रोमियो 6:12 - लाहौली बाइबिल

¹² झांह लेह पापमय हिटी केनातु जीवनारिंङ राज लेह थारोंऊ, केहच़ी केनातु पापमय हिटी ऊ हिसाबे कम थालंही।

रोमियो 6:12 Iomraidhean Croise

रोमियो 13:14

पर प्रभु मसीह यीशु बि धारण लेह च़रतेंई, दंङ फुको हिटी पूरा लहज़िमी कोशिश थालंही।

रोमियो 2:8

पर अंऊ मतलबी तोतोर ए सच्चाई माह मनेक्च़ातोर, पर मदम लहज़ी जुन्ज़ातोर, परमेश्वर दोतु टोईच़ी एनोह रोहष प्रगट लोहतो।

रोमियो 5:21

कि छना भत्ते मीहच़ी पाप लाहतेर दंङ दोरे भत्ते सिए इलिर, ध्वांए ए हेंदु प्रभु यीशु मसीहू दोरच़ी मोह्ड़े दाह ला धर्मी बणाएपोतो दंङ दोतिंङ अनंत जीवन रमतो।

रोमियो 6:14

दंङ केहतु टोईच़ी पापो वश माह शोतो, छना कुचे केरे मुसाओ कानूनो अधीन माह तोंहि पर परमेश्वरो मोह्ड़े दाह ओ अधीन ए श्रींङमातंई।

रोमियो 6:16

केहच़ी ञेंच़ातंई कि अपेहल केरे केनातिंङ अतुआ परगर शुहबिमी थल्जी रें चरच़ातेंई दंङ दू मीह केहतु मालिक शुहचे यवात दंङ केतिंङ दू लेह लेह्पोतो अंऊ दोई क्वात, केरे पापो परगर शुहबी तरपोंई अंऊ सिमी हखा रैंज़ा शिलज़ा, या केरे परमेश्वरो हुकमो चुनाव लेह तरपोंई, अंऊ धर्मिक जीवनो हखा रैंज़ा शिलज़ा।

रोमियो 8:11

दंङ अगर परमेश्वरो आत्मा अच़ि यीशु मसीह बि सिऊ दोरच़ी श्रींङमी लहरी, दोई केहतु सिए फुक ला एनोह आत्मा दोरच़ी अंऊ केहतु अंदरेग बसेगी तोह श्रींङमी लोहतो।

रोमियो 8:13

छना कुचे अगर केरे पापमय स्वाभावो ठ्रोह ध्याड़ा च़रपोंई, दंङ हेले सिए योंई, अगर पवित्र आत्माओ सामर्थे पापमय कम सच़ी च़रपोंई, दंङ केरे श्रींङे बंङज़ोंई।

2 कुरिन्थियों 4:11

झांह लेह हेनर श्रींङे बंङज़ा यीशु मसीहू दोरच़ी लगातार सच़ी केट्रिमी खतरा रिंङ बंङज़ातंई, अंऊ दोरच़ी यीशु मसीहू जीवन हेंदु नाश शुहच़ा फुकारिंङ प्रगट शोतो।

2 कुरिन्थियों 5:4

हेले दि तोह कि दि तम्बू रिंङ बंङज़ा मुक्का हेनर कुरतु साते तेपचा क्रिम्बातंई, छना कुचे हेनर दि संसारिक फुक छोड़ेके माहरच़ातंई पर हेंज़ी जुंज़ातंई कि परमेश्वर हेंदिंङ स्वर्गीय फुक रमतो, ताकि हेंदु खरकोई फुका अंऊ हमेशा ओ थल्जी बंङज़तो, दि फुक लेहक्सा योतो अंऊ सिए यवात।

गलातियों 5:16

गेह केतंङ साते कुट्रातग, कि केतिंङ पवित्र आत्माओ अगुवाई हिसाबे श्रींङमी बि ज़रूरत तोह। ताकि केरे पापमय फुको हिटी पूरा लेह मरपोंई।

गलातियों 5:24

अंऊ मीहरे यीशु मसीह रंङ साते संबध तहच़ातेर दोरे एनोह पापी स्वाभावो हिसाबे जीवन माह श्रींङमातोर। दिरे झांह ठ्रोह तोतोर छना कि दोच़ी एनोह पापी स्वाभावा बि क्रूसो टोईच़ी चड़ाएगी केहतोर।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

इफिसियों 4:22

केहतु सिखाएच़ा दोच़ी केतिंङ दू तरीका छोड़ेक्च़िमी शिक्षा रेंईर, अतु हिसाबे केहच़ी व्यवहार लहज़ातंई। केहतु मदम हिटी केतिंङ धोखा रें च़रति दंङ केहतु जीवन बरबाद लेह च़रति।

1 थिस्सलुनीकियों 4:5

केतिंङ ऊईजाति तु ठ्रोह अंऊ परमेश्वराबि माह ञेंहच़ातोर, मांजी कमो हिटी लेह माह जूंस।

2 तीमुथियुस 2:22

दुह मांजी चीज़ा तु दोरच़ी शत्‌ह बंङज़ु अंऊ जवान मीहच़ी लेह जुंज़ातोर अंऊ मीहच़ी शुद्ध सेहमे प्रभु मिन लेहपच़ातोर, दोतंङ साते धर्मिकता, विशवास ए दाह, मेल मिलाप ओ पीछा लोह।

तीतुस 2:12

दि मोह्ड़े दाह ओ दोरच़ी परमेश्वर हेंदिंङ हुकुम रंड्रा, कि हेनर ध्वांए ठ्रोह व्यवहार लेह बन्द लेह च़रपोंई, अंऊ दोबि खुश माह लहज़ा, दंङ दुह चीज़ा तु लालच लेह बंद लंहि अतु हिटी अविशवासी ज़ि तहच़ातेर, दंङ अपेहल हेनर हेंतेग दि धरतीऊ टोहकठे ए तोतोंई दंङ बुद्धिमानी ए धर्मिकता रंङ दि तरीका रंङ साते कम लंहि कि अंऊ परमेश्वराबि खुश लहज़ा।

तीतुस 3:3

छना कुचे हेनर ला तुहई, मुर्ख ए परमेश्वरो हुकुम माह मनेक्च़ा मीहरे, मीहतु दोरच़ी धोखा खोकसिमी तातंई, दंङ हेनर मदम हिटी ए संसारो चीज़ा तु गुलाम तोईरे, छना बैर-भाव, दंङ जलन तहच़ि रिंङ एनोह जीवन श्रींङज़ातेर, दंङ मीहतंङ साते नफरत लहज़ातेर, दंङ इदि-अई दिरंङ साते बैर तहच़ातेर।

1 पतरस 1:14

परमेश्वरो हुकुमो भाषे लंहि छना कुचे केरे दोऊ कटुरे शुई। दंङ दू मदम कम थालंही अतिंङ केरे दू मुक्का लहज़िमी हिटी तहज़ातंई, अपेहल केरे परमेश्वरो सच्चाई माह ञेंहच़ातंई।

1 पतरस 2:11

हे प्यारे साथी विशवासी रे, गेह केतंङ साते बिनती लहज़ातग कि केरे दि संसारारंङ परदेशी ए यात्री तु ठ्रोह तोतोंई। गेह केतिंङ चेतावनी रंड्रातग कि दू भत्ते मदम फुको हिटी ओ दोरच़ी बचेक्तेंई छना कुचे दू केहतु केनातु आत्माओ खिलाप हमेशा लड़ाई लहज़ा।

यहूदा 1:16

दिरे मीहरे हमेशा परमेश्वरो खिलाप कुट्रातोर दंङ ऊई मीहतु अंदरेग गलती पेट्रातोर। अंऊ दोतु सेहमे लहज़ी जुंज़ा। दोरे एनोह पाहठी घमण्डा रंङ साते दावा लहज़ातोर दंङ एनोह फायदा ओ थल्जी ऊई मीहतु चापलूसी लहज़ातोर।

यहूदा 1:18

दोच़ी केहतु हखा कुट्रातेर, कि “अन्तिम ध्याड़ारिंङ, झांह ठ्रोह मीहरे शोर अंऊ प्रभु ए दोऊ मीहतु मज़ाक उड़ाएपोर। दिरे दुह मीहरे शुरे अंऊ दोतु ज़िंदगी रिंङ दोतु मदम कमो हिटीऊ वशारिङ तोह।”