रोमियो 6:3 - लाहौली बाइबिल

³ ञेंहच़ी ञेंहच़ातंई कि अपेहल हेंज़ी यीशु मसीहू बपतिस्मा लेहपति, दंङ हेनर दोरंङ साते सिए इलांई।

रोमियो 6:3 Iomraidhean Croise

मत्ती 28:19

दिऊ थल्जी केहरे ईलांई, दंङ भत्ते जातिऊ मीहतिंङ चेला बणाक्तुंई; दंङ दोतिंङ बाह ए, योह ए, पवित्र आत्मो मिन्ज़ी बपतिस्मा रांई,

प्रेरित 19:5

दिह रेड्रा दोच़ी प्रभु यीशु मिनज़ी बपतिस्मा लेहप्तिर दि कंड्रीमी थल्जी कि हेंतेग यीशु दोतु प्रभु शुह।

प्रेरित 2:38

पतरसे दोतंङ साते कुतोह, “केनातु मदम कमो दोरच़ी सेहम किर्ज़ुंई, दंङ केहतु बिचंङ ज़ि हर इच्च़ा एनोह-एनोह पापो माफी ऊ थल्जी यीशु मसीहू मिंदंङ बपतिस्मा लेहप्तुंई; दंङ केतिंङ पवित्र आत्माओ दान खोकसोतो।”

प्रेरित 8:16

छना कुचे पवित्र आत्मा अईता तचेक दोतु बिचंङ च़ि अतुला टोईच़ी अंज़े माह तोहई, दोच़ी ता सिर्फ प्रभु यीशु ऊ मिंदंङ बपतिस्मा लेहपसी तरेर।

रोमियो 6:16

केहच़ी ञेंच़ातंई कि अपेहल केरे केनातिंङ अतुआ परगर शुहबिमी थल्जी रें चरच़ातेंई दंङ दू मीह केहतु मालिक शुहचे यवात दंङ केतिंङ दू लेह लेह्पोतो अंऊ दोई क्वात, केरे पापो परगर शुहबी तरपोंई अंऊ सिमी हखा रैंज़ा शिलज़ा, या केरे परमेश्वरो हुकमो चुनाव लेह तरपोंई, अंऊ धर्मिक जीवनो हखा रैंज़ा शिलज़ा।

रोमियो 6:8

झांह लेह अगर हेनर मसीह रंङ साते सिए इलांई, दंङ हेंदु विशवास दि ला तोह कि हेनर दोरंङ साते श्रींङी ला योंई।

रोमियो 7:1

हे गिऊ प्यारे साथी विशवासी रे, केहच़ी ञेंच़ातंई कि गेह कानून ञेंहच़ा तंङ साते कुट्रातग, कि अपेहल तचेक मीह श्रींङी बंङज़ा, धोंण तचेक दोऊ टोईच़ी मुसाओ कानूनो अधिकार बंङज़ा।

1 कुरिन्थियों 10:2

हेंज़ी कुचे तरपोंई: छना ञेंरे प्रभु यीशु मसीहू चेला बणेक्पिमी थल्जी बपतिस्मा लेहपच़ातंई, ध्वांए दू भत्ते डुह सिल्मोग रिंङ तोईरे दंङ मूसा ओ कानूनो चेलारे बणेक्पिमी थल्जी षेह्ई समुंद्रो दोरच़ी शुहचे इलिर।

1 कुरिन्थियों 12:13

छना कुचे हेंज़ी भत्ते ज़ि चाहे दू यहुदी शुह, चाहे ऊई जाति, या चाहे परगर शुह, चाहे आज़ाद, इच्च़ा ए आत्माओ दोरच़ी इच्च़ा फुक शुहबिमी थल्जी बपतिस्मा लेहपच़ातंई, दंङ हेंज़ी भत्ते ज़ि दू ए आत्मा खोकसी तातंई छना ठ्रोह हेंज़ी भत्ते ज़ि इच्च़ा कोलीऊ दोरच़ी तुंङमातंई।

1 कुरिन्थियों 15:29

अगर सिए दोतिंङ श्रींङमी माह लोहर, दंङ दुह मीहच़ी छि लोहर अंऊ दोरे सिए दोतु थल्जी बपतिस्मा लेहपच़ातोर? छना कुचे दिरंङ दोतिंङ छल्ले फायदा माह शोतो। अगर सिए दोरे हेले रिंङ यह्च़ा श्रींङमोर माह, दंङ दोरे दोतु दुह रिवाज़ छिल्ले लहज़ातोर?

1 कुरिन्थियों 3:16

केतिंङ पक्‍का पता तोह, कि केरे परमेश्वरो मन्दिर शुई, दंङ परमेश्वरो रांहषी आत्मा केहतु अंदरेग बास लहज़ा।

1 कुरिन्थियों 5:6

केहतु घमंड लहज़ी बिल्कुल ला ठीक माह शुह, छि केहच़ी माह ञेंच़ातंई आ, कि थोड़े अरे सुमे भत्ते त्रुक्क्षी फुकान ला सुम ज़डे लेह चरच़ि? ध्वांए, अगर इच्च़ा मीहबी पाप लहज़ी छोड़ेके च़रपोंई, दंङ युरनाह ए भत्ते मीहतिंङ दुह पाप फेलेके भत्ते मीहरे दुह पाप लहज़ी शुरू लेह च़रपोर।

1 कुरिन्थियों 6:19

छि केहच़ी माह ञेंच़ातंई आ, कि केहतु फुक मन्दिर शुह अंऊर पवित्र आत्मा बंङज़ा, दंङ पवित्र आत्मा अंऊ केतिंङ परमेश्वरो तरफे खोकसा तोह, अंऊ केहतु अंदरेग बसेकी तोह, दंङ केरे परमेश्वरो शुई।

1 कुरिन्थियों 6:9

केतिंङ पता तोह कि, अन्याय लहज़ा मीहरे बाह परमेश्वरो राजो वारिस माह शोर; अरिया धोखारिंङ केतिंङ दि सोचेकच़ी मज़बूर लहज़ी माह जूंस कि केरे मदम कम लेह तरपोंई तांला बाह परमेश्वरो मीहतु बिचंङ ज़ि इच्च़ा बणेंके बंङज़ुंई, धोखा रिंङ था बंङज़ुंई, छना कुचे माह कुकम लहज़ा, माह मुर्तिओ पूजा, माह ऊईतु मेच़िमी ऊ लालच, माह लुचपन, माह गंङमी-गंङमी रंङ साते कुकम लंहि।

1 कुरिन्थियों 9:13

छि केहच़ी माह ञेंच़ातंई कि मंदिरंङ कम लहज़ा गंङमी तिंङ मन्दिरो दोरच़ी एनोह बगत खोकसा? वोई, अंऊ मीहरे बेदीऊ टोईच़ी बलि रंड्रातोर, दोतिंङ दू बलि ऊ हिस्सा खोकसा।

1 कुरिन्थियों 9:24

छना कि ज़रका ता भत्ते ज़ि रंड्री, पर इनाम इदि ए रेंज़ा शिलज़ी? केरे ध्वांए ए ज़रका रांही, कि केरे द्रक्शे योंई।

2 कुरिन्थियों 13:5

केनातिंङ परखेक्तुंई, कि विशवासा रिंङ तोतोंई आ माह तोंई; केनातिंङ परखेक्तुंई, दि खंड्रिमी थल्जी कि छि केहतु विशवास सच्चा तोह आ माह, दंङ यीशु मसीह केहतु अंदरेग तोह आ माह? माह ता केरे निकम्मा हुंच़ा इलांई।

याकूब 4:4

हे विशवास घाती रे, छि केहच़ी दि माह ञेंच़ातंई आ कि संसार रंङ साते मित्रता लहच़ी परमेश्वरारंङ साते बैर लहज़ी शुह? झांह लेह अंऊ संसारो मित्रता रिंङ शोतो, दोई एनाबि परमेश्वरो बैरी बणाके चरच़तो।

1 पतरस 3:21

तुहई कि टेमारिंङ दोतु उद्धार हेंतेग हेंदु उद्धारो इच्च़ा उदाहरण तोह अपेहल हेनर बपतिस्मा लेहपच़ातंई, दोई हेंदु फुको दोरच़ी क्रि शत्‌ह माह लहज़ा, पर दि इच्च़ा चिन्ह शुह कि हेंज़ी परमेश्वरो दोरच़ी माफी पेट्रातंई ताकि तुंखा हेंदु सेहम परेशान माह बंङज़ोतो। हेंदिंङ माफी खोकसोतो छना कुचे यीशु मसीह सिमी थल यह्च़ा श्रींङे इलज़ा।