रोमियो 6:11 - लाहौली बाइबिल

¹¹ केहच़ी ला ध्यांए ञेंए च़रतेंई कि पापो वशारिंङ सिए दोतु ठ्रोह, पर परमेश्वरा बि आदर रंड्रीमी थल्जी श्रींङी तोतोंई।

रोमियो 6:11 Iomraidhean Croise

यहून्नो 20:31

पर दीह दिऊ थल्जी च़ेहसी तोह कि केहच़ी विशवास लांही, कि यीशु ए परमेश्वरो योह मसीह शुह: दंङ दोऊ टोहकठे विशवास लेह दोऊ मिंदंङ अनंत जीवन खोक्पोंई।

रोमियो 16:27

यीशु मसीहू दोरच़ी दू इच्च़ा ए प्रजापति बुद्धिमान परमेश्वरो महिमा हमेशा-हमेशा शुहवा लोहतो। अमीन।

रोमियो 5:1

झांह लेह हेनर विशवासो दोरच़ी धर्मी ठहरेक्सा इलिन, दोहपल प्रभु यीशु मसीहू दोरच़ी परमेश्वरा रंङ साते हेंदु मेल-मिलाप शुचि इलजी तोह।

रोमियो 6:10

छना कुचे मसीह अंऊ सिए इलि दंङ पापो थल्जी इच्च़ा फेरा सिए इलि; पर अंऊ कि हेंतेग श्रींङी तोह, दंङ परमेश्वरा बि आदर रंड्रीमी थल्जी श्रींङी तोह।

रोमियो 6:13

दंङ माह ए फुको अंङा रे मदम हिटी थल्जी इस्तेमाल लंहि, पर केनातिंङ सिऊ दोरच़ी श्रींङे ञेंए केनातु जीवन परमेश्वराबि रें च़रतुंई, दंङ केनातु फुको अंङर सही कम लहज़िमी थल्जी परमेश्वरो हवाले लेह च़रतुंई।

रोमियो 6:2

माह बिल्कुल माह! हेनर पापो थल्जी सिए इलजी तोतोंई, दंङ झांह लेह हेंदिंङ लगातार पाप लहज़ी माह जूंस।

रोमियो 6:23

छना कुचे पापो नतीज़ा ता मौत तोह, पर अंऊ वरदान परमेश्वर हेंदिंङ रंड्रा, दू ता अनंत जीवन तोह अंऊ हेंदु प्रभु मसीह यीशुरिंङ खोकसा।

रोमियो 7:4

ध्वांए ए गिऊ न्वारे, अपेहल केरे मसीह रंङ सिए इलजी तोतोंई, दंङ केरे मुसाओ कानूनो अधिकारो थल्जी ला सिए इलजी तोंई। एंतेग केरे मसीहू शुंई अंऊ सिमी दोरच़ी श्रींङे इलि ताकि केरे परमेश्वरो थल्जी फल हचि तरपोंई।

रोमियो 7:6

पर हेनर दू कानूनो थल्जी सिए इलोन, अच़ि इच्च़ा फेरा हेनर बंदी बणाके केहते, झांह लेह हेनर एंतेग कि कानूनो दोरच़ी आज़ाद शुहचे ईलोईं ञेंरे परमेश्वरो सेवा युई तरीका रंङ च़ेहसी कानूनो ठ्रोह माह लहज़ातंई, पर खरकोई तरीका रंङ परमेश्वरो आत्माओ अगुवाई ओ दोरच़ी लहज़ातंई।

रोमियो 8:18

गिह्बी पक्‍का पता तोह, कि अंऊ महिमा हेंदिंङ थले खोकसोतो, दू दि दुख बे महस मोह्ड़े तोह अंऊ हेंज़ी एंतेग सहन लहज़ी लेहकी तोतोंई।

1 कुरिन्थियों 6:20

छना कुचे केरे ढबाह रेंई ते च़ुमसी शुई; झांह लेह केनातु फुको दोरच़ी परमेश्वरो महिमा लंहि।

इफिसियों 2:7

परमेश्वर झांह दिऊ थल्जी लहरी ताकि अंजा ध्याड़ा रिंङ दू संसारो मीहतिंङ कंङे तरपोतो कि दोऊ मोह्ड़े दाह अंयों महान तोह। छिल्ला धिर दोई ञेंहतु थल्जी लहरी ञेंतिंङ दि मोह्ड़े दाह कंङातो अंऊ मसीह यीशु ऊ एकता रिंङ तोतोर।

फिलिपियों 1:11

छना इच्च़ा बुट फल पैदा लहज़ा ध्वांए केहच़ी धर्मिकताऊ कम लोहवा लंहि अंऊ प्रभु यीशु मसीहू दोरच़ी शवाह दोरंङ साते भरपूर शुचे इलेंई अतु दोरच़ी यीशु मसीहू महिमा ए षटणा शुहबी जूंस।

फिलिपियों 4:7

दोहपल परमेश्वरो शांति, अंऊ मीहू समझबे परे तोह, केहतु सेहम ए केहतु विचार मसीह यीशु रिंङ सोटेगे ताऊतो।

कुलुस्सियों 2:20

छना कुचे केहतु पापो स्वाभाव मसीह रंङ साते सिए इलज़ा, झांह लेह हेंतेग केतिंङ दि संसारो कानून मनेक्च़िमी ज़रूरत माह। दंङ केरे छारिंङ हेंतेग लाह दिह कानूनो भाषे लहज़ातंई, छना कि हेंतेग लाह संसार केतिंङ वशरिंङ लहज़ा।

कुलुस्सियों 3:17

दंङ अंऊ बचन ला केहच़ी कुट्रातंई या छिल्ल ला लहज़ा तंई भत्ते धिर प्रभु यीशु मिंदंङ साते लंहि, दंङ प्रभु यीशु दोरच़ी परमेश्वरो बाहऊ धन्यवाद लंहि।

1 पतरस 2:24

अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।

1 पतरस 4:11

अगर केहतु कछंङ प्रचार लहज़िमी वरदान तोह, दंङ केतिंङ परमेश्वरो बचनो प्रचार लहज़ी जूंशी तोह। अगर केहतु कछंङ ऊईतु मदत लहज़िमी वरदान तोह, दंङ दू, दू सामर्थ रंङ साते लंहि अंऊ परमेश्वर केतिंङ रंड्रा। तांला छिल्ला धिर केहच़ी लोहनि दू यीशु मसीहू दोरच़ी परमेश्वरा बि महिमा रमतो। भत्ते महिमा ए सामर्थ हमेशा-हमेशा ओ थल्जी दोऊ शुह। अमीन।