रोमियो 4:16 - लाहौली बाइबिल

¹⁶ झांह लेह मीहच़ी विशवासो दोरच़ी परमेश्वरो वाईदा खोक्तिर। दि दिऊ थल्जी शुहबी ताकि मोह्ड़े दाह दोरच़ी खोकसोतो। दंङ अब्राहमो भत्ते कटुतिंङ दुह वाईदा खोकसोतो। दि सिर्फ दोतु थल्जी मशत पर अंऊ मुसाओ कानूनो अधीन बंङज़ातोर, पर हर इच्च़ा दुह मीहू थल्जी तोह, अंऊ अब्राहमो ठ्रोह विशवासरिंङ श्रींङी बंङज़ा, अंऊ हेंदु भत्ते तु पूर्वज शुह।

रोमियो 4:16 Iomraidhean Croise

लूको 19:9

दंङ यीशु ज़ि दोबि कुहतो “तोहग दिह घरबारो मीहतु बिचंङ उद्धार शुहचा, छना कुचे कि दिह लाह अब्राहमो खानदानो शुह,

रोमियो 15:8

गेह कुट्रातग, कि अंऊ वाईदा बाह-मेमेतिंङ रांहषी तोहई, दू वाईदा तिंङ हेले लहज़िमी थल्जी, दंङ दि कंड्रिमी थल्जी कि परमेश्वर वफादार तोह, मसीह यहुदी मीहतु सेवक बणेंके इलि।

रोमियो 3:22

अपेहल हेनर यीशु मसीहू टोहकठे विशवास लहज़ातंई, दंङ हेनर परमेश्वरो दोरच़ी धर्मी शुहचे य्वातंई, अंऊ कि भत्ते विशवास लहज़ा तु थल्जी तोह। परमेश्वर भत्ते तंङ साते इच्च़ा ठ्रोह व्यवहार लहज़ा।

रोमियो 3:30

छना कुचे इच्च़ा ए परमेश्वर तोह, अंऊ खतना लहसी यहुदी तिंङ विशवासा रंङ दंङ खतना मेह ऊईजाति तिंङ ला विशवास मेह धर्मी बणाके च़रपोतो।

रोमियो 4:11

परमेश्वरे अब्राहमा बि तुहई ए स्वीकार लेह चरच़ाते दंङ दोबि धर्मी घोषित लेह च़रति, हालांकि हेंतेग तचेक दोऊ खतना शुहसी माह तोहई। खतना ओ चिन्ह स्वीकार लहज़िमी मोहर शुह। झांह लेह, दुह, दुह मीहतु आत्मिक बाह बणेंके तोह, अच़ि विशवास लहज़ा तोर, पर दोतु खतना शुहचे माह दोरे एनोह विशवासो दोरच़ी धर्मी शुहचे इलोर।

रोमियो 5:1

झांह लेह हेनर विशवासो दोरच़ी धर्मी ठहरेक्सा इलिन, दोहपल प्रभु यीशु मसीहू दोरच़ी परमेश्वरा रंङ साते हेंदु मेल-मिलाप शुचि इलजी तोह।

रोमियो 9:8

दिऊ मतलब दि तोह कि अंऊ फुको हिटी ऊ हिसाबे जन्म लेहपच़ा तोर, दोरे परमेश्वरो ओलाद माह शुरे पर अतु जन्म वाईदा ओ हिसाबे शुई, दोरे ए अब्राहमो ओलाद शोर;

गलातियों 3:14

मसीह दि दिऊ थल्जी लहरी ताकि ऊईजाति तिंङ दोऊ आशीष खोकसोतो अतु वाईदा परमेश्वरे अब्राहमा रंङ साते यीशु मसीहू दोरच़ी लाहते। दंङ मसीह रिंङ विशवासो दोरच़ी, हेनर पवित्र आत्मा खोकपोंई अतु वाईदा दोई हेन्दिंङ रंड्रीमी थल्जी लाहते।

गलातियों 3:16

ध्वांए ठ्रोह परमेश्वरे एनोह वाईदा अब्राहम ए दोऊ खानदाना बि रेंई। पवित्र शास्त्र दि माह कुट्रा कि, “कांह खानदाना बि,” छना महसे तु पाहठी कुहषी तोह, पर दि इच्च़ा मीहू पाहठी गप्पा लहज़ा कि, “कांह खानदान,” दंङ दू मीह मसीह तोह।

गलातियों 3:22

पर पवित्र शास्त्र हेंदिंङ कंड्रा कि हेनर भत्तेर पापी शुई, भत्ते संसार पापो शाक्ति ओ अधीन। झांह लेह अच़िला यीशु मसीहू टोईच़ी विशवास लहज़ा, परमेश्वरो वाईदा दुह मीहतु थल्जी ए शोतो।

इफिसियों 2:5

अपेहल हेनर पापो वहज़ा ज़ि सिऊ बराबर तोईनी, दंङ दोई मसीह रंङ साते हेंदु एकता ओ वहज़ा ज़ि हेंदिंङ आत्मिक जीवन श्रींङमी जोगे बणाके च़रति। दंङ परमेश्वरो मोह्ड़े दाह दोरच़ी हेंदु उद्धार शुई।

इफिसियों 2:8

छना कुचे अपेहल केहच़ी विशवास लहज़ातंई दंङ परमेश्वरे एनोह मोह्ड़े दाह ओ दोरच़ी केतिंङ बचाएक्तो, पर दि परमेश्वरो दान तोह।

तीतुस 3:7

अंऊ दिरिंङ हेनर दुह अनंत जीवन खोकसिमी उम्मीद लेह तरपोंई अंऊ परमेश्वरे हेंदिंङ एनोह कटुरे शुहबिमी वाईदा लाहते। दंङ दि पाहठी ञेंहच़ी ञेंहच़ातोंई छना कुचे परमेश्वरे एनोह मोह्ड़े दाह ओ दोरच़ी हेंदिंङ एनारंङ साते सही ठहराच़ा।

2 पतरस 1:10

झांह लेह हे गिऊ प्यारे साथी विशवासी रे, केरे केनातिंङ ए ऊईतिंङ दि साबित लहज़िमी थल्जी कि परमेश्वरे केतिंङ हेले रिंङ दोऊ थलेच़ि जोज़िमी थल्जी कुहषी ततो दंङ केतिंङ एनोह मीहरे शुहबिमी थल्जी अंङषी ततो, झांह ठ्रोह कम लहज़िमी ऊई ला कोशिश लंहि। अगर केरे दि गुण बि हिद तोहनि ता केरे अपेहला मसीहू टोईच़ी विशवास लहज़ी ब्याड़ा माह लोहनि;