रोमियो 4:25 - लाहौली बाइबिल

²⁵ यीशु हेंदु अपराधो थल्जी सिए इलि, दंङ परमेश्वरे हेंदिंङ धर्मी बणाएट्रिमी थल्जी दोबि यह्च़ा श्रींङमी लहरी।

रोमियो 4:25 Iomraidhean Croise

मत्ती 20:28

छना कि गेह मीहू योह; दिऊ थल्जी अंज़े मशुह कि गिऊ सेवा टहल शुहबी जूंस, पर दिऊ थल्जी अंज़े शुह कि सेवा टहल लोहग, दंङ महसतिङ बचाएच़िमी थल्जी घेंङौ जान रमोग।”

रोमियो 3:25

परमेश्वरे यीशु मसीह बि हेंदु पापो थल्जी बलि शुहबिमी थल्जी च़चे च़रति। यीशु मसीह ज़ि एनोह जीवनो बलि दिऊ थल्जी रें च़रति, ताकि दोऊ टोहकठे विशवास लहज़ा हेनर परमेश्वरो कछंङ अपि तरपोंई। दंङ परमेश्वरे दि दिऊ थल्जी लहरी कि दोई तुहई दि सही लहरी, अपेहल दोई पापी तिंङ माफ लहज़िमी थल्जी धीरज़ लहरी। दिरंङ दि ला पता लेहकी यवात कि परमेश्वर सही तोह, अपेहल दोई दुह मीहतिंङ अपनाएच़ा अंऊ यीशु टोहकठे विशवास लहज़ातोर।

रोमियो 5:18

झांह लेह छना इच्च़ा मीहू अपराधो दोरच़ी भत्ते मीहतिंङ सज़ा खोकसिरी, ध्वांए इच्च़ा धर्मिकता ओ कम ला भत्ते मीहतु थल्जी धर्मी शुहबी वहज़ा शुई अच़ि जीवन रंड्रा।

रोमियो 8:3

छना कुचे अंऊ कम, मुसाओ कानून पापो स्वाभावो दोरच़ी कमज़ोर शुहचे लेह मरति, दोबि परमेश्वरे लहरी। दोई पापो प्रायश्चितो थल्जी एनोह योह बि ए पापी मीहू ठ्रोह पापो बलि ऊ थल्जी च़चे च़रति, झांह ठ्रोह परमेश्वरे पाप मय फुकारिंङ ए पापो सामर्थ थाक्शे च़रति।

1 कुरिन्थियों 15:17

दंङ अगर मसीह श्रींङे माह, दंङ केहतु विशवास लहज़ी बेकार शुह; दंङ केरे हेंतेग तचेक केनातु पापारिंङ फसेके तोतोंई।

2 कुरिन्थियों 5:15

दंङ झांह लेह मसीह भत्ते तु थल्जी सिए इलि, कि अंऊ श्रींङे तोरे, दोरे तुंखा सिर्फ एनाबि खुश लहज़िमी थल्जी श्रींङमी माह जूंस पर दोतिंङ मसीहू थल्जी श्रींङमी जूंस। मसीह दोतु थल्जी सिए इलि दंङ बाह परमेश्वरे दोबि श्रींङमी लहरी।

2 कुरिन्थियों 5:21

मसीह, अंऊ पापो दोरच़ी अंजान तोहई, परमेश्वरे हेंदु पापो थल्जी मसीह बि पापो दोष लगाएती ठहराति, ताकि हेनर परमेश्वरो नज़रा रिंङ धर्मी शुहचे योंई छना कुचे मसीह ज़ि हेंदु पापो सज़ा एनोह टोहकठे लेहपच़े च़रति।

गलातियों 1:4

हेंदु परमेश्वर ए बाह ओ हिटीऊ हिसाबे यीशु मसीह ज़ि एनाबि हेंदु पापो वहज़ा ज़ि बलिदान लेह च़रति ताकि दोई हेंदिंङ दू मदम शाक्ति ओ दोरच़ी बचाके च़रपोतो अंऊ तोग दि संसारारंङ कम लहच़ी लेहकी तोह।

गलातियों 2:20

गेह ञेंहनि मसीह रंङ साते क्रूसो टोईच़ी सिए इलिगा, एंतेग गेह श्रींङी माह केहश्रिगा। दंङ गेह फुका रिंङ एंतेग श्रींङी तोतोग; दंङ सिर्फ परमेश्वरो योह टोहकठे विशवास रंङ साते श्रींङे तोतोग, अंऊ दोई गेरंङ साते धोंण दाह लहज़ा कि गिऊ थल्जी एनोह जहान रें च़रति।

गलातियों 3:13

मसीह हेंदु थल्जी क्रूसो टोईच़ी सिए इलि दंङ दोई शाप एनोह टोहकठे कुरच़े हेंदिंङ मूसा ओ कानूनो शापो दोरच़ी मुक्त लेह च़रति। छना कुचे पवित्र शास्त्रारिंङ दि च़ेहसी तोह कि “शापित तोह दू अंऊ क्रूसो टोहकठे सच़ी चरच़ातोर।”

इफिसियों 5:2

मसीहू उदाहरणो हिद लहज़ा, ऊईतु थल्जी दाह रंङ साते जीवन श्रींङमा तंई, अच़ि केतंङ साते दाह लहज़ा दंङ केहतु पाप उठाएच़िमी थल्जी एनाबि बलिदान लेह च़रति। दंङ दिरंङ खुश तोहई छना कुचे दू बलिदान दोऊ थल्जी इत्रो ठ्रोह तोह।

तीतुस 2:14

यीशु मसीह हेंदु थल्जी सिए इलि ताकि हेंदिंङ भत्ते पाहठी पापो दोरच़ी आज़ाद लोहतो दंङ हेंदिंङ शुद्ध लेह तरपोतो ताकि हेनर दोऊ खास मीहरे बणेंके योंई। अंऊ रूठे कम लहज़िमी थल्जी भत्ते तरफे समर्पित शोतो

इब्रानियों 8:3

छना कुचे हर इच्च़ा यहुदी महापुरोहित बि भेंट चढ़ाएच़िमी थल्जी दंङ पापो माफी ओ थल्जी बलिदान चढ़ाएच़िमी थल्जी अंङषी शुहबी, झांह लेह ज़रूरी तोह कि, कि हेंदु यहुदी पुरोहितो दोर ला छा चढ़ाईच़िमी थल्जी शुहबी जूंस।

इब्रानियों 9:28

ध्वांए ठ्रोह, मसीह ला भत्ते मीहतु पाप बि एनोह टोईच़ी कुरच़ा इच्च़ा फेरा बलिदान शुहचे इलि। अपेहल दू दोबारा अपतो दू मुक्का दू पापो थल्जी बलिदान शुहबी मशत पर दोतिंङ बचाएच़िमी थल्जी अपतो अंऊ दोबि रुमज़ा तोतोर।

1 पतरस 1:21

यीशु मसीह ज़ि अंऊ हेंदु थल्जी लाहते दोऊ वहज़ा केरे हेंतेग परमेश्वरो टोईच़ी विशवास लहज़ा तंई। दू, दू ए शुह अच़ि यीशु मसीह बि दोऊ सिमी थल यहच़ा‍‍ श्रींङमी लहरी दंङ दोबि महिमा रें। झांह लेह केहच़ी विशवास लहज़ातंई दंङ परमेश्वरो टोईच़ी केहतु विशवास हेंतेग पक्‍का तोह।

1 पतरस 2:24

अपेहल मसीह सिए इलि, दंङ हेंदु पापो थल्जी क्रूसो टोईच़ी दोऊ फुका बि तकलीफ रेंईर ताकि हेनर पाप लेह बन्द लेह केओनि दंङ धर्मिकता रंङ साते श्रींङमी शुरू लोहनि। दंङ दू घाहो वहज़ा ज़ि अंऊ दोई सहन लहरी, हेनर ठीक शुहचे इलजे तोतोंई।

1 पतरस 3:18

गेह दि दिऊ थल्जी कुट्रातग, छना कुचे मसीह ज़ि हेंदु पापो थल्जी दुख सहन लहरी दंङ सिए इलि। दू सिर्फ इच्च़ा फेरा सिए इलज़ा दंङ दोबि दोहराएच़िमी ज़रूरत माह। दू इच्च़ा धर्मी मीह तोहई अंऊ पापी मीहतु थल्जी सिए इलि ताकि दू हेंदिंङ परमेश्वरो कछंङ रैंज़ा शोतो। दोच़ी दोऊ फुक सचे च़रतिर, पर परमेश्वरे दोबि पवित्र आत्माओ सामर्थ रें यह्च़ा श्रींङमी लेह च़रति।

1 यूहन्ना 2:2

दंङ दुह हेंदु पापो माफी ऊ थल्जी बलिदान शुहचे इलि, दुह सिर्फ हेंदु ए मशत पर भत्ते संसारो मीहतु पापो थल्जी लाह बलि शुहचे इलि।

प्रकाशित वाक्य 1:5

दंङ यीशु मसीहू तरफे केतिंङ मोह्ड़े दाह ए शांति खोकसोतो, अतु बचनो टोईच़ी विशवास लेह तरपोंई दुह ए तोह सिमी थल यह्च़ा श्रींङे इलि दंङ दुह दि संसारो रज्ज़ा तु अधिकारी तोह। दोई हेंदंङ साते दाह लहज़ा दंङ हेंदिंङ बचाएच़ा, दोई एनोह शुहई दोरच़ी हेंदिंङ पापो दोरच़ी बचाएच़ा। दोई हेंदिंङ झांह ठ्रोह मीह बणाके चरच़तो, अतु परमेश्वर दोतु रज्ज़ा तोह दंङ दोई हेंदिंङ एनोह बाह परमेश्वरो थल्जी यहुदी पुरोहित बणाके च़रति। दोबि आदर ए अधिकार हमेशा खोकसा लोहतो। अमीन।

प्रकाशित वाक्य 5:9

दंङ दोरे दि खरकोई गीत कुट्री लेहतिर, “कांह दि कताब मुहर थक्च़िमी ए दिबी युप्च़िमी जोगे तोतोन; छना कुचे कनिंङ बलिदान लहसी शुह। कनु शुहई अंऊ बहाएक्सी तोहई, मीहतिंङ छुड़ाके च़रति ताकि दोरे परमेश्वरो मीहरे बणेंके योर। दिरे मीहरे भत्ते गोत्र, भत्ते भाषा, भत्ते ठहरि ए भत्ते राज्यो दोरच़ी तोतोर।”

प्रकाशित वाक्य 7:14

दंङ दोतंङ साते कुड़िगा, “हे मालिका, गेह माह ञेंच़ातग पर केई ए ञेंच़ातन,” दोई गिऊ हखा कुई, “दिरे दुह मीहरे शुरे अंऊ दोच़ी महस दुखो अनुभव लहसी शुह। दोच़ी एनोह खमज़ेर कुरच़ो शुहई रें शुहल्ज़े चरच़ातोर दंङ हेंतेग दोरे छंङसी शुहचे इलोर, दिऊ मतलब दि तोह कि दोतु पाप मिटाके केहषी तोह।”