रोमियो 4:12 - लाहौली बाइबिल

¹² दंङ अब्राहम दुह खतना लहसी दोतु ला बाह बणेंके इलि, अंऊ माह सिर्फ खतना लहसी तु टोहकठे निर्भर बंङज़ातोर, पर अतु कछंङ ध्वांए ठ्रोह विशवास तोह, छना हेंदु पूर्वज अब्राहमो विशवास तोहई, अंऊ दोई एनोह खतना बे तुहई कंङाते।

रोमियो 4:12 Iomraidhean Croise

मत्ती 3:9

दंङ दिह थाह सोचेक्तुंई कि केरे दिह कुट्रा सज़ाओ दोरच़ी बचेके योंई कि ञेंहतु बाह-मेमे अब्राहम शुह। गेह केतंङ साते कुट्रातग कि परमेश्वर दिह रघटेतु दोरच़ी लाह अब्राहमो थल्जी औलाद पैदा लेह तरपोतो।

रोमियो 4:11

परमेश्वरे अब्राहमा बि तुहई ए स्वीकार लेह चरच़ाते दंङ दोबि धर्मी घोषित लेह च़रति, हालांकि हेंतेग तचेक दोऊ खतना शुहसी माह तोहई। खतना ओ चिन्ह स्वीकार लहज़िमी मोहर शुह। झांह लेह, दुह, दुह मीहतु आत्मिक बाह बणेंके तोह, अच़ि विशवास लहज़ा तोर, पर दोतु खतना शुहचे माह दोरे एनोह विशवासो दोरच़ी धर्मी शुहचे इलोर।

रोमियो 4:13

परमेश्वरे अब्राहम ए दोऊ खानदान रंङ साते वाईदा लहसी ततो कि दोई दोतिंङ दि संसारो वारिस बणाएकपोतो। दि वाईदा दिऊ थल्जी लहसी माह तोहई कि अब्राहमे कानूनो भाषे लाहते, पर परमेश्वरे दोबि दोऊ विशवासो दोरच़ी धर्मी बणाके च़रति।

2 कुरिन्थियों 12:18

गेह तीतुसा बि समझाके दोरंङ साते दू विशवासी न्वा च़रतिगा, दंङ छि तीतुसे छल लहज़ी ते केहतु दोरच़ी छा लेहपच़ातो आ? छि हेनर इच्च़ा ए मकसदा रंङ साते माह ज़ोवातंई आ? छि इच्च़ा ए तरीका रंङ साते कम माह लोहनि आ?

1 पतरस 2:21

परमेश्वरो दोरच़ी केरे अंङषी दोरच़ी इच्च़ा वहज़ा दि ला तोह कि केरे दोऊ थल्जी रूठे कम लहज़ा दुख सहन लेह च़रपोंई। मसीह, अच़ि केहतु थल्जी दुख सहन लहरी, दू एनाह ए केहतु थल्जी इच्च़ा उदाहरण रे च़रति, ताकि केरे दोऊ हिद लंहि।