रोमियो 5:11 - लाहौली बाइबिल

¹¹ सिर्फ दि मशत, पर हेंतेग ता हेंदु प्रभु यीशु मसीहू दोरच़ी परमेश्वरारंङ साते हेंदु मेल-मिलाप शुहचे इलज़ा; झांह लेह ञेंरे परमेश्वरा रिंङ खुश तोतोंई।

रोमियो 5:11 Iomraidhean Croise

लूको 1:46

दंङ मरियमे कुतोह, “गेह परमेश्वरो स्तुति लहज़ातग।

यहून्नो 1:12

पर अच़िला दुह अपनाएक्तोर, दोई दोतिंङ परमेश्वरो कटुरे शुहबिमी अधिकार रेंई, या दोरे अच़ि दोऊ टोहकठे विशवास लहज़ातोर।

रोमियो 11:15

छना कुचे अपेहल इस्राएली मीहतु त्याग लहज़िमी रंङ साते संसारो मीहतु परमेश्वरारंङ साते मेल-मिलाप शुई, दंङ दोतु मसीह बि ग्रहण लहच़ी, इच्च़ा सि मीहू श्रींङे इबिमी बराबर शुहचे योतो।

रोमियो 2:17

दंङ केनातु पाहठी सोचेक्तेंई केरे केनातिंङ यहुदी कुट्रातंई; दंङ मुसाओ कानूनो टोहकठे निर्भर बंङज़ा घमंड लहज़ातंई कि केरे परमेश्वरो खास मीह शुई।

रोमियो 5:1

झांह लेह हेनर विशवासो दोरच़ी धर्मी ठहरेक्सा इलिन, दोहपल प्रभु यीशु मसीहू दोरच़ी परमेश्वरा रंङ साते हेंदु मेल-मिलाप शुचि इलजी तोह।

रोमियो 5:10

छना कुईनता बेरी शुहबी दशारिंङ दोऊ मीह सिऊ दोरच़ी हेंदु मेल परमेश्वरो साते शुई, ता यच़ाह मेल शुहचे इबिरंङ साते दोऊ जीवन कारणे हेंज़ी उद्धार छना मा खोकपोंई?

रोमियो 5:3

सिर्फ दि माह, पर हेनरे दुखारि ला खुशी मनेक्पोंई, दि ञेंए कि दुखा रिंङ ए धीरज़,

रोमियो 8:23

सिर्फ धोंण ए मशत, पर हेनरे ला, अतिंङ शुहबिमी महिमा बे तुहई स्वादो रूपारिंङ पवित्र आत्मा बसेक्पा। एनोह अंदरेग ए अंदरेग क्रिम्बातोर। हेंतेग ञेंरे दू ध्याड़ा बि रुमज़ा तोतोंई अपेहल परमेश्वर हेंदिंङ एनोह गोद लेहपसी कटुतु रूपारिंङ भत्ते अधिकार रें च़रपोतो। मतलब हेंदिंङ खरकोई फुक रें हेंदु फुक आज़ाद लेह च़रपोतो।

रोमियो 9:10

दंङ सिर्फ दि माह, पर अपेहल रिबका ला इच्च़ा रंङ ए साते मतलब हेंदु पूर्वज इसहाको दोरच़ी खोकटुंङ तोहई, दू मुक्का दोऊ खोकटुंङ झुह्ट कटुरे तोईरे।”

1 कुरिन्थियों 10:16

अपेहल हेनर प्रभु भोज रिंङ इस्तेमाल शुचाह कोली ऊ दोरच़ी दाखो रस तुंङमातंई, अतु थल्जी हेंज़ी परमेश्वरा बि धन्यवाद लहज़ातंई, दंङ हेनर हेले रिंङ मसीहू शुहई रिंङ शामिल शुहचे य्वातंई। दंङ अपेहल हेनर रोटी खंणी लहज़ातंई दंङ दिबी ज़ोवातंई, दंङ हेनर हेले रिंङ मसीहू फुकारिंङ शामिल शवातंई।

2 कुरिन्थियों 8:19

दंङ धोंण ए मशत, पर दू विशवासी तु दोरच़ी ठहरासी ला तोह कि दि दानो कमो ओ थल्जी ञेंतंङ साते योतो दंङ ञेंहच़ी दि सेवा दिऊ थल्जी लहज़ातंई, कि प्रभु महिमा ए दि कंड्रिमी थल्जी कि ञेंरे यरूशलेमा रिंङ विशवासी तु मदत लहज़िमी थल्जी खुश तोतोंई।

गलातियों 4:9

पर हेंतेग ता केरे परमेश्वरा बि ञेंहनि, दंङ परमेश्वरे केतिंङ ला ञेंहच़ा, दंङ केरे दू कमज़ोर ए निक्कमा शिक्षा ओ गुलाम शुहबिमी थल्जी छारिंङ यह्च़ी लेहकी तोतोंई? छि यह्च़ा केरे दोबारा दोऊ गुलाम शुहबी जुन्ज़ातंई आ?

गलातियों 5:22

पर अपेहल पवित्र आत्मा हेंदिंङ काबू लहज़ा दंङ दोऊ गुण दि तोह “दाह, खुशी, शांति, धीरज़, दया, भलाई, विशवासो जोगे, नम्रता दंङ हेंदु टोईच़ी काबू लहज़ी।”

फिलिपियों 3:1

झांह लेह गिऊ प्यारे साथी विशवासी रे, प्रभुरिंङ खुश बंङज़ोंई। दुह ए गप्पारे केतिंङ घड़ी-घड़ी च़ेहच़ी गिह्बी ता छिल्ला कष्ट माह शवाह, पर दि गप्पा केतिंङ हप्सी शिक्षा ओ दोरच़ी ला बचाएपोतो।

फिलिपियों 3:3

छना कुचे परमेश्वरो सच्चा मीह ता हेनर शुई, अंऊ परमेश्वरो अराधना दोऊ आत्माओ दोरच़ी लहज़ातोर दंङ एनोह जीवनारिंङ मसीह यीशु एकता रिंङ खुश शवाहतोर दंङ एनोह कोशिशो टोहकठे भरोसा माह लहज़ातोर।

फिलिपियों 4:4

प्रभुरिंङ सदा खुश बंङज़ुंई; गेह यह्च़ा कुट्रातग, खुश बंङज़ुंई।

कुलुस्सियों 2:6

दंङ छना केहच़ी मसीह यीशु बि प्रभु लहच़ी ग्रहण लेह केहरिन, ध्वांए लगातार दोऊ थलेच़ि ज़ोजा लंहि,

1 पतरस 1:8

केहच़ी यीशु बि अपेहला तंङसी माह तंई, तांला केहच़ी दोरंङ साते दाह लहज़ातंई। केहच़ी दू हेंतेग ला माह तंङज़ातंई, पर केहच़ी विशवास लहज़ातंई। झांह लेह, केरे खुशीऊ मोह्ड़े दाह ज़ि महस खुश तोतोंई अंऊ दोबि शब्दा रिंङ बयान लेह मरपोंई।