रोमियो 5:9 - लाहौली बाइबिल

⁹ झांह लेह अपेहल हेनर परमेश्वरे रंङ साते धर्मी घोषित शुहचे इलांई, छना कुचे मसीह हेंदु थल्जी सिए इलि दंङ हेंदु पापो थल्जी एनोह शुहई बहाएक्ति। दंङ मसीह हेंदिंङ पक्‍का ए परमेश्वरो रोहषो दोरच़ी बचाएपोतो।

रोमियो 5:9 Iomraidhean Croise

यहून्नो 5:24

गेह केतंङ साते हेले कुट्रातग, अंऊ गिऊ शिक्षा रेड्रा ते गिह्बी च़रच़ा दोऊ टोहकठे विशवास लहज़ातोर, अनंत जीवन दोऊ शुह; दंङ दोबि सज़ा महा रमोर पर दोरे अनंत कालो सीमी दोरच़ी बचेके इलोर दंङ तुई ए खरकोई जीवनारिंङ अच़ा इलोर।

रोमियो 1:18

परमेश्वरो रोहष ता स्वर्गो दोरच़ी दुह मीहतु भत्ते पाहठी मदम ए अधर्मो कमो टोहकठे प्रगट शवाह, अंऊ एनोह मदम कमो दोरच़ी मीहतिंङ परमेश्वरो पाहठी सच्चाई ञेंहच़ी रंङ रोकेक्च़ातोर।

रोमियो 5:1

झांह लेह हेनर विशवासो दोरच़ी धर्मी ठहरेक्सा इलिन, दोहपल प्रभु यीशु मसीहू दोरच़ी परमेश्वरा रंङ साते हेंदु मेल-मिलाप शुचि इलजी तोह।

रोमियो 5:10

छना कुईनता बेरी शुहबी दशारिंङ दोऊ मीह सिऊ दोरच़ी हेंदु मेल परमेश्वरो साते शुई, ता यच़ाह मेल शुहचे इबिरंङ साते दोऊ जीवन कारणे हेंज़ी उद्धार छना मा खोकपोंई?

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

रोमियो 8:30

दंङ अतु थल्जी परमेश्वरे तुहई इरादा लाहते दोतिंङ अंङे ला च़रति, दंङ अतिंङ अंङाते, दोतिंङ धर्मी घोषित लहरी, दंङ अतिंङ धर्मी घोषित लहरी, दोतंङ साते एनोह महिमा ला फाए च़रति।

इफिसियों 2:13

इच्च़ा टेम तोहई अपेहल केरे परमेश्वरो दोरच़ी महस ऊईतार तोईनी, पर हेंतेग परमेश्वर केतिंङ यीशु मसीहू शुहई दोरच़ी एनोह कछंङ रैंज़ा हति।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

1 थिस्सलुनीकियों 1:10

दंङ दोच़ी कुट्रातोर कि केरे छना परमेश्वरो योह स्वर्गो दोरच़ी वापिस अपिमी उम्मीद लहज़ातंई, अतिंङ परमेश्वरे सिऊ दोतु बिचंङ श्रींङमी लहरी, मतलब यीशु बि, अंऊ हेंदिंङ परमेश्वरो दुह न्यायो दोरच़ी बचाएच़ा अंऊ अपिमी तोह।

इब्रानियों 9:14

दंङ सोचेक्तुंई कि मसीहू शुहई हेंदु सेहमा बि दू कमो दोरच़ी अंयों शुद्ध लोहतो अंऊ मौतो हखा शिलज़ातोर, ताकि हेनर श्रींङे परमेश्वरो सेवा लोहनि। छना कुचे अनंत आत्माओ सामर्थो दोरच़ी, मसीह ज़ि हेंदु पापो थल्जी एनाबि बलिदान लेह परमेश्वर बि भेंटो रूपारिंङ रें च़रति।

इब्रानियों 9:22

मूसा ओ कानूने कुट्रा कि लगभग भत्ते चीज़ातिंङ शुहई पुरच़िमी दोरच़ी शुद्ध लेह जूंशी तोह। शुई बहाके मेह, परमेश्वर मीहतिंङ दोतु पापो थल्जी माफ लेह मरपोतो।

1 यूहन्ना 1:7

अगर हेनर सही तरीका रंङ जीवन श्रींङमोंई, छना परमेश्वर सिद्ध रूपा रिंङ हेले तोह ध्वांए हेनर ला हेलेरिंङ श्रींङमोंई, दंङ इदि-अईदिरंङ साते संगति तहज़ातंई। दंङ परमेश्वरो योह यीशु मसीहू शुहई हेन्दिंङ भत्ते पापो दोरच़ी शुद्ध लहज़ा।