रोमियो 4:5 - लाहौली बाइबिल

⁵ पर अंऊ परमेश्वर रंङ साते जोगे ठहरासिमी थल्जी कम माह लहज़ा पर अंऊ पापी मीहतिंङ धर्मी बणाषा परमेश्वरो टोईच़ी विशवास लहज़ा, दोऊ विशवास दोऊ थल्जी धर्मिकता शोतो।

रोमियो 4:5 Iomraidhean Croise

मरकुसो 9:23

यीशुज़ि दोबि कुतोह, “केई झांह ठ्रोह छिल्ला कुट्रातन, ‘कि केई लेह तरपोन ता?’ रेड्रु! विशवास लहज़ा दोतु थल्जी भत्ते धिर शुहचे इबी।”

यहून्नो 5:24

गेह केतंङ साते हेले कुट्रातग, अंऊ गिऊ शिक्षा रेड्रा ते गिह्बी च़रच़ा दोऊ टोहकठे विशवास लहज़ातोर, अनंत जीवन दोऊ शुह; दंङ दोबि सज़ा महा रमोर पर दोरे अनंत कालो सीमी दोरच़ी बचेके इलोर दंङ तुई ए खरकोई जीवनारिंङ अच़ा इलोर।

यहून्नो 6:29

यीशु ज़ि दोतिंङ जुबाब रेंई, “परमेश्वरे जुंज़ातो कि केहरे दोऊ टोहकठे विशवास लांही अरी दोई च़रसी शुह।”

रोमियो 10:3

दोरे दू धर्मिकता माह ञेंहच़ातोर, अंऊ दोबि परमेश्वरे जुंज़ा, दंङ दोरे एनोह धर्मिकता बि स्थापित लहज़ी बंङज़ातोर। झांह लेह दोच़ी एनाबि परमेश्वरो अधीन माह लहरिर।

रोमियो 3:22

अपेहल हेनर यीशु मसीहू टोहकठे विशवास लहज़ातंई, दंङ हेनर परमेश्वरो दोरच़ी धर्मी शुहचे य्वातंई, अंऊ कि भत्ते विशवास लहज़ा तु थल्जी तोह। परमेश्वर भत्ते तंङ साते इच्च़ा ठ्रोह व्यवहार लहज़ा।

रोमियो 4:24

पर हेंदु थल्जी ला तोह अगर हेनर परमेश्वरो टोहकठे विशवास लोंहि, अच़ि हेंदु प्रभु यीशु बि सिऊ दोतु बिचंङ ज़ि श्रींङमी लहरी, दंङ हेनर ला विशवासो दोरच़ी धर्मी शुहचे योंई।

रोमियो 4:3

पवित्रशास्त्रारिंङ छि च़ेहसी तोह? “कि अब्राहमे परमेश्वरो दोरच़ी कुहषी गप्पो टोईच़ी विशवास लहरी दिऊ वहज़ा ज़ि दुह परमेश्वरो नज़रारिंङ धर्मी शुहचे इलि।”

रोमियो 4:6

ध्यांए ठ्रोह, रज्ज़ा दाऊदे च़ेहसी ततो, कि अंऊ मीहबी परमेश्वरे कम मेह धर्मी ठहरासा, दोबि आशीष ला रंड्रा।

फिलिपियों 3:9

ताकि गेह मसीह रंङ साते एकता रिंङ बणेंके बंङज़ोग, माह कि घेंङौ दुह धर्मिकता रंङ साते, अंऊ मूसा ओ कानूनरंङ साते तोह, पर मसीहू टोहकठे विशवास लहच़िमी रंङ साते अंऊ परमेश्वरो दोरच़ी विशवास लहच़िमी रंङ साते खोकसा।