रोमियो 4:6 - लाहौली बाइबिल

⁶ ध्यांए ठ्रोह, रज्ज़ा दाऊदे च़ेहसी ततो, कि अंऊ मीहबी परमेश्वरे कम मेह धर्मी ठहरासा, दोबि आशीष ला रंड्रा।

रोमियो 4:6 Iomraidhean Croise

मत्ती 25:19

महस ध्याड़ो थल दुह परगरातु मालिका अंज़े दोतिंङ दिह पता लगाएच़िमी थल्जी ठ्रोहका लहतो कि दोच़ी दोऊ ढबाह रंङ साते छि लहतो।

रोमियो 1:17

छना कुचे रूठे खबरा रिंङ परमेश्वरे दि प्रगट लाह कि दुह मीहतङ भत्ते रिति रंङ धर्मी घोषित लहज़िमी जोगे तोह, अंऊ दू शुरूआत बेहच़ी थल मुखंङ तचेक विशवासा रिंङ टिकेकी तोह छना पवित्र शारत्ररिंङ च़ेहसी तोह, “विशवासो दोरच़ी धर्मी मीह श्रींङे बंङज़ोतो।”

रोमियो 3:27

दंङ, छि झांह ठ्रोह चीज़ तोह कि अतु पाहठी हेंज़ी घमंड लेह तरपोंई? दोऊ थल्जी छल्ले जगह माह। अंऊ मुसाओ कानूनो वहज़ा ज़ि? दि दिऊ थल्जी तोह छना कुचे हेनर कानून भाषे लहज़ातंई? माह, पर यीशु मसीहू टोहकठे विशवास लहज़िमी वहज़ा रंङ तोह।

रोमियो 4:11

परमेश्वरे अब्राहमा बि तुहई ए स्वीकार लेह चरच़ाते दंङ दोबि धर्मी घोषित लेह च़रति, हालांकि हेंतेग तचेक दोऊ खतना शुहसी माह तोहई। खतना ओ चिन्ह स्वीकार लहज़िमी मोहर शुह। झांह लेह, दुह, दुह मीहतु आत्मिक बाह बणेंके तोह, अच़ि विशवास लहज़ा तोर, पर दोतु खतना शुहचे माह दोरे एनोह विशवासो दोरच़ी धर्मी शुहचे इलोर।

रोमियो 4:24

पर हेंदु थल्जी ला तोह अगर हेनर परमेश्वरो टोहकठे विशवास लोंहि, अच़ि हेंदु प्रभु यीशु बि सिऊ दोतु बिचंङ ज़ि श्रींङमी लहरी, दंङ हेनर ला विशवासो दोरच़ी धर्मी शुहचे योंई।

रोमियो 4:5

पर अंऊ परमेश्वर रंङ साते जोगे ठहरासिमी थल्जी कम माह लहज़ा पर अंऊ पापी मीहतिंङ धर्मी बणाषा परमेश्वरो टोईच़ी विशवास लहज़ा, दोऊ विशवास दोऊ थल्जी धर्मिकता शोतो।

रोमियो 4:7

“धन्य शुरे दोरे अतु अधर्म माफ शुई, दंङ अतु पाप माफ शुहचे इलिर,

रोमियो 4:9

दंङ दि धन्य बचन, छि खतना लहसी यहुदी तु थल्जी ए शुह, या खतना मेह ऊईजाति तु थल्जी ला शुह? ञेंहच़ी दुह ए कुट्रातंई अंऊ पवित्र शास्त्र कुट्रा, “कि अब्राहमे परमेश्वरो दोरच़ी कुहषी गप्पो टोईच़ी विशवास लहरी दिऊ वहज़ा ज़ि दू परमेश्वरो नज़रारिंङ धर्मी शुहचे इलि।”

1 कुरिन्थियों 1:30

पर परमेश्वरे केतिंङ यीशु मसीह रंङ साते इच्च़ा लेह च़रति, दंङ यीशु मसीहू दोरच़ी दोई हेंदिंङ एनोह ज्ञान रंड्रा। परमेश्वर हेंदिंङ एनोह नज़रारिंङ धर्मी ला साबित लहज़ा। यीशु मसीहू दोरच़ी हेनर पवित्र शुहचे तोंहि, दंङ दोई हेंदिंङ पापो दोरच़ी आज़ाद लेह च़रच़ा।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

गलातियों 3:14

मसीह दि दिऊ थल्जी लहरी ताकि ऊईजाति तिंङ दोऊ आशीष खोकसोतो अतु वाईदा परमेश्वरे अब्राहमा रंङ साते यीशु मसीहू दोरच़ी लाहते। दंङ मसीह रिंङ विशवासो दोरच़ी, हेनर पवित्र आत्मा खोकपोंई अतु वाईदा दोई हेन्दिंङ रंड्रीमी थल्जी लाहते।

गलातियों 4:15

दू मुक्का केरे महस खुश तोतोंई! केहतु दू खुशी हेंतेग अंऊर तोह? गेह हेले रिंङ दि कुट्री तरपोग कि केरे गिऊ थल्जी छिल्ला लहज़िमी थल्जी तेयार तोईनि; अगर शुहचे तरपो ता केहच़ी केनातु टिरा ला हुंच़े गिह्बी रें च़रपोंई।

इफिसियों 1:3

हेंदु परमेश्वर ए प्रभु यीशु मसीहू बाहऊ महिमा शुहबी जूंस, अच़ि हेंदिंङ मसीहू दोरच़ी स्वर्गंङ ज़ि खोकसा, भत्ते पाहठी आशीष रें च़रति। दि मसीहरंङ हेंदु एकता ओ वहज़ा ज़ि शुई।

फिलिपियों 3:9

ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।

2 तीमुथियुस 1:9

अच़ि हेंदु उद्धार लहतो, दंङ हेंदिंङ पवित्र जीवन श्रींङमी थल्जी बुलासी शुई, दोई हेंदिंङ दिऊ थल्जी माह बुलाएक्तो कि हेंज़ी रूठे कम लाहतेन पर एनोह मकसद ए दुह मोह्ड़े दाह ओ हिसाबे बुलाएकते, अतु सकिम परमेश्वरे तुहई ए यीशु मसीह बि दि संसारारंङ च़रच़िमी दोरच़ी बणाकते।

याकूब 2:18

अगर अच़िया झांह कुट्रा कि, “कनिंङ विशवास तोह, दंङ गेह रूठे कम लहज़ातग।” पर गेह कुट्रतग कि केई केनोह विशवास गिह्बी रूठे कम मेह साबित लोह; दंङ गेह घेंङौ विशवास घेंङौ कमो दोरच़ी कनिंङ साबित लोहग।

2 पतरस 1:1

गेह, शमौन पतरस, अंऊ यीशु मसीहऊ दास ए प्रेरित शुगाह, केतिंङ चेहच़ातग। गेह केहतु भत्ते तु थल्जी चेहच़ातग। अंऊ दुह बहुमूल्य विशवास बि ठ्रोहका लहज़ातंई अंऊ हेंदु परमेश्वर ए उद्धार लहज़ा यीशु मसीहू दोरच़ी हेंदिंङ रांहषी तोह, अंऊ हेंदिंङ परमेश्वरा रंङ साते धर्मी ठहराच़ा।