रोमियो 5:10 - लाहौली बाइबिल

¹⁰ छना कुईनता बेरी शुहबी दशारिंङ दोऊ मीह सिऊ दोरच़ी हेंदु मेल परमेश्वरो साते शुई, ता यच़ाह मेल शुहचे इबिरंङ साते दोऊ जीवन कारणे हेंज़ी उद्धार छना मा खोकपोंई?

रोमियो 5:10 Iomraidhean Croise

यहून्नो 14:19

दंङ थोड़े अरे टेम केहषा इल्जी तोह कि संसारो मीहरेर गिह्बी माह खमोर, केहच़ी गेह खमोंई छना कुचे गेह यच़ाह श्रींङी योह्ग, दंङ दिऊ थल्जी केहरे लाह श्रींङी बंङज़ोई।

यहून्नो 5:26

छना कुचे अंऊ रीतिरंङ पिता परमेश्वरे ऐनाह जीवन तहच़ा, ध्वांए दोई गिह्बी ला दिह अधिकार रांहषी ततो कि गेह घेंङा ए जीवन तोईग;

यहून्नो 6:40

छना कुचे गिऊ पिता परमेश्वरो हिटी दिह तोह, कि अच़िला गिह्बी खमोर, दंङ गिऊ टोहकठे विशवास लोहर, दोई अनंत जीवन खोक्पोतो; दंङ गेह अंतिम ध्याड़ा रिंङ यच़ाह षीङमी लोहग।”

यहून्नो 6:57

गिऊ पिता परमेश्वर अच़ि गेह च़रसी शुगाह, दोई जीवन रंड्री। छना ठ्रोह दोई गिह्बी जीवन रंदो, ध्वांए गेह ला दुह मीहबी जीवन रमोग अच़ि गिऊ फुक ज़ोतो।

रोमियो 11:28

यहुदी मीहरे परमेश्वरो बैरी शुरे छना कुचे दोरे रूठे खबरो टोईच़ी विशवास लेह माह जुन्ज़ातोरे, दंङ दि केहतु थल्जी फायदा बणेंके इलज़ा। पर परमेश्वर दोतंङ साते दाह लहज़ा छना कुचे दोई दोतिंङ एनोह थल्जी अंङे चरच़तो। दि गप्पो दोई दोतु बाह-मेमेतंङ साते वाईदा लहसी तते।

रोमियो 5:11

सिर्फ दि मशत, पर हेंतेग ता हेंदु प्रभु यीशु मसीहू दोरच़ी परमेश्वरारंङ साते हेंदु मेल-मिलाप शुहचे इलज़ा; झांह लेह ञेंरे परमेश्वरा रिंङ खुश तोतोंई।

रोमियो 5:6

छना कुचे अपेहल हेनर कमज़ोर ए तोहनी, दंङ परमेश्वरो ठहरासी टेमा रिंङ मसीह हेनर मदम मीहतु थल्जी सिए इलि।

रोमियो 8:32

परमेश्वरे एनोह योह एनोह थल्जी माह, पर दोबि हेंदु थल्जी एनोह बैरीतु हवाले लेह च़रति, दोई हेंदिंङ दू भत्ते धिर रमोतो अतिंङ दोई हेंदिंङ रंड्रीमी वाईदा लहसी ततो।

रोमियो 8:34

अच़िला हेंदु निन्दा लेह मरपोतो छना कुचे दू यीशु मसीह तोह, अंऊ हेंदु थल्जी सिए इलि, दंङ सिए दोतु बिचंङ ज़ि श्रींङमी लहरी हेंतेग परमेश्वरो सुचंङ हासी तोह, दंङ हेंदु थल्जी बिनती लहज़ा।

रोमियो 8:7

पापमय स्वाभावो टोईच़ी सेहम लगाईचि ता परमेश्वरारंङ साते बैर लहज़ी शुह, छना कुचे पापमय स्वाभाव माह ता परमेश्वरो कानूनो अधीन तोह, दंङ माह मुसाओ कानून भाषे लेह तरपोतो;

2 कुरिन्थियों 5:20

झांह लेह हेनर मसीहू राजदूतारे शुहनि; परमेश्वरे दोऊ खबर स्वीकार लहज़िमी थल्जी हेंदु थल्जी दोरच़ी मीहतु बिनती लहज़ा। हेनर मसीहू हखा निवेदन लहज़ातंई, कि परमेश्वरारंङ साते मेल मिलाप लोहनि।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

इफिसियों 2:16

क्रूसो टोईच़ी एनोह मौतो दोरच़ी मसीह ज़ि झुह्ट झुण्डा बि इच्च़ा लेह च़रति दंङ दोतु मेल-मिलाप परमेश्वरा रंङ साते लेह च़रति, झांह लेह यहुदी ए ऊईजाति तु मीहतु बिचंङ दुश्मनी योह्च़े च़रति।

इफिसियों 2:3

ञेंरे ला तुहई कि ए ठ्रोह जीवन श्रींङमातंई, दंङ पापी स्वाभावो हिटी पूरा लहज़ातेर, अंऊ ला हेंदु मदम हिटी दंङ मदम विचार ञेंहतु दोरच़ी लोहवातेर ञेंहच़ी दू ए लहज़ातंई। ऊईतु ठ्रोह, ञेंरे ला स्वाभाविक रूपारिंङ ज़ि मदम तोतोर, दंङ परमेश्वरो सज़ाओ अधीन तोहनि।

इब्रानियों 2:17

झांह लेह यीशु थल्जी दि जूंशी तोहई, कि हेंदु ठ्रोह भत्ते गप्पा रिंङ बणेंके योतो, ताकि दुह परमेश्वरो तुईज़ी हेंदु दयालु ए विशवासो जोगे यहुदी महापुरोहित बणेक्पोतो। दोहपल दोई झांह ठ्रोह बलिदान चढ़ाके तरपोतो, अंऊ दोरच़ी मीहतु पाप श्ताह शुचि इबि।

इब्रानियों 7:25

दिऊ थल्जी अंऊ यीशु मसीहू दोरच़ी परमेश्वरो कछंङ अपातोर, दू दोतु पूरा-पूरा उद्धार लेह तरपोतो, छना कुचे दू दोतु थल्जी बिनती लहज़िमी हमेशा श्रींङे तोह।

1 यूहन्ना 2:1

हे गिऊ प्यारे कटुरे, गेह दि गप्पारे केतिंङ झांह लेह चेहच़ातग कि केहच़ी पाप थालंही। दंङ अच़िया पाप लहरी ता, दंङ बाह परमेश्वर ओ कछंङ हेंदु थल्जी इच्च़ा सहायक तोह; अंऊ हेंदु पापो माफी ऊ थल्जी बाह परमेश्वर रंङ साते प्रार्थना लहज़ा मतलब यीशु मसीह अंऊ धर्मी तोह।

1 यूहन्ना 4:10

हेंदु दाह परमेश्वरो थल्जी सच्चे माह, पर परमेश्वरो दाह हेंदु थल्जी सच्चा तोह। परमेश्वरे हेंदु पाप ऊई तार लहच़िमी थल्जी एनोह योह बलिदान लेह च़रति अतु वहज़ा ज़ि हेंदु पाप माफ शुहचे इलिर।

प्रकाशित वाक्य 1:18

गेह इच्च़ा फेरा सिए इलजी तोईगा। पर हेंतेग गेह श्रींङे तोतोग दंङ हमेशा गेह श्रींङे बंङज़ोग। सिमी ए अधोलोको केईटी गिऊ कछंङ तोतोर।