रोमियो 6:2 - लाहौली बाइबिल

² माह बिल्कुल माह! हेनर पापो थल्जी सिए इलजी तोतोंई, दंङ झांह लेह हेंदिंङ लगातार पाप लहज़ी माह जूंस।

रोमियो 6:2 Iomraidhean Croise

लूको 20:16

दिहे कि दुह दाखो बगीचारिंङ अंज़े ज़िमदारातिंङ सच़ी च़रपोतो, दंङ बगीचारिंङ ऊईतिंङ घाह्ड़ीरिंङ रें च़रपोतो।” दिह रेड्रीरंङ, मीहच़ी कुहतो “परमेश्वरे झांह लेह माजूंस।”

रोमियो 5:11

सिर्फ दि मशत, पर हेंतेग ता हेंदु प्रभु यीशु मसीहू दोरच़ी परमेश्वरारंङ साते हेंदु मेल-मिलाप शुहचे इलज़ा; झांह लेह ञेंरे परमेश्वरा रिंङ खुश तोतोंई।

रोमियो 6:15

दंङ, छि हेनर ध्यांए लगातार पाप लोहवा लांईया, कि हेनर कानूनो अधीन माह पर मोह्ड़े दाह ओ अधीन तोतोंई? माह! बिल्कुल ला माह!

रोमियो 7:4

ध्वांए ए गिऊ न्वारे, अपेहल केरे मसीह रंङ सिए इलजी तोतोंई, दंङ केरे मुसाओ कानूनो अधिकारो थल्जी ला सिए इलजी तोंई। एंतेग केरे मसीहू शुंई अंऊ सिमी दोरच़ी श्रींङे इलि ताकि केरे परमेश्वरो थल्जी फल हचि तरपोंई।

रोमियो 7:6

पर हेनर दू कानूनो थल्जी सिए इलोन, अच़ि इच्च़ा फेरा हेनर बंदी बणाके केहते, झांह लेह हेनर एंतेग कि कानूनो दोरच़ी आज़ाद शुहचे ईलोईं ञेंरे परमेश्वरो सेवा युई तरीका रंङ च़ेहसी कानूनो ठ्रोह माह लहज़ातंई, पर खरकोई तरीका रंङ परमेश्वरो आत्माओ अगुवाई ओ दोरच़ी लहज़ातंई।

गलातियों 2:19

अपेहल गेह कानूनो भाषे लहज़िमी कोशिश लहरिगा, दंङ कानूने गेह दोषी ठहरागी च़रति। दिऊ थल्जी ञेंई कि कानूनो थल्जी गेह सिए इलिगा ताकि गेह परमेश्वरो थल्जी श्रींङी बंङज़ोग।

गलातियों 6:14

अगर गेह घमण्ड लहज़ातग ता सिर्फ दि गप्पो टोईच़ी घमण्ड लोहग कि हेंदु प्रभु यीशु मसीह हेंदु थल्जी क्रूसो टोईच़ी सिए इलि। छना कुचे दोऊ सिमी थल, गेह एंतेग संसारो हिटी ओ गुलाम माह तोहग दंङ एंतेग दितु बिचंङ अंऊला चीज़ो दोर्तिंङ गिऊ टोईच़ी हुकुम लहज़िमी शाक्ति माह।

कुलुस्सियों 2:20

छना कुचे केहतु पापो स्वाभाव मसीह रंङ साते सिए इलज़ा, झांह लेह हेंतेग केतिंङ दि संसारो कानून मनेक्च़िमी ज़रूरत माह। दंङ केरे छारिंङ हेंतेग लाह दिह कानूनो भाषे लहज़ातंई, छना कि हेंतेग लाह संसार केतिंङ वशरिंङ लहज़ा।

कुलुस्सियों 3:3

छना कुचे केरे ता केनातु पापो स्वाभावो दोरच़ी सिए इलजी तोंई दंङ केहतु खरकोई जीवन मसीहरंङ साते परमेश्वरारंङ ब्याके तोह।

1 पतरस 1:14

परमेश्वरो हुकुमो भाषे लंहि छना कुचे केरे दोऊ कटुरे शुई। दंङ दू मदम कम थालंही अतिंङ केरे दू मुक्का लहज़िमी हिटी तहज़ातंई, अपेहल केरे परमेश्वरो सच्चाई माह ञेंहच़ातंई।

1 पतरस 2:24

अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।

1 यूहन्ना 3:9

दंङ अरिला परमेश्वरो कटु शुह दोई लगातार पाप माह लहज़ा; छना कुचे परमेश्वरो स्वाभाव दोरंङ तोह: दोई पाप लेह मरच़ा छना कुचे दुह परमेश्वरो दोरच़ी कटु शुह।