रोमियो 5:6 - लाहौली बाइबिल

⁶ छना कुचे अपेहल हेनर कमज़ोर ए तोहनी, दंङ परमेश्वरो ठहरासी टेमा रिंङ मसीह हेनर मदम मीहतु थल्जी सिए इलि।

रोमियो 5:6 Iomraidhean Croise

रोमियो 11:26

दि शुहबी रंङ साते भत्ते इस्राएली मीहरे उद्धार खोकपोर; छना पवित्रशास्त्र रिंङ च़ेहसी तोह, “छुड़ाएच़ा दू यरूशलेम शहरो दोरच़ी अपतो, दंङ अभाक्ति बि याकूबो खानदानो दोरच़ी शत्‌ह लोहतो।”

रोमियो 4:25

यीशु हेंदु अपराधो थल्जी सिए इलि, दंङ परमेश्वरे हेंदिंङ धर्मी बणाएट्रिमी थल्जी दोबि यह्च़ा श्रींङमी लहरी।

रोमियो 4:5

पर अंऊ परमेश्वर रंङ साते जोगे ठहरासिमी थल्जी कम माह लहज़ा पर अंऊ पापी मीहतिंङ धर्मी बणाषा परमेश्वरो टोईच़ी विशवास लहज़ा, दोऊ विशवास दोऊ थल्जी धर्मिकता शोतो।

रोमियो 5:10

छना कुईनता बेरी शुहबी दशारिंङ दोऊ मीह सिऊ दोरच़ी हेंदु मेल परमेश्वरो साते शुई, ता यच़ाह मेल शुहचे इबिरंङ साते दोऊ जीवन कारणे हेंज़ी उद्धार छना मा खोकपोंई?

रोमियो 5:7

शायद ए अरिया धर्मी मीह थल्जी एनोह जहान रमतो, दि ता खरे तोह, तांला शुहबी तरपोतो कि रूठे मीहू थल्जी अरिया सिमी थल्जी तेयार शुहचे योतो।

रोमियो 5:8

पर परमेश्वरे हेंदु टोईच़ी एनोह दाह ओ भलाई दि रीति रंङ प्रगट लहज़ा, कि अपेहल हेनर पापी ए तोहनि दोहथर मसीह हेंदु थल्जी सिए इलि।

रोमियो 8:32

परमेश्वरे एनोह योह एनोह थल्जी माह, पर दोबि हेंदु थल्जी एनोह बैरीतु हवाले लेह च़रति, दोई हेंदिंङ दू भत्ते धिर रमोतो अतिंङ दोई हेंदिंङ रंड्रीमी वाईदा लहसी ततो।

रोमियो 8:34

अच़िला हेंदु निन्दा लेह मरपोतो छना कुचे दू यीशु मसीह तोह, अंऊ हेंदु थल्जी सिए इलि, दंङ सिए दोतु बिचंङ ज़ि श्रींङमी लहरी हेंतेग परमेश्वरो सुचंङ हासी तोह, दंङ हेंदु थल्जी बिनती लहज़ा।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

गलातियों 4:4

पर अपेहल दू टेम अति अतु योजना परमेश्वरे बणाक्ते, दंङ परमेश्वरे एनोह योह दि संसारारिंङ च़रति, दंङ दू इच्च़ा मीहू रूपा रिंङ जेह्कते। दुह यहुदी जेह्के, मूसा ओ कानूनो अधीन दिऊ थल्जी बंङज़िरी,

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

कुलुस्सियों 2:13

दंङ परमेश्वरे केतिंङ, अंऊ पापमय स्वाभाव रिंङ तोईनी शाक्ति रंङ आज़ाद माह तोहनी, मसीह रंङ श्रींङमी लहरी दंङ हेंदु भत्ते गुनाह लाह माफ लहरी।

1 थिस्सलुनीकियों 5:9

छना कुचे परमेश्वरे हेनर दिऊ थल्जी अंङषी माह शुह, कि एनोह रोहषे हेंदिंङ सज़ा रमतो, पर दिऊ थल्जी अंङषी कि हेनर हेंदु प्रभु यीशु मसीहू दोरच़ी उद्धार खोकपोंई।

1 तीमुथियुस 1:9

ञेंहच़ी ञेंहच़ातोंई कि कानून धर्मी मीहतु थल्जी मशत पर दोतु थल्जी शुह अंऊ दोच़ी परमेश्वरो कानूनो अनदेखा लहज़ातोर दंङ दोऊ भाषे माह लहज़ातोर, दंङ लगातार पाप लहज़ातोर दंङ अंऊ मीहरे अपवित्र तोतोर, दंङ परमेश्वरो आदर माह लहज़ातोर, दोरे मीहरे अंऊ एनोह याह-बाह ए ऊई मीहतु हत्या लहज़ातोर,

तीतुस 2:12

दि मोह्ड़े दाह ओ दोरच़ी परमेश्वर हेंदिंङ हुकुम रंड्रा, कि हेनर ध्वांए ठ्रोह व्यवहार लेह बन्द लेह च़रपोंई, अंऊ दोबि खुश माह लहज़ा, दंङ दुह चीज़ा तु लालच लेह बंद लंहि अतु हिटी अविशवासी ज़ि तहच़ातेर, दंङ अपेहल हेनर हेंतेग दि धरतीऊ टोहकठे ए तोतोंई दंङ बुद्धिमानी ए धर्मिकता रंङ दि तरीका रंङ साते कम लंहि कि अंऊ परमेश्वराबि खुश लहज़ा।

इब्रानियों 8:3

छना कुचे हर इच्च़ा यहुदी महापुरोहित बि भेंट चढ़ाएच़िमी थल्जी दंङ पापो माफी ओ थल्जी बलिदान चढ़ाएच़िमी थल्जी अंङषी शुहबी, झांह लेह ज़रूरी तोह कि, कि हेंदु यहुदी पुरोहितो दोर ला छा चढ़ाईच़िमी थल्जी शुहबी जूंस।

1 पतरस 1:20

दि संसारो रचना बे तुहई, परमेश्वरे दि सोचेके चरच़ाते कि यीशु मसीह छुड़ाएसा शोतो। पर दू केहतु मदत लहज़िमी थल्जी दि अंतिम ध्याड़ा रिंङ दि संसारारंङ प्रगट शुई।

2 पतरस 3:7

छना ठ्रोह परमेश्वरे दिह संसारो भत्ते तिंङ हुकुम रंदे, ध्वांए ठ्रोह दोई हुकुम रांहषी ततो कि तुहई कि संसार दोहपल तचेक बणेंके बंङज़ोतो अपेहल तचेक कि मेह रंङ रोह्चे माह केट्रा। दुह दोतिंङ दुह ध्याड़ा तचेक तहज़ा अपेहल दुह भत्ते मीहतु न्याय लोहतो दंङ अधर्मी मीहतु नाश लेह च़रपोतो।

यहूदा 1:15

भत्ते मीहतु न्याय लहज़िमी थल्जी, दुह भत्ते मदम कमो थल्जी दोतु टोईच़ी दोष लगाएच़िमी थल्जी अंऊ दोच़ी परमेश्वरो खिलाप लहसी तातोर, दंङ दुह भत्ते मदम गप्पो थल्जी अंऊ दोच़ी दोऊ खिलाप कुहषी तातोर।”

यहूदा 1:18

दोच़ी केहतु हखा कुट्रातेर, कि “अन्तिम ध्याड़ारिंङ, झांह ठ्रोह मीहरे शोर अंऊ प्रभु ए दोऊ मीहतु मज़ाक उड़ाएपोर। दिरे दुह मीहरे शुरे अंऊ दोतु ज़िंदगी रिंङ दोतु मदम कमो हिटीऊ वशारिङ तोह।”

यहूदा 1:4

गेह केतिंङ चेहच़ातग, छना कुचे रें मीहरे अंऊ यीशु मसीहू टोईच़ी विशवास लहज़िमी दिखावा लहज़ातोर, दोरे केहतु बिचंङ शामिल शुहचे इलोर। दोच़ी परमेश्वरो आदर माह लहज़ातोर दंङ दोच़ी गलत शिक्षा रंड्रातोर कि परमेश्वर एनोह मोह्ड़े दाह ओ दोरच़ी हेंदु पाप माफ लेह च़रच़ा, झांह लेह हेनर मदम जीवन श्रींङमातंई। दोच़ी यीशु मसीह बि ग्रहण माह लहज़ातोर, अंऊ हेंदु इच्च़ा मालिक ए हेंदु प्रभु तोह। महस तुहई, पवित्रशास्त्रे कुट्रा, “कि परमेश्वर झांह ठ्रोह मीहतिंङ सज़ा रमतो।”