, झांह लेह हेनर एंतेग कि कानूनो दोरच़ी आज़ाद शुहचे ईलोईं ञेंरे परमेश्वरो सेवा युई तरीका रंङ च़ेहसी कानूनो ठ्रोह माह लहज़ातंई, पर खरकोई तरीका रंङ परमेश्वरो आत्माओ अगुवाई ओ दोरच़ी लहज़ातंई।

1 कुरिन्थियों 9:8

गेह दि गप्पारे साधारण उदाहरणो थल्जी माह कुट्रातग बल्कि मूसा ओ कानून ला दिए कुट्रा।

गलातियों 4:21

दंङ केरे, अंऊ मूसा ओ कानूनो अधीन शुहबी जुन्ज़ातंई! गिऊ गप्पा रेड्रुंई! गेह केतिंङ कमोग कि पवित्र शास्त्रा रिंङ, मूसा ओ कानूनो कताबा रिंङ छि च़ेहसी तोह।