रोमियो 5:4 - लाहौली बाइबिल

⁴ दंङ धीरजो दोरच़ी रूठे चाल-चलन, दंङ रूठे चाल-चलनो दोरच़ी उम्मीद पैदा शुहबी।

रोमियो 5:4 Iomraidhean Croise

लूको 21:19

“केन्दु ज़कसिमी बजाहज़ि केहच़ी केनातु जहानो बचाके तोहई।”

रोमियो 15:4

अंयों गप्पा तुहई बेहच़ी पवित्रशास्त्रारिंङ च़ेहसी तोह, दू हेंदु ए शिक्षा ओ थल्जी च़ेहसी तोह, ताकि हेनर धीरज़ ए पवित्रशास्त्रो दोरच़ी छि याहब ओ दोरच़ी उम्मीद लोंहई, कि पवित्रशास्त्रे छि वाईदा लाहते, दू पूरा लोहतो।

फिलिपियों 2:22

पर केहच़ी ञेंच़ातंई कि तीमुथियुस छना कंङातो कि दुह वफादार तोह। छना योह बाह रंङ साते लहज़ा, ध्वांए ए दोई रूठे खबर फेलाच़िमी थल्जी गेरंङ साते मेहनत लहरी।

इब्रानियों 6:19

छना इच्च़ा मोह्ड़े मेखा रंङ छ़ुह्च़ी राह्शी किशती बि खड़े ए पक्‍का लेह तहज़ा, ध्वांए दि उम्मीद हेंदु जहान बि खड़े ए पक्‍का लेह तहज़ा तोह, अंऊ दोरच़ी हेंज़ी उम्मीद लोहवातंई दू यीशु शुह; अंऊ स्वर्गंङ महापवित्र ठाहरीरिंङ परमेश्वरो कछंङ इलजी तोह।

याकूब 1:12

धन्य शुह दुह मीह, अंऊ परीक्षारिंङ खड़े बंङज़ा, अपेहल दुह परीक्षा दोरच़ी पार शुहचे यवाह दंङ दोबि इच्च़ा ईनाम खोकसोतो। अंऊ अनंत जीवनो दुह मुकुट तोह अपि रंड्रीमी वाईदा परमेश्वरे एनोह दाह लहज़ा तंङ साते लहसी ततो।

1 पतरस 5:10

हेंतेग परमेश्वर अंऊ भत्ते तरीका रंङ मोह्ड़े दाह ए पिंङषा तोह, दोई हेंदिंङ यीशु मसीह रंङ साते हेंदु नाता ओ थल्जी स्वर्गा रिंङ दोऊ अनंत महिमा ओ थल्जी सहभागी शुहबिमी थल्जी हेनर अंङे च़रति। केहतु थोड़े टेमो दुख सहन लहज़िमी थल, परमेश्वर केतिंङ रूठे बणाके च़रपोतो ताकि केहतु अंदरेग ला छल्ले शुहबी मेस दंङ परमेश्वर केतिंङ पक्‍का लोहतो ताकि केहतु विशवास पक्‍का शोतो।