रोमियो 5:12 - लाहौली बाइबिल

¹² झांह लेह छना कि इच्च़ा मीहू दोरच़ी पाप संसारारिंङ अति, आदम ए दू मुण्डो मीह शुह अतिंङ परमेश्वरे बणाएषी शुह दंङ आदम ए पाप लहरी, दंङ सिए इलि। झांह लेह मौत भत्ते मीहतिंङ फेलेके इलि, छना कुचे भत्तेर पापी तोतोर।

रोमियो 5:12 Iomraidhean Croise

रोमियो 3:23

झांह लेह भत्ते ज़ि पाप लहसी तातोर दंङ दू महिमा तचेक पिचे मारतेंई अंऊ परमेश्वरे रंड्रा।

रोमियो 5:18

झांह लेह छना इच्च़ा मीहू अपराधो दोरच़ी भत्ते मीहतिंङ सज़ा खोकसिरी, ध्वांए इच्च़ा धर्मिकता ओ कम ला भत्ते मीहतु थल्जी धर्मी शुहबी वहज़ा शुई अच़ि जीवन रंड्रा।

रोमियो 5:19

छना कुचे इच्च़ा मीहू हुकुम माह मनेक्च़िमी रंङ साते महसे मीहरे पापी शुईरे, ध्वांए इच्च़ा मीहू हुकुम मनेक्च़िमी रंङ साते महसे मीहरे धर्मी बणेक्पोर।

रोमियो 5:21

कि छना भत्ते मीहच़ी पाप लाहतेर दंङ दोरे भत्ते सिए इलिर, ध्वांए ए हेंदु प्रभु यीशु मसीहू दोरच़ी मोह्ड़े दाह ला धर्मी बणाएपोतो दंङ दोतिंङ अनंत जीवन रमतो।

रोमियो 6:21

दंङ केनातु भत्ते जीवनो दोरच़ी केतिंङ छि फायदा शुई? केरे दोऊ वहज़ा ज़ि सिर्फ शर्मिन्दा शवातंई। छना कुचे दू कमो नतीज़ा मौत तोह।

रोमियो 6:23

छना कुचे पापो नतीज़ा ता मौत तोह, पर अंऊ वरदान परमेश्वर हेंदिंङ रंड्रा, दू ता अनंत जीवन तोह अंऊ हेंदु प्रभु मसीह यीशुरिंङ खोकसा।

1 कुरिन्थियों 15:56

मौतो डंक ता पाप तोह, दंङ पाप बि व्यवस्था ओ दोरच़ी हिम्मत खोकसा।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

याकूब 1:15

दिऊ थल अपेहल दोरे पाप लहच़िमी कल्पना लहज़ातोर, दंङ दिरिंङ पाप पैदा शवाह दंङ अपेहल पाप बड़ेंके यवाह दंङ थल मुखंङ दुह हमेशा ओ थल्जी सिए यवात।

याकूब 3:2

हेनर महसे फेरा पेहषा। अगर अरिया मीह अंऊ ला दोई कवात दोरिंङ छिल्ला गलती माह लहज़ातग, दंङ दुह सिद्ध मीह शुह; दंङ एनोह भत्ते फुको टोईच़ी नियंत्रण लेह तरच़ा।