रोमियो 4:18 - लाहौली बाइबिल

^18-19 परमेश्वरे अब्राहमो हखा कुई कि दोऊ महस खानदान शोतो, पर अब्राहमे खंई कि कटुरे जेह्कपिमी थल्जी दू महस यांङदे तोहई, छना कुचे दू लगभग राह सालो शुहचे इलजी तोहई। सारा ला हेंतेग कटुरे जेह्कपिमी जोगे माह तोहई। पर अब्राहमे ञेंहच़ाते कि दोतु फुक सिऊ हालाता रिंङ तोहई, दुह महस मीहतु बाह बणेंकी माहरपोतो, तांला दू एनोह विशवास रिंङ कमज़ोर माह शुई। दू विशवास लहज़ी लेहती दंङ दोऊ उम्मीद योहसिरी ए माह।

रोमियो 4:18 Iomraidhean Croise

लूको 1:18

जकर्याह स्वर्गदूत रुहक्ती, “गेह दिऊ टोहकठे छना विशवास लोहग कि ञेंतंङ साते झांह शोतो? छना कुचे गेह ता यांङदे शुगाह; दंङ गिऊ मेच़ा ला यंङषी इलजी तोद।”

प्रेरित 27:25

झांह लेह, हे सज्जनो, याहब लंहि; छना कुचे गेह परमेश्वरो टोईच़ी विशवास लहज़ातग, कि छना गेरंङ साते कुहषी तोह, ध्वांए शोतो।

रोमियो 4:17

छना पवित्र शास्त्रारिंङ च़ेहसी तोह, कि “गेह कनिंङ महसे जातितु पूर्वज ठहरापोग” परमेश्वरो नज़रारिंङ अब्राहम हेंदु पूर्वज शुह दोई दू परमेश्वरो टोहकठे विशवास लहरी, अंऊ सि दोतिंङ श्रींङमी लहज़ा दंङ अंऊ गप्पा तोह ए माह, दोऊ मिन झांह लेहपच़ा, कि दुह तोह।

रोमियो 5:5

दंङ उम्मीदारंङ शार्मिन्दगी माह शुहबी, छना कुचे पवित्र आत्मा अंऊ हेंदिंङ परमेश्वरे रांहषी ततो दोऊ दोरच़ी परमेश्वरे एनोह दाह रंङ साते हेंदु सेहम पिंङे केहतो।

रोमियो 8:24

हेंतेग अंऊ परमेश्वरे हेनर बचाएकतो, दंङ हेंदु कछंङ दि उम्मीद तोह। पर अगर हेनर छा खोकसिमी उम्मीद लहज़ातंई अंऊ हेंदु कछंङ तुहई ए तोह, दंङ दू उम्मीद माह शुह। अरिला दू चीज़ खोकसिमी उम्मीद माह लहज़ा अंऊ दोऊ कछंङ तुहई ए तोह।

इब्रानियों 6:19

छना इच्च़ा मोह्ड़े मेखा रंङ छ़ुह्च़ी राह्शी किशती बि खड़े ए पक्‍का लेह तहज़ा, ध्वांए दि उम्मीद हेंदु जहान बि खड़े ए पक्‍का लेह तहज़ा तोह, अंऊ दोरच़ी हेंज़ी उम्मीद लोहवातंई दू यीशु शुह; अंऊ स्वर्गंङ महापवित्र ठाहरीरिंङ परमेश्वरो कछंङ इलजी तोह।