रोमियो 5:2 - लाहौली बाइबिल

² हेंदु विशवासो दोरच़ी, मसीह ज़ि हेंदिंङ दि मोह्ड़े दाह तचेक रैंज़ा हति अंऊर हेनर हेंतेग पिचे तोतोंई, ञेंरे दि गप्पारिंङ खुश शवातंई कि हेंदिंङ परमेश्वरो महिमा रि सहभागी शुहबिमी उम्मीद तोह।

रोमियो 5:2 Iomraidhean Croise

मत्ती 25:21

दोऊ मालिका ज़ि दोबि कुहतो, धन्य शुनाह हे रूठे ए विशवासो जोगे परगरा कांह थोड़ेरिंङ टंगा ढबाह सोठेक्च़िमी थल्जी विशवास जोगे बंङज़िन; गेह कनिंङ महस धिरो अधिकारी लेह केओग। केनोह मालिको खुशीरिंङ शामिल शुह।

यहून्नो 10:7

दंङ यीशु ज़ि दोतंङ यच़ाह कुंई, “गेह केतंङ हेले कुट्रातग, कि त्रैंई ञेंए च़रपोतो कि पितंङ गेह शुगाह।

यहून्नो 10:9

पितंङ गेह शुगाह; गिऊ दोरच़ी तोंखा अंजा दोतु परमेश्वर उद्धार लोहतो दंङ तोंखा धकतेखा इवा अपा लोहतो दंङ ज़ेइमी थल्जी चारा ला खोकपोतो।

यहून्नो 14:6

यीशु ज़ि दोरंङ साते कुंई, “अम, सच्चाई दंङ अनंत जीवन गेह ए शुगाह; गेह मेह अरीला पिता परमेश्वरो कछंङ पिचे मरपोतो।

यहून्नो 5:24

गेह केतंङ साते हेले कुट्रातग, अंऊ गिऊ शिक्षा रेड्रा ते गिह्बी च़रच़ा दोऊ टोहकठे विशवास लहज़ातोर, अनंत जीवन दोऊ शुह; दंङ दोबि सज़ा महा रमोर पर दोरे अनंत कालो सीमी दोरच़ी बचेके इलोर दंङ तुई ए खरकोई जीवनारिंङ अच़ा इलोर।

प्रेरित 14:27

अन्ताकिया शहरंङ पिचे, दोच़ी कलीसिया ओ मीहरे ठ्रोहका लहरिर दंङ कुईर, कि परमेश्वरे ञेंतंङ साते शुहचे छना मोह्ड़े-मोह्ड़े कम लहरी! दंङ छना परमेश्वरे ऊईजाति ऊ मीहतिंङ यीशु मसीहू टोहकठे बिशवास लहज़िमी जोगे लहरी।

रोमियो 11:20

दि हेले शुह, दू ता अविशवासो वहज़ा ज़ि थक्शी केई, पर कांह विशवास रंङ बड़ेकी बंङज़ातोन दिऊ थल्जी घमण्डी शुह, पर बेह्द चेहतु।

रोमियो 12:12

हेंदु कछंङ छि उम्मीद तोह दोऊ वहज़ा ज़ि खुशी मनेक्तुंई; मुसीबता रिंङ धीरज़ तंही भत्ते टेमारिंङ प्रार्थना लोहवा लंहि।

रोमियो 14:4

झांह लेह केतिंङ अतुआ ऊईतु परगरो न्याय लेह माह जूंस, दोई रूठे लोहतो या माह लोहतो दि दोऊ मालिको ज़िम्मेवारी शुह। दोई पक्‍का रूठे लोहतो; छना कुचे दोऊ प्रभु दोबि रूठे लहज़िमी सामर्थी तोह।

रोमियो 15:13

गेह प्रार्थना लहज़ातग कि परमेश्वर अंऊ उम्मीदो दाता तोह, केतिंङ विशवास लहज़िमी भत्ते पाहठी खुशी ए शांति रंङ साते पिंङे च़रपोतो, कि पवित्र आत्माओ सामर्थो दोरच़ी केहतु उम्मीद बणेंके योतो।

रोमियो 2:7

अंऊ मीहरे ड्काह बंङज़ा ते भलाई लहज़ा ते महिमा ए आदरो, अपेहल ला माह योह्सा जीवनो खोजारिंङ लेहकी बंङज़ातोर, परमेश्वर दोतिंङ अनंत जीवन रमतो;

रोमियो 3:23

झांह लेह भत्ते ज़ि पाप लहसी तातोर दंङ दू महिमा तचेक पिचे मारतेंई अंऊ परमेश्वरे रंड्रा।

रोमियो 5:5

दंङ उम्मीदारंङ शार्मिन्दगी माह शुहबी, छना कुचे पवित्र आत्मा अंऊ हेंदिंङ परमेश्वरे रांहषी ततो दोऊ दोरच़ी परमेश्वरे एनोह दाह रंङ साते हेंदु सेहम पिंङे केहतो।

रोमियो 8:1

झांह लेह, एंतेग अंऊ यीशु मसीह रिंङ तोतोर, दोतु टोईच़ी सज़ाओ हुकुम माह। (छना कुचे दोरे फुको हिसाबे माह पर आत्माओ हिसाबे जोज़ातोर।)

रोमियो 8:24

हेंतेग अंऊ परमेश्वरे हेनर बचाएकतो, दंङ हेंदु कछंङ दि उम्मीद तोह। पर अगर हेनर छा खोकसिमी उम्मीद लहज़ातंई अंऊ हेंदु कछंङ तुहई ए तोह, दंङ दू उम्मीद माह शुह। अरिला दू चीज़ खोकसिमी उम्मीद माह लहज़ा अंऊ दोऊ कछंङ तुहई ए तोह।

1 कुरिन्थियों 15:1

हे गिऊ प्यारे साथी विशवासी रे, गेह केतिंङ दुह ए रूठे खबर हिद दिलाएच़िमी तातग अंऊ गेह तुहई सुनाके चरच़ातग, अंऊ रूठे खबरो टोईच़ी केहच़ी विशवास लहज़ातंई दंङ अंऊ दोऊ दोरच़ी केरे खड़े ला तोतोंई।

2 कुरिन्थियों 3:18

हेनर भत्तेर इच्च़ा अर्शिऊ ठ्रोह तोतोंई, अंऊ परमेश्वरो तेज झांह ठ्रोह मोह्दु खंड्रातंई अंऊ दोतु टोहकठे परदा पड़ेके तोह, दंङ परमेश्वर हेंदिंङ लगातार बढाईक्च़ा तेज रिंङ महस बे महस एनोह ठ्रोह बणाएच़ा। दि तेज प्रभु दोरच़ी खोकसा, अंऊ पवित्र आत्मा तोह।

2 कुरिन्थियों 4:17

हेंदु दि कवचि ए थोड़े हरे दुख हेंदु थल्जी झांह ठ्रोह अनंत महिमा पैदा लहज़ा, अतु पाहठी हेंज़ी सोचेक्सी माहरच़ातंई।

इफिसियों 2:18

मसीह ज़ि हेंदु थल्जी छिल्ला धिर लहरी दोऊ वहज़ा ज़ि हेंतेग हेनर भत्तेर इच्च़ा पवित्र आत्माओ दोरच़ी बाहऊ कछंङ अपि तरपोंई।

इफिसियों 3:12

हेनर मसीहरिंङ विशवास लहज़ातंई, दंङ झांह लेह हेनर हिम्मत ए आत्मविशवास रंङ साते परमेश्वरो कछंङ अपातंई।

2 थिस्सलुनीकियों 2:16

ञेंहच़ी हेंदु प्रभु यीशु मसीहू हखा, दंङ हेंदु बाह परमेश्वरो हखा, अच़ि हेंदंङ साते दाह लहज़ा, दंङ अच़ि एनोह मोह्ड़े दाह रंङ साते अनंत उम्मीद रांहषी ततो,

इब्रानियों 3:6

पर मसीह योह रूपारिंङ एनोह टबरातु थल्जी विशवासो जोगे तोह दंङ दू टबर हेनर शुई, अगर हेनर हेंदु उम्मीद रिंङ हिम्मत ए घमण्ड लहज़ी जारी तोहनि ता, दंङ हेनर परमेश्वरो मीहरे शुहनि।

इब्रानियों 6:18

दंङ देर यह्च़ा झुह्ट गप्पो ज़िकर तोह, इच्च़ा दोऊ वाईदा, दंङ अई दोऊ कसम, अंऊ अपेहल ला लेहक्सतो माह दंङ अतु पाहठी परमेश्वर अपेहल ला हप्सी कुट्री मरपोतो। झांह लेह अंऊ हेनर परमेश्वरो कछंङ सुरक्षा खोकसिमी थल्जी अंज़े शुहई दंङ अंऊ उम्मीद दोई हेंदिंङ रांहषी ततो, दोबि चुमज़ा बंङज़ा तोंहि, दंङ हेनर महस खुश तोतोंई।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

प्रकाशित वाक्य 21:11

शहर परमेश्वरो दोरच़ी खोकसा दुह छंङी रें चमक्केपी लेहकी तोहई, दंङ दोऊ छंङी महस ए मंङे रह्घ मतलब यशब मिन्दु महस बेशकीमती रह्घो ठ्रोह चमकेपी लेहकी तोहई, दंङ अरशीहू ठ्रोह साफ तोहई।

प्रकाशित वाक्य 21:23

दुह शहरा बि छंङी ओ थल्जी ऐके या लच़ंङो ज़रूरत माह। छना कुचे परमेश्वरो महिमा दुह शहरारिंङ चमक्केपा, दंङ कुरच़ा ला तोह अंऊ दिबी छंङी लहज़ा।

प्रकाशित वाक्य 21:3

दंङ गेह इच्च़ा सग रेड्रीगा अंऊ परमेश्वरो सिंहासनो दोरच़ी कुट्री, “खंणु! एंतेग परमेश्वर मीहतु बिचंङ वास लोहतो दंङ एंतेग बेहच़ी परमेश्वर दोतंङ साते बंङज़ोतो, दंङ दोरे दोऊ मीहरे शोरे। दुह एनाह, दोतिंङ एनोह मीहतु रूपारिंङ स्वीकार लोहतो दंङ दुह दोतंङ साते बंङज़ोतो, दंङ दोरे ला दोबि एनोह परमेश्वरो रूपा रिंङ स्वीकार लोहर।

प्रकाशित वाक्य 3:21

अंऊ दोई जय खोकपोतो, गेह दोबि घेंङारंङ साते सिंहासनो टोईच़ी बंङज़ी लोहग, छना गेह ला जय खोकशी ते घेंङौ बाह रंङ साते दोऊ सिंहासनो टोईच़ी बंङज़ा इलिगा।